Joel 2:14 - Q'eqchi Bible

¹⁴ Mare anchal taaril xtoq'ob'aal eeru ut texrosob'tesi wi' chik: tixtaqla chaq eetriiw ut eeb'iin cho'q eemayej chiru li Qaawa' leeYos.

Li Santil hu

¹⁴ ¿Ani ta biꞌ ta̱naꞌok re cꞌaꞌru tixba̱nu li Dios? Cui te̱yotꞌ e̱chꞌo̱l, ma̱re tixjal xcꞌaꞌux ut incꞌaꞌ chic tixqꞌue li raylal saꞌ e̱be̱n. Ma̱re texrosobtesi ut tixqꞌue cuiꞌchic e̱re le̱ trigo ut le̱ uvas. Ut texmayejak cuiꞌchic chiru li Ka̱cuaꞌ le̱ Dios.

Joel 2:14 ပူးပေါင်းရင်းမြစ်များ

Jonás 3:9

Mare wachik li Yos tixjal li xk'a'uxl, taach'anaaq li xjosq'il, ut ink'a' tookamq”.

Hageo 2:19

K'ehomaq reetal chi us: chalen anaqwan ink'a' taalajq li triiw sa' leek'uleb'aal. Laa'ex toj maak'a' li uub', li iig, li triiw, li granaad, li oliiw sa' leerochoch; ab'an chalen anaqwan laa'in texwosob'tesi»”.

Joel 1:13

Ex aj tij, sotob'amaq eerib' chiru q'es ruhil t'ikr ut yaab'anqex! Tz'uyinqex laa'ex li nekexk'anjelak chiru li artal. Kimqex ut yo'lenqex rik'in rahil ch'oolej laa'ex li nekexk'anjelak chiru linYos, xb'aan naq maak'a' chik li mayejak triiw ut b'iin sa' rochoch leeYos.

Sofonías 2:3

Sik'omaq li Qaawa' chejunilex li kub'enaq eewankil sa' li ruuchich'och' a'in, jo'k'ihalex li nekexpaab'ank re li xchaq'rab'. K'anjelahomaq li tiikilal ut li q'unil ch'oolej: mare anchal texkole'q sa' xkutankil li xjosq'il li Qaawa'.

Jonás 1:6

Toja' naq laj eechal re li jukub' kinach'ok wan wi' laj Jonás ut kixye re: “K'a'ut naq yookat chi wark arin? Waklin ut tijon chiru laaYos. Mare anchal taaruxtaana qu ut ink'a' tooxkanab' chi oso'k”.

Amós 5:15

Tz'eqtaanahomaq li ink'a' us, rahomaq ru li us ut k'ehomaq xwankil li tiikilal sa' li raqok aatin. Mare anchal li Nimajwal Yos taaruxtaana ruheb' laj José, li jo'k'ihaleb' chik te'kole'q.

2 Reyes 19:4

Mare li Qaawa' laaYos xrab'i li raatin li xnimal ru aj k'anjel li xtaqlaak chaq xb'aan laj Senakerib, li awab'ej re Asiria, re xhob'b'al li yo'yookil Yos. Jwal us raj naq li Qaawa' laaYos tixk'e taxaq chi xtojb'al xmaak li ani xhob'ok re. Laa'at tijon chiru li Qaawa' chirixeb' laj Israel li toj yo'yookeb'!»”.

2 Samuel 12:22

Kichaq'ok laj David: “Naq toj yo'yo link'uula'al, xin'ayuunik ut xinyaab'ak, xb'aan naq xinye sa' inch'ool: Chan taxaq naq xruxtaana wu li Qaawa' ut ink'a' taakamq link'uula'al.

Éxodo 32:30

Sa' li kutan jun chik kixye laj Moisés reheb' li tenamit: “Makach'in xnimal li maak xeb'aanu. Anaqwan tintaqe'q wi' chik rik'in li Qaawa': mare chan naq tixkuy eemaak”.

2 Timoteo 2:25

Chixnaw xtzolb'aleb' sa' tuulanil eb' li xik' neke'ilok re. Mare anchal li Yos tixk'e chi xyot'b'aleb' xch'ool ut chi xjalb'aleb' xk'a'uxl re naq te'xnaw chi us li yaal.

Joel 1:16

Sa' xnaq' qu ajwi' xmaq'e'k li qatzekemq ut x'oso'k li sahil ch'oolej sa' rochoch li qaYos.

Joel 1:9

Maak'a' chik li mayejak triiw ut b'iin sa' rochoch li Qaawa' Yos; jo'kan naq ra wankeb' laj tij, eb' laj k'anjel chiru li Qaawa'.

Isaías 65:8

Li Qaawa' kixye chi jo'ka'in: “Naq natawmank jun chiilaq chi uub' k'ajo' xya'al, naxye li winq: «Maab'atz'unle li uub' a'in xb'aan naq a'an jun rosob'tesihom li Yos», chan. Jo'kan ajwi' tinb'aanu laa'in sa' xk'ab'a'eb' laj k'anjel chiwu: ink'a' tinsach chixjunileb' li tenamit.

1 Samuel 6:5

Yiib'omaq xjalam u leesaqijojil ut eb' li ch'o li yookeb' chi sachok sa' leetenamit, ut k'ehomaq xloq'al li xYos laj Israel. Mare anchal taakotzq li rahilal sa' eeb'een, sa' xb'eeneb' leeyos ut sa' xb'een leech'och'.

Josué 14:12

Jo'kan naq nintz'aama chawu naq taak'e we li tzuul a'in anaqwan, jo' yeeb'il chaq we sa' li kutan a'an. Ak nakanaw naq wankeb' aran laj Anak; wankeb' ajwi' ninqi tenamit li yo'oon wankeb' chi yalok. Wi li Qaawa' wanq wik'in, twaanilasiheb', jo' xyehom we li Qaawa'”, chan laj Kaleb.

Jeremías 26:3

Mare anchal tate'xpaab' ut te'xkanab' xb'aanunkil li maa'usilal. Chi jo'kan ink'a' chik tintaqla chaq li rahilal sa' xb'eeneb', jo' xink'oxla xb'aanunkil xb'aan naq ink'a' us li xyehom ut xb'aanuhomeb'.

Jeremías 18:8

Ab'anan wi li tenamit a'an naxkanab' xb'aanunkil li maa'usilal, laa'in ink'a' chik tinrahob'tesi jo' k'uub'k'u inb'aan.

Jeremías 26:13

Chaab'ilob'resiiq leeyu'am ut leeyehom eeb'aanuhom, paab'omaq li Qaawa' leeYos, ut A'an ink'a' tixtaqla chaq li rahilal sa' eeb'een jo' xineerab'i chi xyeeb'al.

2 Samuel 16:12

Mare chan naq li Qaawa' taaril li xtoq'ob'aal wu ut tinrosob'tesi cho'q reeqaj linmajewankil yookin chi xk'ulb'al sa' li kutan a'in”, chan.