Joel 2:21 - Q'eqchi Bible

²¹ Matxiwak, at loq'laj ch'och', ut chisaho'q sa' laach'ool xb'aan naq li Qaawa' tixb'aanu xninqal sachb'ach'oolej.

Li Santil hu

²¹ La̱ex aj Judá, mexxucuac. Chisahokꞌ ban saꞌ e̱chꞌo̱l, xban nak nabal li sachba chꞌo̱lej tixba̱nu li Ka̱cuaꞌ.

Joel 2:21 ပူးပေါင်းရင်းမြစ်များ

Isaías 54:4

Matxiwak, moko tatkanaaq sa' xutaan; matxutaanak xb'aan naq maak'a'aq chik k'aru tatkaqo'q wi'. Tz'eq chirix laach'ool li k'aru xak'ul sa' laasaajilal ut maak'oxla chik laamalka'anil.

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

Jeremías 33:3

Patz' link'ab'a' ut laa'in tatinchaq'b'e; tinye aawe xninqal na'leb' li wankeb' chi muqmu ut toj maji' nakanaw laa'at.

Isaías 35:1

Sahoqeb' li chaqich'och' ut li joxk' na'ajej! Chisaho'q li junesal na'ajej ut chinujaq chi uutz'u'uj;

1 Samuel 12:16

“Jo'kan b'i', oyb'enihomaq wan toj teeril li nimla sachb'ach'oolej tixb'aanu li Qaawa' cheru laa'ex.

Zacarías 8:15

Ab'an chiruheb' li kutan a'in xink'uub' rusilankil ru Jerusalén jo'wi' eb' laj Judá. Jo'kan naq mexxiwak.

Joel 2:20

Twaanilasiheb' li neke'chalk chaq sa' xjayal releb'l iq', ut toxinkanab'eb' chaq sa' li chaqich'och', sa' junesal na'ajej. Eb' laj k'amol xb'eheb' tinsub'eb' sa' li Atz'aminb'il Palaw, ut eb' li wankeb' chi ixb'ej tinsub'eb' sa' li palaw jun chik; ut aran te'q'aaq ut te'chuho'q. Relik chi yaal naq xninqal sachb'ach'oolej ok we chi xb'aanunkil!”.

1 Samuel 12:24

Chexiwa ru li Qaawa' ut k'ehomaq eech'ool chi k'anjelak chiru chi yaal, xb'aan naq ak eerilom li sachb'ach'oolej li xb'aanu sa' eeyanq.

Deuteronomio 4:32

“Patz'on reheb' li kutan ak xe'nume'k, tz'ili rix chalen naq li Qaawa' kixyoob'tesi li winq sa' xb'een li ruuchich'och': ma wanjenaq malaj ab'inb'il jun sutaq rub'el choxa junaq k'aru kama' ta a'in?

Salmos 98:8

Che'xpoq'poq'i li ruq' eb' li nima', wotz che'b'ichanq eb' li tzuul

Génesis 15:1

Naq ak xk'ulmank chixjunil a'in, ki'aatinaak laj Abrán xb'aan li Qaawa' sa' moy u chi jo'ka'in: “Matxiwak, Abrán: laa'in laj kolol aawe. Q'axal nimaq laaq'ajkamunkil”, chan li Yos.

Oseas 2:21

“Laa'in li Qaawa' ninye a'in: Sa' li kutan a'an tinsum'aatina li choxa ut a'an tixsum'aatina li ruuchich'och';

Isaías 44:23

At choxa, jap aawe xb'aan xsahil aach'ool sa' xk'ab'a' li xb'aanuhom li Qaawa'. B'ichanqex, sahoqex, ex xchamal li ruuchich'och'! Ex k'iche' ut ex tzuul eerochb'een chixjunileb' li che', pisk'onqex xb'aan xsahil eech'ool, xb'aan naq li Qaawa' xk'ut li xloq'al chiru laj Israel naq xkoleb' li ralal xk'ajol laj Jakob.

Isaías 55:12

K'ajo'aq xsahil eech'ool naq tex'elq Babilonia; sa' tuqtuukilal texk'ame'q chaq wi' chik sa' leena'aj. Naq eb' li tzuul ut eb' li b'ool texrileb' chi chalk, te'xjap re chi b'ichank, ut chixjunileb' li k'iche' te'xpoq'poq'i li ruq'eb' cherilb'al.

Salmos 71:19

At inYos, li xtiikilal laach'ool nawulak toj sa' choxa; k'ajo' xnimal li sachb'ach'oolej xab'aanu. Ani ta chik junaq kama' laa'at?

Joel 2:26

Textzekanq toj reetal taak'ojlaaq leech'ool ut teek'e xloq'al li Qaawa' leeYos, xb'aan naq xinb'aanu xninqal sachb'ach'oolej cho'q eere. Maajoq'e chik taak'ehe'q chi se'eek lintenamit.