Joel 2:32 - Q'eqchi Bible

³² Ab'anan chixjunileb' li te'yaab'anq re xk'ab'a' li Qaawa', te'kole'q, xb'aan naq sa' li tzuul Sión ut Jerusalén taawanq li kolb'a ib', jo' kixye li Qaawa'. Jo'k'ihaleb' li sik'b'ileb' ru xb'aan li Qaawa' te'kole'q.

Li Santil hu

³² Abanan chixjunileb li nequeꞌya̱ban re lix cꞌabaꞌ li Ka̱cuaꞌ teꞌcolekꞌ. Saꞌ li tzu̱l Sión aran Jerusalén ta̱cua̱nk li colba-ib joꞌ yechiꞌinbil xban li Ka̱cuaꞌ. Ut li joꞌ qꞌuialeb chic li ralal xcꞌajol laj Israel li queꞌcana teꞌcolekꞌ.

Joel 2:32 ပူးပေါင်းရင်းမြစ်များ

Romanos 11:26

Toja' naq taakole'q chixjunil laj Israel, jo' tz'iib'anb'il sa' li Santil Hu: “Aran Sión taachalq chaq laj Kolonel ut a'an taarisi li xmaa'usilal laj Jakob.

Jeremías 31:7

Jo'ka'in ajwi' kixye li Qaawa': “Japomaq eere xb'aan xsahil leech'ool chirixeb' laj Jakob, chiwanq sahil ch'oolejil sa' xk'ab'a' li xnimal ru tenamit. Puktesihomaq resil, chenimaaq ru ut yehomaq: «Li Qaawa' xkol li xtenamit, li rela'eb' laj Israel».

Isaías 46:13

Chi seeb' tinchalq chekolb'al; ak xnach'ok chaq li kolb'a ib', moko taab'ayq ta chaq. Tinyeechi'i arin Sión li kolb'a ib' cho'q re laj Israel li nintaw wi' linloq'al.

Romanos 9:27

Laj Isaías ajwi' kixjap re chi xyeeb'al chirixeb' laj Israel: “Us ta naab'aleb' li ralal xk'ajol laj Israel jo' ta xk'ihal li samahib' chire li palaw, ab'anan ka'ajwi' li rela'eb' taakole'q.

Jeremías 33:3

Patz' link'ab'a' ut laa'in tatinchaq'b'e; tinye aawe xninqal na'leb' li wankeb' chi muqmu ut toj maji' nakanaw laa'at.

Abdías 1:17

Ab'anan li tzuul Sión a'anaq li santil na'ajej b'arwi' te'xik chi muqlek eb' li xe'elelik. Eb' li ralal xk'ajol laj Jakob te'reechani wi' chik li xch'och'eb'.

Isaías 11:11

Chiru ajwi' li kutan a'an li Qaawa' tixk'ut li xnimal xwankil re xkolb'al li rela' li xtenamit: taarisiheb' chaq aran Asiria ut Ejiipt, Patros, Etiopía, Elam, Senahar, Jamat ut sa'eb' li na'ajej sutsuukeb' xb'aan li palaw.

Salmos 50:15

Chayaab'a link'ab'a' sa' xkutankil laarahilal; laa'in tatinkol ut laa'at tinaaloq'oni”.

1 Corintios 1:2

nintz'iib'ak rik'in li x'Iklees li Yos li wank Korinto, eerik'in laa'ex li santob'resinb'ilex sa' xk'ab'a' li Kristo Jesus, eerik'in laa'ex li b'oqb'ilex chi wank sa' santilal, eerochb'een chixjunileb' li neke'xyaab'a xk'ab'a' li Qaawa' Jesukriist yalaq b'ar, a'an li qaQaawa' laa'o ut xQaawa' li santil tenamit.

Hechos 2:39

Xb'aan naq eere li yeechi'inb'il xb'aan li Yos, reheb' ajwi' leeralal eek'ajol ut reheb' chixjunil li wankeb' chi najt, jo'k'ihaleb' tixb'oqeb' li Qaawa' li qaYos.

