Joel 2:12 - Q'eqchi Bible

¹² “Ut anaqwan sutq'inqex chaq wik'in chi anchal leech'ool, rik'in ayuunik, yaab'ak ut rik'in tz'uyink”, chan li Qaawa' Yos.

Li Santil hu

¹² —Anakcuan yotꞌomak e̱chꞌo̱l, chan li Ka̱cuaꞌ. Chexya̱bak ut cheba̱nu e̱-ayu̱n. Sukꞌinkex cuiꞌchic cuiqꞌuin chi anchal e̱chꞌo̱l, chan.

Joel 2:12 ပူးပေါင်းရင်းမြစ်များ

Oseas 12:6

Jo'kan naq laa'ex aj Israel sutq'inqex rik'in leeYos: chexrahoq ut chexwanq sa' tiikilal, ut k'ojk'ooq leech'ool rik'in leeYos chi junelik.

Jeremías 4:1

“Wi taawaj sutq'iik chaq, a Israel, -chan li Qaawa'- wik'in laa'in tento tatsutq'iiq chaq. Wi taakanab' xloq'oninkil li jalanil yos li k'ajo' xyib'al ru ut ink'a' chik tat-eleliq chiwu,

Oseas 6:1

“Yo'qeb', sutq'iiqo rik'in li Qaawa', xb'aan naq A'an xrahob'tesink qe, ab'an anaqwan tooxk'irtasi; A'an xtiq'ok qe, ut anaqwan tooxb'an.

1 Samuel 7:6

Ke'xch'utub' rib'eb' laj Israel aran Mispá, ke'risi xha'eb' sa'atqeb' li kumb' ut ke'xhoy chiru li Qaawa' cho'q xmayejeb'. Ke'ayuunik chiru li kutan a'an ut ke'xye: “Xoomaakob'k chiru li Qaawa'”. Aran Mispá laj Samuel kikanaak cho'q aj k'amol xb'eheb' laj Israel.

1 Samuel 7:3

Jo'kan naq laj Samuel kixye reheb' chixjunil laj Israel: “Wi teeraj sutq'iik rik'in li Qaawa' chi anchal eech'ool, isihomaq sa' eeyanq eb' li jalanil yos ut eb' lix Astarté. Q'axtesihomaq eerib' re li Qaawa' ut junes A'an teeloq'oni, ut A'an taakoloq eere sa' ruq'eb' laj Filistea”.

Hechos 26:20

kohin b'an xb'enwa rik'ineb' laj Damaask; chirix chik a'an rik'ineb' laj Jerusalén ut sa' chixjunil xsutam Judea jo' ajwi' rik'ineb' li maawa'eb' aj Judiiy, chi xyeeb'al naq che'xyot' xch'ool che'xjal xk'a'uxl. Xinye ajwi' reheb' naq che'sutq'iiq rik'in li Yos ut che'wanq jo' xk'ulub' wi' li yot'b'ach'oolej jalb'ak'a'uxl.

Oseas 14:1

At aj Israel, sutq'in wi' chik rik'in li Qaawa' laaYos, xb'aan naq laamaak xt'anok aawe.

Jueces 20:26

Toja' naq chixjunileb' laj Israel ut chixjunileb' laj puub' ke'taqe'k wi' chik Betel, ke'yaab'ak chaq ut aran ke'kanaak chiru li Qaawa'. Jun kutan ke'xkuy xsa'eb' toj reetal ki'ewuuk; ke'mayejak re xk'amb'al wi' chik rib' sa' usilal rik'in li Qaawa' ut ke'xyeechi'i ajwi' k'atb'il mayej.

Zacarías 7:3

jo' ajwi' re xpatz'b'al reheb' li propeet ut eb' laj tij li yookeb' chi k'anjelak sa' rochoch li Nimajwal Yos: “Ma toj wanq li rahil ch'oolejil ut li ayuunik sa' ro' li po, rajlal chihab', jo' naqab'aanu chalen toj anaqwan?”, chankeb'.

Isaías 22:12

Sa' li kutan a'an li Nimajwal Yos xexb'oq chi yaab'ak ut chi q'oqonk, re teejo li rismal leejolom ut xk'eeb'al cherix li q'es ruhil t'ikr.

Zacarías 7:5

“Ye reheb' chixjunil li tenamit jo'wi' reheb' laj tij chi jo'ka'in: «Laa'ex nekex'ayuunik ut nekexyaab'ak chiru li ro' ut xwuq po chalen chaq lajeeb' xkaak'aal chihab' toj anaqwan; ab'an moko nekeb'aanu ta a'an re inloq'oninkil laa'in.

Ester 4:16

“Ayu ut ch'utub'eb' chixjunileb' laj Judiiy li wankeb' sa' li tenamit Susa ut ayuuninqex chiwix. Ink'a' texwa'aq chi moko tex'uk'aq chiru oxib' kutan ut oxib' q'oqyink. Jo'kan ajwi' tinb'aanu laa'in wochb'eeneb' li ixq aj k'anjeleb' chiwu. Chirix chik a'an, us ta ink'a' naxye sa' li chaq'rab', laa'in tinwulaq rik'in li awab'ej. Ut wi tine'xkamsi, kamqin”.

Isaías 58:4

Nekex'ayuunik re xb'aanunkil li rahilal ut li raaxiik', jo'wi' re xsak'b'al eerib' cherib'il eerib' chi kaw. Mex'ayuunik chik jo' anaqwan, wi nekeraj twab'i li xyaab' eekux sa' choxa.

Jeremías 4:2

wi taaye aajurament sa' xk'ab'a' li Qaawa' rik'in li yaal, li tiikilal ut tiikil ch'oolej, sa' xk'ab'a' a'an osob'tesinb'ilaqeb' chixjunil li tenamit ut te'nimaaq xloq'al chi junelik”.

Ezequiel 33:11

Ab'anan, sa' xk'ab'a' linloq'al, laa'in li Qaawa' ninye li waatin naq ink'a' nawaj li xkamik laj maak, nawaj b'an naq tixyot' xch'ool tixjal xk'a'uxl ut wanq xyu'am. Ex aj Israel, jalomaq leek'a'uxl, kanab'omaq xb'aanunkil li maa'usilal. K'aru aj e naq texkamq?

Daniel 9:3

Kintijok chiru li Qaawa', kintz'aamank ut kin'elajink rik'in ayuunik ut xb'atb'al wib' sa' q'es ruhil t'ikr, ut kink'ojob' wib' sa' cha.

Malaquías 1:9

“Anaqwan tz'aamahomaq rusilal li Yos sa' qab'een re naq taaruxtaana qu. Ab'anan chanru naq taaril xtoq'ob'aal eeru naq yookex chi xyeechi'inkil a'an? -chan li Nimajwal Yos-.

Éxodo 33:5

xb'aan naq xyehom li Qaawa' re laj Moisés: “Ye reheb' laj Israel: «Laa'ex jun tenamit q'axal kaw leejolom. Wi ta laa'in texwochb'eeni, us ta yal junpaataq, texinsach raj chi junajwa. Jo'kan b'i', isihomaq cherix leechaab'il aq', ut moqon laa'in twil li k'aru tinb'aanu eere»”.

Jueces 2:4

Naq li x'ánjel li Qaawa' kiraqe'k chi xyeeb'al eb' li aatin a'in reheb' chixjunil laj Israel, eb' li tenamit ke'ok chi yaab'ak chi japjookeb' re.

2 Samuel 24:10

Naq ak ke'ajlaak chixjunileb' li tenamit, kiyot'e'k xch'ool laj David ut kixye re li Qaawa': “Nimla maak xinb'aanu laa'in aj k'anjel chawu. Ab'an anaqwan nintz'aama chawu, at Qaawa', chakuy inmaak xb'aan naq xmaak'a'il inna'leb' xinb'aanu wi'”, chan.

2 Crónicas 6:27

chawab'iheb' chaq toj sa' choxa ut chakuy xmaakeb' laj k'anjel chawu ut eb' laatenamit Israel. Chak'ut chiruheb' li chaab'il b'e tento te'xk'am ut chataqla chaq li hab' sa' xb'een li ch'och' kak'e chireechaniheb' laatenamit.

2 Crónicas 30:6

Jo'kan naq eb' li xtaql li awab'ej ke'xb'eeni chixjunil xteepal Israel ut Judá chi wank rik'ineb' li hu tz'iib'anb'il xb'aan li awab'ej ut eb' li xjolomileb' li tenamit, ut ke'xpuktesi resil a'in: “Ex ralal xk'ajolex laj Israel, sutq'inqex wi' chik rik'in li Qaawa', xYos laj Abrahán, laj Isahak ut laj Israel, ut A'an taasutq'iiq eerik'in, jarub'ex xexkole'k sa' ruq'eb' li awab'ej re Asiria.

Jeremías 3:22

Chalqex wi' chik wik'in, ex walal ink'ajol aj q'etolex aatin, ut laa'in twisi leeq'etq'etil”. “Waaye'o arin, xoosutq'iik chaq aawik'in, xb'aan naq laa'at li Qaawa' li qaYos.

Jeremías 36:7

Mare chan naq te'xtz'aama xkuyb'al li xmaakeb' chiru li Qaawa' ut li junjunq tixkanab' xb'aanunkil li maa'usilal, xb'aan naq k'ajo' xjosq'il li Qaawa' sa' xb'een li tenamit a'in”.

Oseas 12:7

Xyehom li Qaawa': “Eb' laj Kanahán neke'roksi li b'isleb' ink'a' tz'aqal, ut nawulak chiruheb' li b'alaq'ik.

Joel 1:13

Ex aj tij, sotob'amaq eerib' chiru q'es ruhil t'ikr ut yaab'anqex! Tz'uyinqex laa'ex li nekexk'anjelak chiru li artal. Kimqex ut yo'lenqex rik'in rahil ch'oolej laa'ex li nekexk'anjelak chiru linYos, xb'aan naq maak'a' chik li mayejak triiw ut b'iin sa' rochoch leeYos.