Joel 3:16 - Q'eqchi Bible

¹⁶ Naq li Qaawa' naxjap chaq re chi aatinak aran Sión ut li xyaab' xkux na'ab'imank Jerusalén, na'eek'ank sa' xna'aj li choxach'och'. A'ut li Qaawa' a'an li xmuheelahom li xtenamit, li neke'xkol wi' rib'eb' laj Israel.

Li Santil hu

¹⁶ Nak la̱in tina̱tinak chi cau xya̱b incux saꞌ li tzu̱l Sión aran Jerusalén, li choxa joꞌ ajcuiꞌ li ruchichꞌochꞌ teꞌecꞌa̱nk saꞌ xnaꞌaj. Abanan eb laj Israel lin tenamit cauhakeb xchꞌo̱l cuiqꞌuin. Ut cuiqꞌuin teꞌyoꞌoni̱nk xban nak la̱in tincolok reheb.

Joel 3:16 ပူးပေါင်းရင်းမြစ်များ

Amós 1:2

Kixye chi jo'ka'in: “Toj Sión naxjap chaq re li Qaawa'; toj Jerusalén na'ab'iik li xyaab' xkux. Eb' li xna'ajeb' li ketomq xe'chaqikje'k, ut xjoxk'o'k ru li tzuul Karmeel”.

Hageo 2:6

Wulak re xq'ehil naq tinhich'hich'i li choxa, li ruuchich'och', li palaw ut li chaqich'och';

Jeremías 16:19

At Qaawa', laa'at linkawilal ut li xkawub' linch'ool; laa'at nakatkolok we naq wankin sa' rahilal. Toj sa' xkaaxukuutil li ruuchich'och' te'chalq aawik'in chixjunileb' li tenamit ut te'xye aawe: “Relik chi yaal naq junes jalanil yos, maak'a' aj e ut maak'a'eb' xwankil li ke'xloq'oni eb' li qana' qayuwa'.

Isaías 42:13

Li Qaawa' taa'elq chaq jo' li q'axal kaw rib', tixjap chaq re jo' junaq aj puub'; chi k'ajo' xjosq'il taa'ok chi yalok ut tixq'ax ruheb' li xik' neke'ilok re.

Proverbios 18:10

Li Qaawa' a'an chanchan li kawub'resinb'il ochoch: rik'in A'an neke'xkol rib' li tiikeb' xch'ool.

Ezequiel 38:19

Sa' xxamlel linjosq'il ninye li waatin naq taawanq jun nimla hiik sa' xteepal Israel chiruheb' li kutan a'an.

Isaías 51:16

Laa'in xink'e li waatin chi xtz'uumal aawe ut xatinmuheela rub'el inwankil. Laa'in kinhelok re li choxa ut kink'ojob' li ruuchich'och' sa' xna'aj, ut anaqwan ninye re Sión: «Laa'at lintenamit»”.

Salmos 61:3

Toj sa' chaq xmaril li ruuchich'och' ninyaab'a laak'ab'a', naq q'axal nayot'e'k li waanm. Chinaab'eres toj sa' xb'een li saqoonak najt xteram,

Apocalipsis 16:18

Ut ke'chalje'k raq'kaaq, xyaab' kuxej, kaaq ut jun li nimla hiik: maajun sut wanjenaq hiik jo'kan xkawil, chalen chaq sa' rokikeb' li winq sa' ruuchich'och'.

Salmos 18:2

Kixye: At Qaawa', q'axal nakatinra, laa'at li xkawilal linch'ool.

Isaías 33:16

A'an taawanq sa' jun na'ajej najt xteram, taahilanq sa' jun kawub'resinb'il ochoch, ut taawanq xwa ruk'a' chi junelik.

Salmos 29:11

Li Qaawa' naxk'e xwankilal li xtenamit, li Qaawa' narosob'tesi li xtenamit rik'in tuqtuukilal.

1 Samuel 15:29

Li Qaawa' a'an li xloq'al eb' laj Israel, ut ink'a' natik'ti'ik chi moko nawiib'ank xch'ool, xb'aan naq maawa' yal winq re naq tixjal xk'a'uxl”.

Apocalipsis 11:19

Ut kiteeliik li rochoch li Yos sa' choxa, kik'utunk li xLoq'laj Kaaxil li Sumwank sa' rochoch li Yos ut kilaje'wank raq'kaaq, xyaab' kuxej, kaaq, hiik ut makach'in li saqb'ach.

Apocalipsis 11:13

Sa' ajwi' li honal a'an kiwank jun li nimla hiik: li xlaje jachal li tenamit ki'uq'e'k, ut ke'kamk wuqub' mil chi winq xb'aan li hiik; ut eb' li ink'a' ke'kamk, ke'xnima xloq'al li Yos wank sa' choxa chi k'ajo'eb' xxiw.

Hebreos 12:26

Li xyaab' xkux li Yos kireek'asi li ruuchich'och' naq ki'aatinak, ab'an anaqwan naxye qe: “Jun sut chik tweek'asi moko ka'aj ta wi' li ruuchich'och', tweek'asi aj b'an wi' li choxa”.

Zacarías 10:12

Tinkawub'resi xch'ooleb' lintenamit ut te'b'eeq sa' ink'ab'a'. Laa'in, li Qaawa', xinyehok re a'in”.

Amós 3:8

Ani ink'a' naxiwak naq naxjap chaq re li kaqkoj? Ani ink'a' taa'aatinaq jo' propeet wi li Qaawa' nayehok re?

Oseas 11:10

A' chik li Qaawa' te'xtaaqe, ut A'an tixjap re jo' naxb'aanu li kaqkoj. Tixjap re, ut chixjunileb' li alalb'ej te'chalq sa' xjayal rokeb'l saq'e chi siksootqeb' xb'aan xxiweb'.

Zacarías 10:6

“Laa'in tink'e xkawub' xch'ooleb' laj Judá ut tintenq'aheb' li ralal xk'ajol laj José. Tink'ameb' chaq wi' chik sa' li xtenamiteb' xb'aan naq nawil xtoq'ob'aal ruheb'; chanchan naq maajun sut xintz'eqtaanaheb', xb'aan naq laa'in li Qaawa' li xYoseb' ut nink'ul li xtijeb'.

Isaías 33:21

Aran li Qaawa' tixk'ut chiqu li xnimal xloq'al. K'ajo'aq xk'ihal li nima' ut xninqal roq li ha' sa' li na'ajej, ab'an ink'a' te'nume'q aran eb' li ninqi jukub' b'eresinb'ileb' xb'aaneb' li xik' neke'ilok qe.

Jeremías 17:17

At Qaawa', minaaxib'esi laa'at, xb'aan naq nikinaakol sa' xhonalil li raaxiik'.

Nahum 1:7

Li Qaawa' a'an q'axal chaab'il cho'q re li kaw xch'ool chirix; a'an li kawilal sa' xhonalil li rahil ch'oolej ut narileb' li neke'oyb'enink rik'in

Hageo 2:7

ut tweek'asi xch'ooleb' chixjunil li tenamit. Toja' naq chixjunileb' a'an te'xk'amatq chaq li xb'ihomaleb' ut taanujaq li ochoch a'in rik'in linloq'al, chan li Nimajwal Yos.

Zacarías 9:12

Sutq'inqex chaq sa' leetenamit, laa'ex li preex li toj wank eeroyb'enihom. Anaqwan ajwi' tinye resil naq ka'sut chik texwosob'tesi xb'aan li rahilal xek'ul.