Zacarías 13:9

Ut li jun jachal a'in tinnumsiheb' sa' xam, tinch'ajob'resiheb' jo' na'uxk re li plaat, tinpuuxi ruheb' jo' na'uxk re li oor. Toja' naq te'xyaab'a link'ab'a', ut laa'in tinsumeheb' chaq: «Intenamitex laa'ex», cha'qin reheb'; ut eb' a'an te'xye: «Li Qaawa' a'an li qaYos», cha'qeb'”.

San Juan 10:16

Wankeb' ajwi' jalan chik inkarneer li moko wankeb' ta sa' li koral a'in; a'aneb' ajwi' tento tinb'eresiheb' chaq, ut te'rab'i xyaab' linkux, ut jun ch'uutaqeb' aj chik naq te'wanq, ut junaq ajwi' laj k'aak'alehom reheb'.

San Juan 4:22

Laa'ex nekeloq'oni li b'arwan ink'a' nekenaw; laa'o naqaloq'oni li naqanaw, xb'aan naq li kolb'a ib' rik'ineb' laj Judiiy nachalk chaq.

Miqueas 5:3

Jo'kan naq li Yos tixkanab' xjunes li xtenamit toj reetal taa'alanq li ixq li wank sa' yu'am. Toja' naq eb' laj Israel li ke'k'ame'k sa' ab'l tenamit, te'sutq'iiq wi' chik sa' xyanqeb' li rech tenamitul.

Isaías 11:16

Chi jo'kan taawanq jun nimb'e cho'q reheb' xkomon li tenamit li te'sutq'iiq chaq Asiria, jo' li ke'xtaw eb' laj Israel naq ke'elk chaq Ejiipt.

Isaías 10:22

Us ta laatenamit, a Israel, q'axal naab'aleb' jo' xk'ihaleb' li xsamahi'ul li palaw, ab'an yal jun ch'ina ch'uut aj chik te'sutq'iiq chaq. Ak xaqxo xkutankil li xsachb'aleb' re naq wanq li tiikilal chi junwaakaj.

Isaías 4:2

Sa' li kutan a'an li xTuxm li Qaawa' a'anaq li xloq'al ut li xsahil ruheb' laj Israel li te'kole'q; ut li Ru li ch'och' a'anaq li xwankilal ut li xnimal xloq'aleb'.

Hebreos 12:22

K'ehomaq reetal, laa'ex xexjilok chi xk'atq li tzuul Sión, rik'in li xtenamit li yo'yookil Yos, a' li choxahil Jerusalén, rochb'een li k'iila o'q'ob' chi ánjel; xexjilok wan wi' li nimla ch'utam,

Romanos 11:7

K'a' put ru chi jo'kanan? Laj Israel ink'a' kixtaw li k'aru yo chaq chi xsik'b'al; ut a' chik li sik'b'ileb' ru ke'tawok re. Eb' li junch'ol chik ke'kawub'resiik li xch'ool,

Romanos 9:24

Jo'ka'in naq kooxb'oq chaq li Yos: moko ka'aj ta wi' sa' xyanqeb' laj Judiiy, sa' xyanqeb' aj b'an wi' li junch'ol chik.

Hechos 15:17

re naq te'xsik' li Qaawa' jo'k'ihal toj xe'kanaak, chixjunileb' li tenamit ak q'axtesinb'ileb' cho'q we laa'in.

Abdías 1:21

Te'numtaaq sa' xb'eeneb' ut te'taqsinq aran Sión re raqok aatin sa' xb'eeneb' li xtzuululeb' laj Esaú, ut a' chik li Qaawa' taa'awab'ejinq.

Romanos 11:5

Jo'kan ajwi' anaqwan, sa'eb' li kutan a'in, wank jun “rela'” sik'b'il ru xb'aan rusilal li Yos.

Génesis 4:26

Jo'kan ajwi' laj Set kiwank jun ralal, ut aj Enós kixk'e cho'q xk'ab'a'. A'an kitikib'ank re xyaab'ankil xk'ab'a' li Qaawa'.

Amós 9:8

“Laa'in li Qaawa' junelik wank li wilob'aal sa' xb'een li awab'ejihom a'in. Jo'kan naq tinsacheb' ru laj maak a'in sa' ruuchich'och'; ab'an ink'a' tinsach chi junajwa eb' li ralal xk'ajol laj Jakob -chan li Qaawa' Yos-.