Joel 2:11 - Q'eqchi Bible

¹¹ Li Qaawa' tixjap re chi xtaqlankileb' a'an. K'ajo'aq xk'ihaleb' laj k'anjel chiru ut jwal naab'alaqeb' li neke'paab'ank re. Xiwajelaq li kutan taaraqoq wi' aatin li Qaawa'. Maajun taakuyuq re rilb'al.

Li Santil hu

¹¹ Joꞌcan ajcuiꞌ ta̱cꞌulma̱nk nak li Ka̱cuaꞌ ta̱a̱tinak chi cau xya̱b xcux riqꞌuineb lix soldado ut teꞌxba̱nu li cꞌaꞌru tixye. Kꞌaxal cuiꞌchic nabaleb ut cauheb rib. Ut kꞌaxal xiu xiu nak ta̱cuulak li cutan aꞌan nak li Ka̱cuaꞌ ta̱rakok a̱tin. ¿Ani ta biꞌ ta̱ru̱k tixcol rib chiru?

Joel 2:11 ပူးပေါင်းရင်းမြစ်များ

Malaquías 3:2

Ab'an ani tawi' kawal wank royb'eninkil li xkutankil li xchalik? Ani tixkuy wank chi xaqam naq tol'elq? Xb'aan naq A'an chanchanaq li raq'xam napuuxiik wi' li oor malaj jo' li poq xab'on re saqob'resink t'ikr.

Nahum 1:6

Ani taaruuq taakuyuq re li xjosq'il? Ani taawanq chi xaqam chiru naq taajosq'o'q? Li xjosq'il naxpuka rib' chanchan li xam, ut chiru A'an neke'xjor rib' eb' li saqoonak.

Apocalipsis 18:8

Jo'kan naq chiru jun kutan talaje'chalq sa' xb'een chixjunileb' li xrahilal: a' li rax kamk, rahil ch'oolej, we'ej, ut taak'ate'q rik'in xam. Xb'aan naq nim xwankil li Qaawa' Yos li xteneb'ank tojb'amaak sa' xb'een”.

Apocalipsis 6:17

Xb'aan naq xtaw xq'ehil li xnimal xkutankil li tojb'amaak, ut ani taaruhanq chi xkuyb'al a'an?”.

Joel 3:16

Naq li Qaawa' naxjap chaq re chi aatinak aran Sión ut li xyaab' xkux na'ab'imank Jerusalén, na'eek'ank sa' xna'aj li choxach'och'. A'ut li Qaawa' a'an li xmuheelahom li xtenamit, li neke'xkol wi' rib'eb' laj Israel.

Jeremías 30:7

Q'axal rahaq rilb'al li kutan a'an, jwal xiwajelaq jo' maajun wa ilb'il. A'an xkutankil li nimla rahil ch'oolej cho'q reheb' laj Jakob, ab'an te'xkoolan xnumsinkil li kutan a'an.

Salmos 46:6

Li Qaawa' wank sa' xyi li xtenamit, maak'a' taa'eek'asinq re; li Yos natenq'ank re chalen naq nasaqewk.

Amós 5:20

Ma sahil ch'oolej ut saqenk ru li xKutankil li Qaawa'? Ink'a', a'an b'an jun aak'ab' ut q'oqyink ru.

Joel 1:15

Rahil kutan chalk re! Nach' chik wank li xKutankil li Qaawa'; xiwajel rilb'al li sachok chalk re xb'aan li Nimajwal Yos.

Jeremías 50:34

Ab'an laj Kolol reheb' a'an jwal kaw rib': Nimajwal Yos naxk'ab'a'in. A'an taa'okenq chi xkolb'aleb' toj reetal taawanq li tuqtuukilal sa' ruuchich'och' ut te'rahob'tesiiq li wankeb' Babilonia”, chan li Qaawa'.

Isaías 42:13

Li Qaawa' taa'elq chaq jo' li q'axal kaw rib', tixjap chaq re jo' junaq aj puub'; chi k'ajo' xjosq'il taa'ok chi yalok ut tixq'ax ruheb' li xik' neke'ilok re.

Isaías 13:4

Na'ab'imank li choqink sa'atqeb' li tzuul, chanchan wi' xyaab' xkuxeb' li k'iila poyanam. Tz'aapixik tz'aqal rab'inkileb' li tenamit, eb' li k'iila poyanam li xe'xch'utub' rib' aran. Li Nimajwal Yos yo xtzolob'ankileb' laj puub' li te'xik chi yalok.

Números 24:23

Chirix chik a'an ki'aatinak wi' chik jo' propeet ut kixye: “Ani tawi' taakanaaq chi yo'yo naq li Qaawa' tixb'aanu chixjunil a'in?

Joel 2:31

Taa'aak'ab'o'q ru li saq'e ut li po taakik'o'q ru, rub'elaj xk'ulunik li xKutankil li Qaawa', a' li xnimal ru kutan ut q'axal xiwajel”.

Jeremías 25:30

“At Jeremías, ye chixjunileb' li aatin a'in sa' ink'ab'a'. Ye reheb' chi jo'ka'in: «Li Qaawa' tixjap chaq re sa' li choxa ut taa'aatinaq chaq chi kaw toj sa' li xsantil muheb'aal. Tixjap chaq re chi raatinankil li xtenamit, jo' naq neke'xjap reheb' li neke'yatz'ok ru li uub'.

Amós 5:18

Ra teek'ul laa'ex li nekeroyb'eni li xKutankil li Qaawa'. Ma nekenaw xyaalal chanru li kutan a'an? A'an jun aak'ab', ut maawa' kutan.

Amós 1:2

Kixye chi jo'ka'in: “Toj Sión naxjap chaq re li Qaawa'; toj Jerusalén na'ab'iik li xyaab' xkux. Eb' li xna'ajeb' li ketomq xe'chaqikje'k, ut xjoxk'o'k ru li tzuul Karmeel”.

Joel 2:25

“Laa'in tink'e reeqaj leerawimq li xmaak'a'ok eere chiruheb' li chihab' naq xsache'k xb'aaneb' li k'iila motzo', laj saak', li chili' ut li raxq'een, naq xintaqlaheb' cherahob'tesinkil -chan li Yos-.

Ezequiel 22:14

Ma nakak'oxla naq kawaq laach'ool ut ma taakuy insumenkil naq tinraq aatin sa' aab'een? Laa'in li Qaawa' tinb'aanu li xinye.

Isaías 7:18

Sa'eb' li kutan a'an li Qaawa' tixb'oqeb' chaq laj Ejiipt li jo'keb' xk'ihaleb' li suq, ut eb' laj Asiria li te'chalq chaq jo'keb' li kas.

1 Ts 4:16

A' ajwi' li Qaawa' taakub'eeq chaq sa' choxa sa' xq'ehil, naq jun li arkánjel taataqlanq rik'in xyaab' xkux ut taayaab'asiiq xtronpeet li Yos: toja' naq eb' li xe'kamk sa' xk'ab'a' li Kriist, xb'enwa te'wakliiq chaq chi yo'yo.

Joel 1:6

Jo' jun teep chi aj puub' naq xe'chalk eb' laj saak', q'axal naab'aleb' ut jwal kaweb' rib'; chanchaneb' chaq li kaqkoj naq xe'chalk chi reechaninkil lintenamit.

Joel 2:1

Yaab'asihomaq li pur aran Sión, yehomaq li esil a'in sa' linsantil tzuul. Che'xiwaq chixjunileb' li wankeb' Judá, xb'aan naq chalk re li xKutankil li Qaawa', nach' chik wank li kutan a'an:

Joel 2:2

a'an xkutankil li aak'ab' ut li q'oqyink, xq'ehil li q'oqyinkil choql ut li mu! Jo' naq nahik'e'k li kutan sa' xb'een li tzuul, jo'kan ajwi' yooqeb' chi chalk eb' laj saak', jo' jun teep chi aj puub' q'axal naab'aleb' ut kaweb' rib': maajun wa ilb'il ru a'in chi moko tox'ilmaq chik moqon sa' xyanqeb' li k'iila teep chi tenamit chaalel.

Joel 3:14

K'ajo' xk'ihaleb' li tenamit sa' li taq'a b'arwi' twanq li raqok aatin! Xb'aan naq nach' chik wank li xKutankil li Qaawa' sa' xtaq'ahil li raqok aatin.

Abdías 1:15

Xb'aan naq yo chaq chi nach'ok li xkutankil li Qaawa' cho'q reheb' chixjunil li tenamit. Jo' xab'aanu laa'at reheb' li junch'ol chik, jo'kan ajwi' naq taa'uxmanq aawe: taachalq sa' aab'een laak'ulub' xk'ulb'al.

Salmos 18:14

Kama' li kaaq naq x'aatinak chaq li Qaawa' sa' choxa, li Nimajwal Yos xk'e chi ab'iik li xyaab' xkux.

Salmos 68:18

Eb' li xb'eleb'aal ch'iich' li Yos numtajenaq xk'ihaleb', ink'a' naru rajlankileb'. Li Qaawa' toj Sinaí x'elk chaq naq xulokaq sa' li xloq'laj ochoch.