Joel 3:12 - Q'eqchi Bible

¹² Kawresiiq eerib', ex tenamit, ut ayuqex sa' xtaq'ahil Josafat. xb'aan naq aran tink'ojlaaq chi raqok aatin sa' xb'eeneb' chixjunileb' li tenamit li nach' wankeb'.

Li Santil hu

¹² Ut li Ka̱cuaꞌ quixye ajcuiꞌ: —Cauresihomakeb li tenamit re teꞌxic saꞌ li ru takꞌa re Josafat, xban nak aran ta̱cꞌojla̱k li Ka̱cuaꞌ chi rakoc a̱tin saꞌ xbe̱neb chixjunil li tenamit li nachꞌ cuanqueb riqꞌuin Israel.

Joel 3:12 ပူးပေါင်းရင်းမြစ်များ

Joel 3:2

Tinch'utub'eb' chixjunil li tenamit ut tink'ameb' sa' xtaq'ahil Josafat. Aran tinraqoq aatin sa' xb'eeneb' chirix laj Israel, xb'aan naq ke'xcha'cha'i lintenamit ut li weechanihom, sa' chixjunil li ruuchich'och', ut ke'xjek'i linna'aj chirib'ileb' rib'.

Isaías 3:13

Xwakli chaq li Qaawa', ak xaqxo chi raqok aatin sa' xb'een li xtenamit.

Isaías 2:4

Li Qaawa' taaraqoq aatin sa' xb'eeneb' li tenamit ut a'anaq laj raqol aatin sa' xyanqeb' naab'al chi poyanam. Te'xsutq'isi eb' li q'esnal ch'iich' cho'q pikleb' ch'och', ut li xjutz' ch'iich'eb' te'kanaaq cho'q setleb' k'im. Eb' li tenamit ink'a' chik te'yaloq chirib'ileb' rib' chi moko te'xkawresi rib' re yalok.

Salmos 98:9

chiru li Qaawa' xb'aan naq chalk re: chalk re chi raqok aatin sa' xb'een li ruuchich'och'! Tixjolomi li choxach'och' sa' tiikilal ut tixb'eresi chixjunileb' li tenamit jo' chanru xchaab'ilal li xch'ool.

Salmos 96:13

chiru li Qaawa' xb'aan naq chalk re: chalk re chi raqok aatin sa' xb'een li ruuchich'och'! Tixjolomi li choxach'och' sa' tiikilal ut tixb'eresi chixjunileb' li tenamit jo' chanru xchaab'ilal xch'ool.

Zacarías 14:4

Sa' li kutan a'an li Qaawa' tixxaqab' li roq sa' xb'een li tzuul Oliiw, li wank sa' xka'yab'aal Jerusalén, sa' releb'l li saq'e. Ut li tzuul Oliiw taajache'q sa' xyi, chalen sa' xjayal releb'l saq'e ut sa' rokeb'l, ut jun nimla taq'a taatehonq aran: jun jachal li tzuul taakanaaq sa' xjayal releb'l iq' ut li jun jachal chik taakanaaq sa' xjayal xsak'leb' iq'.

Miqueas 4:3

Li Qaawa' taaraqoq aatin sa' xb'eeneb' li tenamit ut a'anaq laj raqol aatin sa' xyanqeb' naab'al chi poyanam, toj sa' xb'eeneb' li wankatqeb' chaq chi najt. Te'xsutq'isi eb' li q'esnal ch'iich' cho'q pikleb' ch'och', ut li xjutz' ch'iich'eb' te'kanaaq cho'q setleb' k'im. Eb' li tenamit ink'a' chik te'yaloq chirib'ileb' rib' chi moko te'xkawresi rib' re yalok.

Joel 3:14

K'ajo' xk'ihaleb' li tenamit sa' li taq'a b'arwi' twanq li raqok aatin! Xb'aan naq nach' chik wank li xKutankil li Qaawa' sa' xtaq'ahil li raqok aatin.

Salmos 7:6

chinraanilasiiq li xik' na'ilok we, chinxchapaq, chinxyeq'iiq sa' ch'och' ut chixtolk'osi sa' pojtz' linloq'al.

Apocalipsis 19:11

Toja' naq kiwil li choxa teeto ut aran wank jun kawaay saq rix; ut li k'ojk'o sa' xb'een, “Tiik xch'ool” ut “Paab'ajel” naxk'ab'a'in: naraqok aatin ut nayalok sa' tiikilal.

Ezequiel 39:11

“Sa'eb' li kutan a'an tink'e jun xmuqleb'aal laj Gog sa' xteepal Israel, sa' xTaq'ahil Abarim, sa' releb'l saq'e sa' xka'yab'aal li palaw. Aran taamuqe'q laj Gog rochb'eeneb' li xsoldaad. Abarim taarame'q chi junajwa ut xTaq'ahil Amón-Gog chik tixk'ab'a'in.

Ezequiel 30:3

xb'aan naq ak xnach'ok chaq xkutankil li Qaawa'. Jwal aak'ab'aq ru li kutan a'an, xkutankil li raqb'a aatin sa' xb'eeneb' li tenamit.

2 Crónicas 20:26

Sa' xka li kutan ke'xch'utub' rib' sa' xTaq'ahil Beraká, ut aran ke'yoxink chiru li Qaawa'. Jo'kan naq chalen toj anaqwan “xTaq'ahil Beraká” nayeemank re li na'ajej a'an.

Isaías 22:1

Resilal li rahilal chaalel sa' xb'een li xTaq'ahil li Moy u. K'aru xek'ul chejunilex anaqwan naq xextaqje'k sa' xb'eeneb' li ochoch,