Joel 2:19 - Q'eqchi Bible

¹⁹ ut kixye reheb': “Tintaqla chaq eere li triiw, li b'iin ut li aseeyt toj reetal taak'ojlaaq eech'ool, ut maajoq'e chik texink'e chi se'eek xb'aaneb' li tenamit junch'ol.

Li Santil hu

¹⁹ Li Dios tixye reheb lix tenamit: —Tinqꞌue cuiꞌchic li cꞌaꞌru e̱re. Tinqꞌue le̱ trigo ut tinqꞌue le̱ uvas ut tinqꞌue le̱ aceite. Ut ta̱cua̱nk cuiꞌchic chi nabal cꞌaꞌru e̱re. Ut ta̱sahokꞌ saꞌ e̱chꞌo̱l ut incꞌaꞌ chic tinqꞌue raylal saꞌ e̱be̱n re nak incꞌaꞌ chic texhobekꞌ xbaneb li incꞌaꞌ nequeꞌpa̱ban.

Joel 2:19 ပူးပေါင်းရင်းမြစ်များ

Ezequiel 34:29

Chaab'il ch'och' tink'e reheb' re naq wanq naab'al li awimq; maajoq'e chik te'xkuy li we'ej, chi moko te'se'eeq chik xb'aaneb' laj ab'l tenamit.

Ezequiel 36:15

Ink'a' chik texhob'e'q xb'aaneb' laj ab'l tenamit chi moko texmajewaaq xb'aaneb' li wankeb' chesutam; ink'a' chik te'kamq li ralal xk'ajoleb' laj Israel. Laa'in, li Qaawa', xin'aatinak»”.

San Mateo 6:33

Sik'omaq xb'enwa li xnimajwal awab'ejihom li Yos ut li tiikilal li nachalk rik'in, ut chixjunil li nekeraj taak'eemanq chaq eere cho'q xtz'aqob'.

Joel 2:24

Taawanq naab'al leetriiw ut k'ajo'aq li b'iin ut li aseeyt.

Jeremías 31:12

“Te'chalje'q rik'in b'ichank sa' xb'een li tzuul Sión; jun chalikaqeb' wan wi' li xsimaatan li Qaawa', chi xyalb'al xsahil li triiw, li b'iin ut li aseeyt, ut te'k'ojlaaq xch'ool rik'in li raleb' li karneer ut li wakax. Chanchanaqeb' jun li xna'aj awimq t'aqresinb'il chi us, ut maajoq'e chik te'wiib'anq xch'ool.

Joel 1:10

Nakirnak aj chik eb' li k'aleb'aal; rahil ch'oolej rilb'al li ch'och', xb'aan naq x'oso'k li triiw, xe'chaqik li uub' ut xe'tz'umaje'k li oliiw.

Oseas 2:15

Aran tink'e chaq wi' chik li x'uub'; li xtaq'ahil Akor tkanaaq cho'q nimla sahilal, ut tinraatina wi' chik jo' chaq sa' li xsaajilal, jo' naq ki'elk chaq Ejiipt.

Ezequiel 39:29

Ink'a' chik teb'inkanab' xjuneseb', xb'aan naq xinhoy linmusiq' sa' xb'eeneb' li ralal xk'ajol laj Israel. Laa'in li Qaawa' ninye li waatin”.

Levítico 26:5

Wanq eetriiw toj reetal taawulaq xq'ehil li xxokb'al ru li uub', ut wanq ajwi' ee'uub' toj sa' xq'ehil li awk; texwa'aq toj reetal taak'ojlaaq eech'ool ut texwanq sa' sahilal sa' leetenamit.

Oseas 2:21

“Laa'in li Qaawa' ninye a'in: Sa' li kutan a'an tinsum'aatina li choxa ut a'an tixsum'aatina li ruuchich'och';

Oseas 2:22

chiru li ch'och' taa'elq chaq li triiw, li b'iin ut li chaab'il aseeyt, ut chi jo'kan k'ajo' naq taa'uuchinq li xtaq'ahil Jisrehel.

Deuteronomio 11:14

laa'in tintaqla li hab' sa' xb'een leena'aj tz'aqal sa' xq'ehil, rub'elaj li hab'alq'e ut rub'elaj li saq'ehil, ut laa'ex sa teexok leetriiw, lee'uub' ut lee'aseeyt.

Li xHu LIX RUT 1:6

Toja' naq kiwulak sa' xch'ool elk chaq aran Mohab rochb'een xkab'ichaleb' li ralib', xb'aan naq kirab'i naq li Qaawa' kixtoq'ob'a ru li xtenamit ut maak'a' chik we'ej aran.

Ezequiel 36:29

Texinkol chiru chixjunil leemaa'usilal; tink'e chi tamk li triiw ut ink'a' chik texink'e chi kuyuk tz'okaak.

Ezequiel 36:30

Tink'eheb' chi uuchink chi yo'oon chixjunileb' li che' ut eb' li awimq, re naq ink'a' texkanaaq sa' xutaan chiruheb' li tenamit junch'ol xb'aan li we'ej.

Zacarías 8:12

Xb'aan naq laa'in tin'awoq re li tuqtuukil usilal: eb' li xtoonal li uub' te'uuchinq chi us; taa'elq chik li awimq chiru li ch'och' ut li k'ajob' tixt'aqresi wi' chik li ch'och'; ut chixjunil a'in tink'e chi reechaniheb' li Rela' li tenamit a'in.