Joel 3:2 - Q'eqchi Bible

² Tinch'utub'eb' chixjunil li tenamit ut tink'ameb' sa' xtaq'ahil Josafat. Aran tinraqoq aatin sa' xb'eeneb' chirix laj Israel, xb'aan naq ke'xcha'cha'i lintenamit ut li weechanihom, sa' chixjunil li ruuchich'och', ut ke'xjek'i linna'aj chirib'ileb' rib'.

Li Santil hu

² Tinchꞌutubeb saꞌ li ru takꞌa re Josafat chixjunileb li tenamit li xeꞌba̱nun raylal reheb laj Israel. Ut aran tinrakok a̱tin saꞌ xbe̱neb xban li ma̱usilal queꞌxba̱nu reheb lin tenamit Israel nak queꞌxtaklaheb yalak bar saꞌ ruchichꞌochꞌ, ut queꞌxjeqꞌui chi ribileb rib li naꞌajej li quinqꞌue reheb lin tenamit.

Joel 3:2 ပူးပေါင်းရင်းမြစ်များ

Sofonías 3:8

Jo'kan naq chineeroyb'eni wan laa'ex sa' li kutan a'an, chan li Qaawa', naq tinchalq chi raqok aatin sa' eeb'een. Tinch'utub'eb' li tenamit ut eb' li awab'ej re xkutb'al linjosq'il sa' xb'eeneb', jo' ajwi' re xk'utb'al jo'nimal li naxamnak wi' li waanm. Ut chixjunil li ruuchich'och' taasache'q xb'aan linjosq'il.

Isaías 66:16

Relik chi yaal naq li Qaawa' taaraqoq aatin rik'in xam; taaraqoq aatin rik'in q'esnal ch'iich' sa' xb'eeneb' chixjunil li poyanam, ut naab'aleb' li te'sache'q ru xb'aan li Qaawa'.

Apocalipsis 16:16

Toja' naq eb' li oxib' chi tz'ajn aj musiq'ej ke'xch'utub' li awab'ej sa' jun li na'ajej, Armakedón xk'ab'a', sa' aatinob'aal hebreo.

Joel 3:12

Kawresiiq eerib', ex tenamit, ut ayuqex sa' xtaq'ahil Josafat. xb'aan naq aran tink'ojlaaq chi raqok aatin sa' xb'eeneb' chixjunileb' li tenamit li nach' wankeb'.

Ezequiel 39:11

“Sa'eb' li kutan a'an tink'e jun xmuqleb'aal laj Gog sa' xteepal Israel, sa' xTaq'ahil Abarim, sa' releb'l saq'e sa' xka'yab'aal li palaw. Aran taamuqe'q laj Gog rochb'eeneb' li xsoldaad. Abarim taarame'q chi junajwa ut xTaq'ahil Amón-Gog chik tixk'ab'a'in.

Ezequiel 35:10

«Laa'at xaye: Weheb' li wiib' teep chi tenamit; qeechaniiq Israel us ta aran wank li Qaawa', chankat.

Jeremías 25:31

Li xyaab' xkux li Qaawa' taa'ab'imanq xb'aaneb' chixjunil li poyanam, toj sa' xmaril li ruuchich'och', xb'aan naq li Qaawa' ok re chi xjitb'al chixjunileb' li poyanam; A'an taaraqoq aatin sa' xb'een chixjunileb' li tenamit ut tixsach ruheb' chi ch'iich' li ink'a' useb' xna'leb', chan li Qaawa'»”.

Apocalipsis 20:8

ut taa'elq chi xb'alaq'inkileb' li tenamit wankatqeb' sa' xkaaxukuutil li ruuchich'och', jo'wi' chi xb'alaq'inkil laj Gog ut laj Magog, re xch'utub'ankileb' chi yalok: li xk'ihaleb' a'an kama'aq li samahib' chire li palaw.

Apocalipsis 16:14

A'aneb' xmusiq'eb' laj tza, li neke'b'aanunk sachb'ach'oolej ut neke'xik wankeb' wi' li awab'ej re chixjunil li ruuchich'och' re xch'utub'ankileb' chi yalok sa' li xnimal xkutankil li Nimajwal Yos.

Apocalipsis 16:6

xb'aan naq eb' a'an xe'xhoy xkik'eleb' li sant jo'wi' li xkik'eleb' li propeet, ut laa'at xak'e li kik' chi ruk'eb': jo'kan naq xe'xk'ul tz'aqal xq'ajkamunkileb'”.

