Joel 2:23 - Q'eqchi Bible

²³ Ex aj Sión, chisaho'q leech'ool ut sahoqex rik'in li Qaawa' leeYos. Xb'aan naq A'an nak'ehok eere leetzekemq chi tz'aqal rik'in xtaqlankil chaq li hab' sa' xq'ehil, kama' chaq junxil.

Li Santil hu

²³ Chisahokꞌ taxak saꞌ e̱chꞌo̱l la̱ex li cuanquex Sión. Chisahokꞌ taxak saꞌ e̱chꞌo̱l riqꞌuin li Ka̱cuaꞌ, xban nak aꞌan ta̱qꞌuehok e̱re li cꞌaꞌru nequeraj. Aꞌan tixqꞌue li hab saꞌ xkꞌehil. Tixqꞌue saꞌ sakꞌehil ut tixqꞌue ajcuiꞌ saꞌ habalkꞌe joꞌ quixba̱nu junxil.

Joel 2:23 ပူးပေါင်းရင်းမြစ်များ

Filipenses 4:4

Junelik chexsaho'q rik'in li Qaawa'. Ninye wi' chik eere: naq chexsaho'q!

Levítico 26:4

laa'in tintaqla eere li hab' sa' xq'ehil, re naq li ch'och' ut eb' li che'k'aam te'uuchinq.

Oseas 6:3

Qasik'aq li Qaawa', qayalaq qaq'e chi xnawb'al ru. Relik chi yaal naq taachalq qik'in jo' naq nahik'e'k li kutan; taachalq qik'in jo' naq li hab' naxt'aqresi li ch'och' sa' li hab'alq'e”.

Deuteronomio 11:14

laa'in tintaqla li hab' sa' xb'een leena'aj tz'aqal sa' xq'ehil, rub'elaj li hab'alq'e ut rub'elaj li saq'ehil, ut laa'ex sa teexok leetriiw, lee'uub' ut lee'aseeyt.

Isaías 41:16

Taakuteb' chi najt ut li iq' taak'amoq reheb', te'cha'cha'iiq xb'aan li kaqsut-iq'; a'ut laa'at taasaho'q laach'ool rik'in li Qaawa', taanimob'resi aawib' sa' xk'ab'a' li xSant laj Israel.

Salmos 149:2

Chisaho'q sa' eech'ool chejunilex aj Israel: a'an laj yoob'tesihom eere. Sahoqex laa'ex ralal xk'ajol Sión, xb'aan naq a'an leeRey!

Filipenses 3:1

Ex was wiitz'in, chisaho'q sa' eech'ool sa' xk'ab'a' li Qaawa'. Moko ch'a'aj ta cho'q we xtz'iib'ankil wi' chik eerik'in li k'a'aq re ru ak inyehom chaq, ut a'an tixk'e xkawub' leech'ool.

Zacarías 10:1

Patz'omaq li hab' re li Qaawa' sa' xq'ehil, ut li Qaawa', li naxk'e li kaaq, tixk'e li hab' chi yo'oon, ut taaraxo'q wi' chik li pim sa' leena'aj chejunilex.

Salmos 28:7

Li Qaawa' a'an linkawilal ut li xkolb'al wib'; k'ojk'o linch'ool rik'in, ut A'an xinxtenq'a: k'ajo' naq nasaho'k li waanm! Rik'in linb'ich tinyoxinq ut tinloq'oni ru.

Isaías 30:23

Li Qaawa' tixtaqla chaq li hab' sa' xb'een li iyaj xeraw sa' li ch'och', ut a'in naab'al li wa tixk'e eere ut k'ajo'aq xsahil. Chiruheb' li kutan a'an eb' leewakax q'axal nimaq chik li xna'ajeb' te'ichajib'q wi';

Deuteronomio 32:2

Kama' ta li hab' naq chihoye'q li tzolok tink'e; jo' ta li k'ajob' naq chikub'eeq li waatin, kama' ta li musmus hab' sa' xb'een li raxpim, jo' ta li kawil hab' sa' xb'een li pach'aya'.

Deuteronomio 28:12

Li Qaawa' tixte chawu li choxa b'arwi' k'uulanb'il li xb'ihomal, ut naq taawulaq xkutankil, tixk'e chaq li hab' sa' xb'een li ruuchich'och' re rosob'tesinkil chixjunil laak'anjel. Taak'eheb' xto' naab'al chi tenamit ut laa'at ink'a' tatpatz'oq to'.

Filipenses 3:3

Eb' li tz'aqal xk'ulumeb' li sirkunsisyon a'ano laa'o, li naqaloq'oni ru li Yos jo' naraj li xMusiq', naqanima qib' sa' xk'ab'a' li Kristo Jesus ut ink'a' k'ojk'o li qach'ool ka'ajwi' rik'in li naqab'aanu qajunes.

Zacarías 10:7

Eb' laj Efraín kama'aqeb' li kaweb' rib' chi yalok. Q'axal te'saho'q sa' xch'ool jo'aqeb' li xe'uk'ak b'iin; ut naq te'ril a'an, te'saho'q ajwi' xch'ool eb' li ralal xk'ajol. K'ajo' naq te'yoxinq chiru li Qaawa'.

