Joel 1:9 - Q'eqchi Bible

⁹ Maak'a' chik li mayejak triiw ut b'iin sa' rochoch li Qaawa' Yos; jo'kan naq ra wankeb' laj tij, eb' laj k'anjel chiru li Qaawa'.

Li Santil hu

⁹ Eb laj tij, li nequeꞌcꞌanjelac chiru li Dios, yo̱queb chi ya̱bac, xban nak ma̱cꞌaꞌ chic li ru li acui̱mk, chi moco li vino re teꞌxmayeja saꞌ lix templo li Ka̱cuaꞌ.

Joel 1:9 ပူးပေါင်းရင်းမြစ်များ

Joel 2:17

Sa' xyanq li neb'aal rik'in li artal yaab'aqeb' laj tij li neke'k'anjelak chiru li Yos, ut te'xye: “Kuy xmaakeb' laatenamit, at Qaawa', ut maakanab'eb' chi se'eek xb'aaneb' li xik' neke'ilok re. Ink'a' taxaq te'xye eb' li junch'ol chik: «B'ar wank li xYoseb'?»”.

Joel 2:14

Mare anchal taaril xtoq'ob'aal eeru ut texrosob'tesi wi' chik: tixtaqla chaq eetriiw ut eeb'iin cho'q eemayej chiru li Qaawa' leeYos.

Joel 1:13

Ex aj tij, sotob'amaq eerib' chiru q'es ruhil t'ikr ut yaab'anqex! Tz'uyinqex laa'ex li nekexk'anjelak chiru li artal. Kimqex ut yo'lenqex rik'in rahil ch'oolej laa'ex li nekexk'anjelak chiru linYos, xb'aan naq maak'a' chik li mayejak triiw ut b'iin sa' rochoch leeYos.

Oseas 9:4

Ink'a' te'mayejaq b'iin chiru li Qaawa', chi moko li xmayejeb' taawulaq chiru: rahaq chik xch'ooleb' naq te'tzekanq jo' tawi' naq yooqeb' chi k'aak'alenk kamenaq, ut muxb'ileb' ru te'kanaaq eb' li te'tzekanq re. Li wa a'an ka'ajwi' re te'xtzeka eb' a'an, ut ink'a' naru taak'ame'q sa' rochoch li Yos.

Isaías 61:6

Ut laa'ex teek'ab'a'in: “aj tij chiru li Qaawa'”; “aj k'anjeleb' chiru li qaYos” taayeemanq eere. Teetzeka li xsahil eechej eb' laj ab'l tenamit ut teereechani li xb'ihomaleb'.

Joel 1:16

Sa' xnaq' qu ajwi' xmaq'e'k li qatzekemq ut x'oso'k li sahil ch'oolej sa' rochoch li qaYos.

Lamentaciones 1:16

Jo'kan naq ninyot'e'k chi yaab'ak, nat'ululnak xya'al li wu, xb'aan naq maajun nak'ojob'ank inch'ool; maa'ani naru nak'ehok xkawub' li waanm. Q'axal ra xe'kanaak eb' li walal ink'ajol, xb'aan naq eb' li xik' neke'ilok qe xe'xq'ax qu.

Lamentaciones 1:4

Jwal ra rilb'aleb' li b'e neke'xik aran Sión: maa'ani chik nachalk chi ninq'ehik. Maa'ani wank chiruheb' li rokeb'aal li tenamit. Neke'yaab'ak eb' laj tij, neke'huyhutk eb' li tuq'ixq, ut q'axal ra xch'ooleb' chixjunileb' laj Jerusalén.

2 Crónicas 13:10

A'ut cho'q qe laa'o, a' li Qaawa' a'an li qaYos, ut ink'a' xqatz'eqtaana. Eb' laj tij li neke'k'anjelak chiru li Qaawa', a'aneb' li ralal laj Aharón; ut eb' li neke'tenq'ank reheb', a'aneb' laj Leví.

Éxodo 28:1

“Sa' xyanqeb' laj Israel xinsik' ru laj Aharón laawas ut eb' li ralal, re te'k'anjelaq chiwu cho'q aj tij. A'aneb' laj Nadab, laj Abihú, laj Elehasar ut laj Itamar, ralaleb' laj Aharón. Chapatz' b'i' reheb' naq te'nach'oq aawik'in.