Joel 2:2 - Q'eqchi Bible

² a'an xkutankil li aak'ab' ut li q'oqyink, xq'ehil li q'oqyinkil choql ut li mu! Jo' naq nahik'e'k li kutan sa' xb'een li tzuul, jo'kan ajwi' yooqeb' chi chalk eb' laj saak', jo' jun teep chi aj puub' q'axal naab'aleb' ut kaweb' rib': maajun wa ilb'il ru a'in chi moko tox'ilmaq chik moqon sa' xyanqeb' li k'iila teep chi tenamit chaalel.

Li Santil hu

² Nak teꞌcha̱lk laj sa̱cꞌ, ta̱kꞌojyi̱nokꞌ ru li cutan xban xqꞌuialeb. Chanchanakeb li kꞌeki chok. Chanchanakeb li jun tu̱b chi soldado nak yo̱keb chi cha̱lc chi pletic kiqꞌuin. Teꞌcha̱lk joꞌ nak nacꞌutun chak li cutan saꞌ xbe̱neb li tzu̱l. Ma̱ jun sut quicꞌulman chi joꞌcan ut ma̱ jun sut chic ta̱cꞌulma̱nk mokon chi joꞌcan.

Joel 2:2 ပူးပေါင်းရင်းမြစ်များ

Joel 1:6

Jo' jun teep chi aj puub' naq xe'chalk eb' laj saak', q'axal naab'aleb' ut jwal kaweb' rib'; chanchaneb' chaq li kaqkoj naq xe'chalk chi reechaninkil lintenamit.

Joel 2:5

Tz'aapixik tz'aqal rab'inkileb' naq yookeb' chi aanilak sa' xb'eeneb' li tzuul, kama' xyaab'eb' li k'iila b'eleb'aal ch'iich' re yalok; chanchaneb' li xyaab' li chaqi pim naq yo chi k'atk; jo'eb' laj puub' jwal kaweb' rib' li tzoltzookeb' royb'eninkil li xhonalil li yalok.

Joel 2:25

“Laa'in tink'e reeqaj leerawimq li xmaak'a'ok eere chiruheb' li chihab' naq xsache'k xb'aaneb' li k'iila motzo', laj saak', li chili' ut li raxq'een, naq xintaqlaheb' cherahob'tesinkil -chan li Yos-.

Joel 2:31

Taa'aak'ab'o'q ru li saq'e ut li po taakik'o'q ru, rub'elaj xk'ulunik li xKutankil li Qaawa', a' li xnimal ru kutan ut q'axal xiwajel”.

Daniel 12:1

«Sa'eb' li kutan a'an taachalq laj Miguel, li xnimal ru ánjel li nakolok re laatenamit. Q'axal rahaq rilb'aleb' li kutan a'an, jo' maajun wa kik'ulmank chalen chaq sa' xtiklajikeb' li tenamit toj anaqwan. Toja' naq taakole'q laatenamit, jo'k'ihaleb' li tz'iib'anb'ileb' xk'ab'a' sa' li xHuhul li yu'am.

Isaías 8:22

chirix chik a'an te'iloq sa' li ruuchich'och', ut junes rahil ch'oolej ut rahilal, aak'ab' ut ch'a'ajkilal te'xtaw. Aran te'oso'q sa' li q'oqyink.

Isaías 5:30

Naq taawulaq xkutankil, li tenamit a'an tixjap chaq re jo' xyaab' li palaw naq taachalq sa' xb'eeneb' laj Israel; ut wi wank junaq taaril li ruuchich'och', tixk'e reetal naq junes aak'ab' ru ut rahil ch'oolej, ut maak'a'aq chik li saqenk xb'aan li choql.

San Judas 1:13

kama'eb' li xkaw oq li palaw, neke'risi chaq li xwoqxil li xxutaaneb', jo'keb' li chahim li yal neke'xb'eeni rib'eb', ut ak kawresinb'il cho'q reheb' xchamal li aak'ab' chi junelik.

Hebreos 12:18

Ink'a' xexjilok chi xk'atq junaq tzuul naru xch'e'b'al, chi moko rik'in xam nareprotk, malaj rik'in q'oqyink, aak'ab', kaqsut-iq',

San Marcos 13:19

Xb'aan naq k'ajo'aq xnimal li xrahilaleb' li kutan a'an: maajun wa wanjenaq jo' a'an, chalen chaq sa' xtiklajik li ruuchich'och' li kiyiib'aak xb'aan li Yos, toj anaqwan; chi moko taak'ulmanq chik.

Amós 4:13

Xb'aan naq a' li Qaawa' nak'uub'ank reheb' li tzuul, ut a'an nayoob'ank re li iq'. A'an naxk'ut chiru li winq ut li ixq li k'aru wank sa' xch'ool, ut naxsutq'isi li saqenk cho'q aak'ab'. A'an naxb'eeni eb' li tzuul sa' chixjunil li ruuchich'och': li Qaawa', li Nimajwal Yos naxk'ab'a'in.