Jeremías 5:24

Ink'a' x'alaak b'ayaq sa' xch'ooleb' xyeeb'al: Qaxiwaaq ru li Qaawa' li qaYos li naxtaqla chaq li hab' sa' xq'ehil; ut ak xaqxo li kutan li naqaxok wi' ru li awimq.

Salmos 104:34

Chiwulaq taxaq chiru li waatin, xb'aan naq li xsahil linch'ool nachalk rik'in li Qaawa'!

Jeremías 3:3

Aab'aan laa'at naq ink'a' chik naxk'e li hab' sa' xq'ehil; kama'at tz'aqal junaq aj yumb'eet, tik ink'a' nakatxutaanak b'ayaq.

Isaías 61:10

K'ajo' naq nasaho'k linch'ool rik'in li Qaawa', jwal nim li xsahil li waanm rik'in linYos, xb'aan naq xinxtiqib' rik'in li xkolom ut xinxlan rik'in li xtiikilal jo' rik'in junaq b'aatal, kama' li b'eelomej naxk'e li xkoroon chi xjolom ut li ixaqilb'ej naxtiqib' rib' rik'in li xchaq'alil ru q'ol.

Isaías 30:21

ut rik'in leexik teerab'i naq yooq chi aatinak chaq cherix: “A'an a'in li b'e; ayuqex aran, a' yaal ma sa' leenim malaj sa' leetz'e uq'”, cha'aq.

Proverbios 16:15

Naq li awab'ej sa sa' xch'ool ut nakatrusila, a'an chanchan wi' hab' sa' saq'ehil, ut laa'at taawanq aayu'am.

Salmos 32:11

Chisaho'q sa' eech'ool rik'in li Qaawa', b'ichanqex laa'ex li nekexpaab'ank; japomaq eere xb'aan nimla sahilal jo'k'ihalex li tiik ru leeyu'am!

Li xHu LAJ JOB 33:23

Ab'an wi wank chak'atq jun xtaql li Yos, junaq aj k'anjel chiru li Qaawa' li tixjultika chawu li teneb'anb'il sa' aab'een,

Zacarías 9:9

Jap aawe xb'aan xsahil aach'ool, at Sión, b'ichan chi anchal laawaanm, at Jerusalén. Xb'aan naq we' chaq laarey, tiik xch'ool ut aj q'axol u, tuulan ut wan chaq chirix jun ch'ina b'uur, ral li xul na'iiqank.

Amós 4:7

“Naq oxib' po chik xq'ehil li q'olok, xintz'ap li hab'. Xink'e li hab' sa' jun tenamit, ut sa' li jun chik ink'a' xink'e. Xk'e li hab' sa' jun k'aleb'aal, ut li jun chik xchaqik xb'aan xmajelal li ha'.

Lamentaciones 4:2

Eb' li ralal xk'ajol Sión, li k'ajo' xloq'aleb' junxil jo' li chaab'il oor, chanchaneb' aj chik ch'och' sek' anaqwan, li yal xb'aanuhomeb' li winq.

Zacarías 9:13

Ex aj Judá, xexinkawresi jo' li simaj, ut eb' laj Efraín jo' li ral simaj xinkawresiheb' wi'. Laa'ex aj Sión, tinchiq' eejosq'il re xsachb'al ruheb' laj Grecia, chanchanaqex li q'esnal ch'iich' sa' ruq' li jwal kaw rib'.

Hechos 14:17

us ta maajun sut kixkanab' xk'utb'al rib' rik'in xhoyb'al chaq li rusilal sa' xb'eeneb' chixjunileb'; toj sa' choxa naxtaqla chaq li hab' ut li ru leerawimq sa' xq'ehil, ut naxk'ojob' eech'ool rik'in tzekemq ut sahil ch'oolej.

Salmos 84:6

Us xaq reheb' li k'ojk'o xch'ooleb' aawik'in, eb' li neke'raj wulak toj sa' laamuheb'aal.

1 Reyes 8:36

chawab'iheb' chaq toj sa' choxa ut chakuy xmaakeb' laj k'anjel chawu ut eb' laatenamit Israel. Chak'ut chiruheb' li chaab'il b'e tento te'xk'am ut chataqla chaq li hab' sa' xb'een li ch'och' kak'e chireechaniheb' laatenamit.

Li xHu LAJ JOB 37:13

a' yaal ma re xrahob'tesinkil li ruuchich'och' malaj re rosob'tesinkil.

Salmos 147:8

A'an namoyok li choxa rik'ineb' li choql, naxkawresi li hab' cho'q re li ch'och' ut nak'ehok chi yo'laak li raxpim sa'atqeb' li loq'laj tzuultaq'a.

Ezequiel 34:26

“Tink'ojob'eb' chi xsutam linsantil tzuul ut twosob'tesiheb'; tintaqla chaq li hab' sa' xq'ehil, ut a'an jo' junaq rosob'tesinkileb'.