Amós 1:11

Jo'ka'in kixye li Qaawa': “Ak k'iila sut xinkuy xmaakeb' laj Edom ut anaqwan maak'a' chik xkuyb'al, xb'aan naq rik'in ch'iich' xe'raanilasiheb' laj Israel li riitz'ineb' ut xe'xsach xwankil li uxtaanank u. Xe'xtz'eqtaanaheb' chi junwaakaj ut junelik xe'xk'uula sa' xch'ooleb' li josq'ink.

Ezequiel 36:5

Jo'ka'in xye li Qaawa': Sa' xxamlel injosq'il twaatinaheb' li tenamit junch'ol, ut q'axal wi' chik rik'ineb' laj Edom, xb'aan naq chi k'ajo' xsahilaleb' xch'ool xe'reechani linna'aj ut xe'relq'a chixjunil li k'a'aq re ru wank chisa'».

Ezequiel 25:8

“Laa'in, li Qaawa', ninye chi jo'ka'in: Mohab ut Seír neke'xye naq Judá juntaq'eet rik'ineb' li tenamit junch'oleb'.

Jeremías 49:1

Jo'ka'in kixye li Qaawa' chirixeb' laj Amón: “Ma maak'a'eb' tab'i' ralal xk'ajoleb' laj Israel? Ma maajun taa'eechaninq re li xna'ajeb'? K'a' put naq li yos Mikón chik x'eechanink re Gad ut eb' laj Amón xe'kanaak sa'eb' li xtenamiteb'?

Jeremías 12:14

Jo'ka'in kixye li Qaawa': “Chixjunileb' li rechkab'al laj Israel ink'a' useb' xna'leb'. A'aneb' li xe'sachok re li na'ajej ink'ehom re li tenamit Israel; jo'kan naq laa'in twisiheb' sa' li xna'ajeb', ut twisiheb' chaq laj Judá sa' xyanqeb'.

2 Crónicas 20:26

Sa' xka li kutan ke'xch'utub' rib' sa' xTaq'ahil Beraká, ut aran ke'yoxink chiru li Qaawa'. Jo'kan naq chalen toj anaqwan “xTaq'ahil Beraká” nayeemank re li na'ajej a'an.

Apocalipsis 11:18

Xe'josq'o'k eb' li tenamit, ab'an xchalk laajosq'il ut xtaw xq'ehil xraqb'al aatin sa' xb'eeneb' li kamenaq, jo'wi' xq'ajkamunkileb' laj k'anjel chawu, a'eb' li propeet, eb' li sant ut eb' li neke'paab'ank chawu jo' kok' jo' ninq. Xtaw xq'ehil xsachb'aleb' ajwi' li neke'sachok re li ruuchich'och'”.

Isaías 66:18

“Laa'in tinchalq chi xch'utub'ankil chixjunileb' li tenamit -chan li Qaawa'- jo'wi' eb' li jalan jalanq chi aatinob'aal: junchalikaqeb' naq tole'ril linloq'al.

Jeremías 50:17

“Israel chanchan li karneer sachenaq, aanilasinb'il xb'aaneb' li kaqkoj. Xb'enwa xsache'k xb'aan li awab'ej re Asiria; chirix chik a'an, laj Nabukodonosor, li awab'ej re Babilonia, xchoyok re.

Ezequiel 34:6

Xe'sachje'k sa'eb' li k'iche' ut sa'atqeb' li tzuul, xe'xcha'cha'i rib' sa' chixjunil li ruuchich'och', chi maajun napatz'ok reheb' chi moko xkoheb' chi xsik'b'al.

Ezequiel 36:1

“At kaamel winq, aatinaheb' li xtzuulul Israel ut ye reheb' sa' ink'ab'a' naq rab'iiqeb' li waatin.

Joel 3:14

K'ajo' xk'ihaleb' li tenamit sa' li taq'a b'arwi' twanq li raqok aatin! Xb'aan naq nach' chik wank li xKutankil li Qaawa' sa' xtaq'ahil li raqok aatin.

Miqueas 4:12

Ab'an eb' a'an ink'a' neke'xnaw li xk'a'uxl li Qaawa' chi moko neke'xtaw ru li k'aru naraj; ink'a' neke'xnaw naq A'an xch'utub'ank reheb' jo' na'uxk re li triiw sa' xq'ehil risinkil li rix.