Joel 3:18 - Q'eqchi Bible

¹⁸ “Sa' li kutan a'an q'axal chaab'ilaq chik li ch'och', k'ajo' chik naq te'uuchinq li awimq; wanq chik li ha' sa' chixjunileb' li roqha' re Judá ut taayo'laaq jun yu'amha' sa' rochoch li Qaawa' li tixt'aqresi li xtaq'ahil Akasya.

Li Santil hu

¹⁸ Saꞌ eb li cutan aꞌan cha̱bilak chic li chꞌochꞌ. Ta̱e̱lk chi nabal li ru li racui̱mkeb laj Judá. Lix qꞌuial lix vino ut lix leche chanchanak chic lix qꞌuial li haꞌ li na-el saꞌ eb li tzu̱l. Ut nabal li haꞌ ta̱cua̱nk saꞌ eb li rok haꞌ saꞌ li naꞌajej Judá. Saꞌ lin santil templo ta̱e̱lk chak li yuꞌam haꞌ re tixtꞌakresi chixjunil li ru takꞌa Sitim.

Joel 3:18 ပူးပေါင်းရင်းမြစ်များ

Zacarías 14:8

Sa' li kutan a'an jun yu'amha' taayo'laaq Jerusalén: yiijach taaxik sa' li Atz'aminb'il Palaw ut yiijach taaxik sa' li palaw wank sa' xjayal rokeb'l saq'e; ut ink'a' taachaqiq sa' saq'ehil.

Isaías 35:6

Li yeq roq taapisk'oq jo' li yuk, ut eb' li mem te'xjap chik re xb'aan xsahil xch'ooleb'. Sa' li chaqich'och' taayo'laaq li yu'amha' ut k'ajo' li ha' taawulk'uq sa' li joxk' na'ajej.

Isaías 30:25

Sa' chixjunileb' li ninqi tzuul ut b'ool taawanq yu'amha' li ink'a' taachaqiq sa' xkutankil li nimla rahilal, naq te't'anje'q eb' li ochoch najteb' xteram.

Números 25:1

Naq eb' laj Israel ke'na'ajunk aran Sitín, eb' li winq ke'ok chi ko'b'eetak rik'ineb' li ixq aj Mohab.

Salmos 46:4

Us ta ch'oxb'aqeb' xyaab' li ha' naq te'pujk'uq chaq, us ta talaje'eek'anq li tzuul xb'aan xkawil oq li palaw, ab'an li Qaawa', li Nimajwal Yos, wank qik'in, li xYos laj Jakob a'an laj kolol qe.

Li xHu LAJ JOB 29:6

Sa'eb' li kutan a'an numtajenaq li leech ut k'ajo' chaq li aseeyt sa' li wochoch!

Éxodo 3:8

Jo'kan naq xinkub'e chaq chi xkolb'aleb' sa' ruq'eb' laj Ejiipt, chi risinkileb' sa' li na'ajej a'an ut chi xk'amb'aleb' sa' jun li ch'och' chaab'il ut yamyo, sa' jun li ch'och' k'ajo' xq'emal, sa' xna'ajeb' laj Kanahán, laj Hit, laj Amor, laj Perés, laj Jib ut laj Jebús.

Miqueas 6:5

At intenamit, jultikaq aawe anaqwan k'aru kixk'uub' laj Balak, li awab'ej re Mohab, ut li xsumenkil xb'aan laj Balaham, ralal laj Pehor. Jultikaq aawe naq katnume'k chaq Sitín toj Kilkal, ut k'e reetal li xtiikilal xch'ool li Qaawa'”.

Isaías 44:3

Tintaqla li hab' sa' li chaqich'och' ut tinyoob'tesiheb' li nima' sa' li joxk' na'ajej. Tinhoy linmusiq' sa' xb'eeneb' laawalal aak'ajol ut twosob'tesiheb' laawi aamam.

Isaías 45:8

“Ex choxa, chehoy chaq li k'ajob'; ex choql, chetaqla chaq li tiikilal. Chitehonq li ch'och' ut chiruuchin li kolb'a ib'; rochb'eenaq a'an chi'atz'umaq li tiikil ch'oolej. Laa'in, li Qaawa', ninyoob'tesink re a'in”.

Isaías 55:1

“Chejunilex li nachaqik eere, kimqex chi uk'ak ha'. Us ta maak'a' eetumin, kimqex ut tzekanqex chi maatan; uk'umaq b'iin ut xya'al xtu' wakax, chi ink'a' teetoj.

Isaías 66:11

Xb'aan naq taak'ojob'aaq leeraanm xb'aan li xnimal xq'unal: jo'eb' li k'uula'al yookeb' chi tu'uk, jo'kan ajwi' naq teetu'un li xtu' Jerusalén rik'in sahil ch'oolej.

Jeremías 31:12

“Te'chalje'q rik'in b'ichank sa' xb'een li tzuul Sión; jun chalikaqeb' wan wi' li xsimaatan li Qaawa', chi xyalb'al xsahil li triiw, li b'iin ut li aseeyt, ut te'k'ojlaaq xch'ool rik'in li raleb' li karneer ut li wakax. Chanchanaqeb' jun li xna'aj awimq t'aqresinb'il chi us, ut maajoq'e chik te'wiib'anq xch'ool.