Joel 3:13 - Q'eqchi Bible

¹³ Xnumtaak li xmaa'usilaleb'; jo'kan naq setomaqeb' jo' na'uxk re li triiw sa' li q'olok; yatz'omaqeb' jo' na'uxk re li uub', xb'aan naq ak xnujak li yatz'leb'aal.

Li Santil hu

¹³ Chanchan li trigo li ac xcuulac xkꞌehil xyocꞌbal ut chanchan li uvas li ac xcuulac xkꞌehil nak ta̱yatzꞌekꞌ; joꞌcan nak ac xcuulac xkꞌehil nak tinsach ruheb xban nak ac xnumta li ma̱usilal li xeꞌxba̱nu.

Joel 3:13 ပူးပေါင်းရင်းမြစ်များ

San Marcos 4:29

Ut naq ak xq'ano'k li ru, chi junpaat naq'olmank xb'aan naq xwulak xq'ehil li q'olok”.

Oseas 6:11

Ut cho'q aawe, at Judá, ak xaqxo sa' aab'een li xkutankil li tojb'amaak.

Isaías 63:3

“Yaal, injunes xinyatz' ru li uub' chi maajun reheb' lintenamit xtenq'ank we. Xinyeq'iheb' sa' woq eb' li xik' neke'ilok we ut xinteniheb' chi k'ajo' injosq'il. Li xkik'eleb' xpach'ok chiwix ut xintz'ajni chixjunil li waq'.

San Mateo 13:39

laj xik'il uuchinel a'an laj tza li ki'awok re li pim. Li q'olok a'an li roso'jik li ruuchich'och', ut eb' laj q'olonel a'aneb' li ánjel.

Jeremías 51:33

Xb'aan naq li Nimajwal Yos, li xYos laj Israel, xye chi jo'ka'in: “Li tenamit Babilonia a'an chanchan li na'ajej na'isimank wi' li rix li triiw; wulak re xkutankil li q'olok!”.

Lamentaciones 1:15

Li Qaawa' xtz'eqtaana chixjunileb' li jwal kaweb' rib' chinkolb'al. Xch'utub'eb' li k'iila aj puub' chi yalok wik'in re xsachb'al ruheb' li saaj al neke'okenk chiwix. Xinxyeq'i sa' roq laa'in li tuq'ixq re Judá, jo' na'uxk reheb' li uub' re xyatz'b'al li xya'al.

Deuteronomio 16:9

“Taawajla wuqub' chi xamaan. Chalen sa' xtiklajik li q'olok triiw taatikib' rajlankil li wuqub' chi xamaan.

Génesis 18:20

Kixye ajwi' li Qaawa': “Jwal kaw li xyaab' kuxej neke'jite'k wi' eb' laj Sodoom ut laj Gomoor, ut q'axal nim li xmaakeb'.

Génesis 15:16

Sa' li xka xteepal riyajileb' laawalal, eb' a'in te'sutq'iiq chaq arin xb'aan naq anaqwan toj maji' xtz'aqlok ru li xk'ihal xmaakeb' laj Amor”, chan li Qaawa'.

Génesis 13:13

Eb' laj Sodoom jwal ink'a' useb' xch'ool ut aj maakeb' chiru li Qaawa'.

Apocalipsis 14:14

Kin'ilok wi' chik, ut aran wank jun li saqi choql, ut sa' xb'een li choql k'ojk'o jun kama' rilob'aal li K'ajolb'ej: sa' xjolom wank jun li koroon oor ut sa' ruq' jun q'esnal ch'iich'.

Apocalipsis 19:15

Sa' re na'elk chaq jun li q'esnal ch'iich' re xyok'b'aleb' li tenamit. Tixb'eresiheb' rik'in b'aar ch'iich', ut a'an ajwi' taayatz'oq uub' re risinkil li b'iin, reetalil li xnimal xjosq'il li Nimajwal Yos.

Isaías 17:5

Taak'ulmanq kama' naq laj setonel naxxok chi joob' li awimq, naxch'ot li ru malaj naxxok li triiw sa' xtaq'ahil Refaín: