Joel 2:18 - Q'eqchi Bible

¹⁸ Toja' naq li Qaawa' kiraho'k xch'ool chirix li xtenamit; kixtoq'ob'a ruheb' li ralal xk'ajol

Li Santil hu

¹⁸ Ut li nimajcual Dios junelic cuan saꞌ xchꞌo̱l lix tenamit. Tixcꞌutbesi chiruheb lix nimal xrahom ut tixcuy lix ma̱queb.

Joel 2:18 ပူးပေါင်းရင်းမြစ်များ

Zacarías 8:2

“Jo'ka'in naxye li Nimajwal Yos: K'ajo' naq naxamnak linch'ool xb'aan injosq'il chirix Sión; k'ajo' naq naxamnak li waanm!

Zacarías 1:14

Toja' naq li ánjel li yo chi aatinak wik'in kixye we: “Puktesi li esil a'in: Jo'ka'in naxye li Nimajwal Yos: «Q'axal naxamnak linch'ool chirix Jerusalén ut chirix Sión.

Salmos 103:13

Jo' junaq yuwa'b'ej naxraheb' li ralal xk'ajol, jo'kan ajwi' li Qaawa' naxtoq'ob'a ruheb' li neke'paab'ank re.

Santiago 5:11

“Us xaq reheb' li ke'kuyuk rahilal rik'in xkawub' xch'ooleb'”, chanko. Eerab'ihom resil li xnimal xkuyum laj Job; ut nekenaw ajwi' k'aru kixk'ul rik'in li Qaawa' sa' xraqik, xb'aan naq li Qaawa' a'an aj toq'ob'anel u ut aj uxtaan.

Lamentaciones 3:22

ninnaw naq li xrahom li Qaawa' maak'a' roso'jik, ut li ruxtaan ink'a' nalajk.

Isaías 63:15

At Qaawa', ilon chaq toj sa' choxa ut k'e reetal toj sa' chaq laasantil na'aj nakathilank wi'. B'ar xkoho li xnimal laarahom ut laakawilal? K'a'ut naq ink'a' namayok b'ayaq laawaanm? Ma x'oso'k tab'i' laawuxtaan cho'q qe?

Isaías 63:9

chiru chixjunil li rahilal. Maawa' junaq xtaql chi moko junaq ánjel li kikolok reheb', a' aj b'an wi' li Qaawa' kikolok. Xb'aan li xrahom ut li ruxtaan kixkoleb', kixwaklesiheb' ut kixk'ameb' chaq chi q'unq'u chalen chaq junxil.

San Lucas 15:20

Ut kiwakliik, koho rik'in li xyuwa'. “Toj najt ajwi' wan chaq, naq li xyuwa' kiril ut kireek'a xnimal xrahom: koho sa' aanil, koxq'alu chi xkux ut kixtz'ub' ru.

Jeremías 31:20

“Laj Efraín a'an jun alalb'ej jwal loq' cho'q we laa'in, a'an li walal q'axal raaro inb'aan. Us ta ninq'us chi kaw, ab'an junelik wank sa' inch'ool; namayok li waanm chirix, nawil xtoq'ob'aal ru ut jwal ninra -chan li Qaawa'-.

Isaías 60:10

Eb' li jalaneb' xtenamit teeyiib'anq re laasuttz'akil, ut eb' li x'awab'ejeb' te'k'anjelaq chawu. Us ta xatinrahob'tesi xb'aan linjosq'il, ab'an anaqwan twuxtaana aawu xb'aan xchaab'ilal linch'ool.

Isaías 42:13

Li Qaawa' taa'elq chaq jo' li q'axal kaw rib', tixjap chaq re jo' junaq aj puub'; chi k'ajo' xjosq'il taa'ok chi yalok ut tixq'ax ruheb' li xik' neke'ilok re.

Salmos 103:17

A'ut li xrahom li Qaawa' wank chi junelik, xaqxo sa' xb'eeneb' chixjunileb' li neke'paab'ank re. Li xtiikilal xch'ool nahoye'k sa' xb'eeneb' li ralal xk'ajoleb',

Jueces 10:16

Ke'risi eb' li jalanil yos sa' xyanqeb' ut ke'xtikib' wi' chik xloq'oninkil ru li Qaawa'. Ut li Qaawa' ink'a' chik kixkuy rilb'al li rahilal wankeb' wi'.

Deuteronomio 32:43

“Ex tenamit, chexsaho'q eerochb'een li xtenamit li Yos, xb'aan naq A'an tixk'e reeqaj li xkik'eleb' laj k'anjel chiru, taa'eeqajunq sa' xb'eeneb' li xik' neke'ilok re, ab'an tixkuy xmaakeb' li xtenamit ut taarisi li maa'usilal sa' li xna'ajeb'”.

Deuteronomio 32:36

“Xb'aan naq li Qaawa' tixtenq'a li xtenamit, taaruxtaana ruheb' li xmoos naq taaril chi lajk li xmetz'eweb' ut maak'a'eb' chik aj mun ut aj eechal reheb'.

Deuteronomio 32:16

Ke'xchiq' xjosq'il li Yos xb'aaneb' li jalanil yos ut ke'xyoob' xrahil xch'ool xb'aan li tz'i'b'eetalil na'leb'.

Isaías 37:32

Xb'aan naq sa' li tenamit Jerusalén wankeb' te'kole'q; toj wankeb' li te'kanaaq sa' li tzuul Sión. Li xnimal xrahom li Nimajwal Yos taab'aanunq re a'an.

2 Reyes 19:31

Xb'aan naq sa' li tenamit Jerusalén wanqeb' te'kole'q; toj wanqeb' li te'kanaaq sa' li tzuul Sión. Li xnimal xrahom li Qaawa' taab'aanunq re a'an.