Joel 3:21 - Q'eqchi Bible

²¹ Laa'in tin'eeqajunq chirix li xkik'eleb', moko taakanaaq ta yal chi jo'kan. Ut sa' li tzuul Sión tink'ojob' linmuheb'aal chi junajwa”, chan li Qaawa' Yos.

Li Santil hu

²¹ La̱in tinqꞌueheb chixtojbal lix ma̱queb li queꞌcamsin reheb lin tenamit ut incꞌaꞌ tincuyeb xma̱c. Ut la̱in tincua̱nk chi junelic aran Sión riqꞌuineb li cualal incꞌajol, chan li Ka̱cuaꞌ.

Joel 3:21 ပူးပေါင်းရင်းမြစ်များ

Apocalipsis 21:3

Ut kiwab'i jun xyaab' kuxej ki'elk chaq sa' li nimajwal k'ojarib'aal, yo chi xyeeb'al chi kaw: “A'an a'in li xmuheb'aal li Yos rik'ineb' li poyanam. Li Yos tixk'ojob' li xmuheb'aal sa' xyanqeb', ut a'anaqeb' li xtenamit ut a'anaq li Yos rik'ineb'.

Ezequiel 36:25

Texinkirkisi chi chaab'il ha', ut ch'ajob'resinb'il chik texkanaaq; twisi eerik'in chixjunil leemaa'usilal ut texinch'ajob'resi re naq ink'a' chik teeloq'oniheb' li jalanil yos.

Isaías 4:4

Naq li Qaawa' taarisi li xmaa'usilaleb' laj Sión ut tixkuy xmaakeb' li ke'kamsink aran Jerusalén, naq akaq xch'ajob'resi xsa' li tenamit rik'in li xloq'laj musiq' ut li xxamlel li xjosq'il,

Ezequiel 36:29

Texinkol chiru chixjunil leemaa'usilal; tink'e chi tamk li triiw ut ink'a' chik texink'e chi kuyuk tz'okaak.

Ezequiel 48:35

Li roq chixjunil li xsuttz'akil li tenamit a'an kach'in chik maa wiib' leew, ut chalen sa' li kutan a'an li tenamit tixk'ab'a'in: «Li Qaawa' wank arin»”.

Joel 3:17

“Toja' naq teetaw xyaalal naq laa'in li Qaawa' leeYos ut wankin Sión sa' linloq'laj tzuul. Jerusalén a'anaq li santil tenamit, ut maajun sut chik te'wanq aran eb' li jalaneb' xtenamit.

San Mateo 27:25

Ut chixjunileb' li tenamit ke'xsume ut ke'xye: —Li xkik'el chinaq sa' qab'een ut sa' xb'eeneb' li qalal qak'ajol.

Joel 2:27

Toja' naq laa'ex aj Israel teenaw naq wankin sa' eeyanq; laa'in li Qaawa' leeYos, ut maak'a' chik junaq chiwu laa'in! Ut lintenamit maajoq'e chik taak'ehe'q sa' xutaan”.