Daniel 9:12

«Li Qaawa' xb'aanu li yeeb'il chaq chiqix ut chirixeb' laj jolominel qe: xtaqla chaq jun nimla rahilal sa' qab'een ut sa' xb'een Jerusalén, li maajun wa k'ulb'il junsutaq sa' ruuchich'och'.

Jeremías 13:16

Loq'onihomaq ru li Qaawa' leeYos, naq toj maji' naq'oqyino'k ut nekextichk'oq sa'eb' li aak'ab'il tzuul. Laa'ex nekeroyb'eni li kutan saqenk, ab'an li Qaawa' tixjal ru cho'q aak'ab' ut cho'q q'oqyinkil choql.

Salmos 97:2

Sutsu li Qaawa' xb'aan li choql ut li aak'ab'; li tiikilal ut li yaal a'aneb' xkuut li xk'ojarib'aal.

Salmos 10:6

Ut naxye sa' xch'ool: “Ink'a' tintichk'oq, maajoq'e tintaw ch'a'ajkilal”, chan.

Deuteronomio 32:7

“Jultikaq aawe eb' li kutan ke'nume'k junxil, chatawaq xyaalal li b'arwan kik'ulmank najter. Patz'on re laayuwa', ut a'an tixseeraq'i aawe; patz'on reheb' li cheekel winq, ut eb' a'an te'xye aawe.

Éxodo 20:21

Ut naq xaqxookeb' chi najt li tenamit, laj Moisés kinach'ok rik'in li choql moymoy ru b'ar wank wi' li Yos.

Éxodo 10:14

Eb' laj saak' kilaje'ok sa' chixjunil xsutam Ejiipt ut ke'xhiri rib' sa' chixjunil li xna'ajeb' laj Ejiipt, k'ajo' xk'ihaleb': maajun sut rilomeb' a'an junxil chi moko te'ril chik moqon.

Éxodo 10:6

Talaje'ok sa'eb' laawochoch ut sa' rochocheb' chixjunileb' laj Ejiipt: maajun sut rilomeb' a'an laayuwa' chi moko laaxe'toonil yuwa' chalen chaq sa' xyo'lajikeb' sa' ruuchich'och' toj anaqwan»”. Chirix a'an laj Moisés ki'elk rik'in laj Parahón ut koho.

San Mateo 24:21

Xb'aan naq k'ajo'aq xnimal li rahilal taawanq sa'eb' li kutan a'an: maajun wa wanjenaq jo' a'an chalen chaq sa' xtiklajik li ruuchich'och' toj anaqwan, chi moko taak'ulmanq chik.

Apocalipsis 9:2

ut kixte li xchamal li Siwan. K'ajo' li sib' kitaqe'k chaq sa' li jul, kama' xsib'el junaq nimla xam, ut kiq'oqyino'k ru li saq'e jo'wi' li iq' xb'aan xsib'el li jul.

Lamentaciones 1:12

Laa'ex li nekexnume'k sa' li b'e, ilomaq ut k'ehomaq reetal wi wank ta junaq rahilal juntaq'eet rik'in li yookin chi xk'ulb'al laa'in! Li Qaawa' xtaqla chaq li raaxiik' a'in naq xchalk li xnimal xjosq'il sa' inb'een.

Ezequiel 32:7

Ut naq akaq xatinkamsi, tink'e chi q'oqyino'k ru li choxa ut eb' li chahim ink'a' chik te'k'utunq. Tintz'ap ru li saq'e ut ink'a' chik taasaqeno'q ru li po.

Ezequiel 34:12

Jo' naq laj ilol ketomq naxk'e xch'ool chirixeb' li xketomq xe'xcha'cha'i rib'eb', jo'kan tinb'aanu laa'in reheb' linketomq; twisiheb' chaq sa' chixjunileb' li na'ajej xe'sachk wi' sa' jun rahil kutan ut aak'ab' ru.

Ezequiel 38:9

Ut laa'at tatwulaq sa' xb'eeneb', jo' junaq kaqsut-iq', jo' junaq q'oqyinkil choql li tixmoy li na'ajej, aawochb'eenaqeb' laasoldaad ut chixjunileb' li neke'okenk chawix.

Jeremías 13:6

Chirix chik k'iila kutan, li Qaawa' kixye we: “Ayu sa' li nima' Éwfrates ut xok chaq li k'aamalsa' li kinye aawe naq toxaamuq chaq sa' li ha'”.

Joel 3:4

“K'aru teeraj wik'in laa'ex aj Tiro ut aj Sidón ut chejunilex li wankex sa' xteepal Filistea? Ma teeraj eeqajunk sa' inb'een? Wi wank k'aru nekeraj xpatz'b'al reeqaj we, chi seeb' tink'e leeq'ajkamunkil jo' chanru eek'ulub'!

Sofonías 1:7

Mexchoqink chiru li Qaawa' xb'aan naq nach' chik wank li xkutankil li Qaawa'. Li Yos xkawresi jun mayejak ut ak xrosob'tesiheb' li rula'.

Zacarías 14:6

Sa' li kutan a'an maak'a'aq ke chi moko li ratz'amke.