Joel 1:7 - Q'eqchi Bible

⁷ Xe'xsach chi junajwa li uub', xe'xjuk'i eb' li xche'el li iig: xe'xmich' rix chixjunileb' li che' ut saqeb' aj chik li ruq' xe'xkanab'.

Li Santil hu

⁷ Xeꞌxsach ru chi junaj cua li ka-uva. Ut xeꞌxsach ajcuiꞌ li kacheꞌ higo. Quilajeꞌtꞌaneꞌ li rukꞌ. Michꞌbil chic rix queꞌxcanab ut ma̱cꞌaꞌ chic xxak.

Joel 1:7 ပူးပေါင်းရင်းမြစ်များ

Amós 4:9

“Xexinrahob'tesi rik'in tiqwal iq' ut motzo'; xchaqik leerawimq ut lee'uub', ut eb' laj saak' xe'xchoy lee'oliiw ut lee'iig. Ab'anan laa'ex ink'a' xexsutq'iik chaq wik'in”, chan li Qaawa'.

Isaías 5:6

Nakirirnak tinkanab' li ch'och' a'an: ink'a' chik taa'aq'iiq chi moko taasaab'esiiq, chamo'qaq li pim ut chinujaq li k'ix sa' xb'een. Ut tinram chiruheb' li choql re naq ink'a' tixk'e li hab' sa' xb'een.

Joel 1:12

Xe'chaqikje'k eb' li xtoonal li uub' ut xe'tz'umaje'k eb' li xche'el li iig; jo'kan ajwi' xe'xk'ul chixjunileb' li xche'el li ki'il q'een ut eb' li kala'. Xlaje'chaqik chixjunileb' li che' ut maak'a' chik sahil ch'oolej sa' xyanqeb' li poyanam.

Habacuc 3:17

Us ta ink'a' chik taatuxmeq li xche'el li iig ut maak'a'aq chik ru li uub'; us ta ink'a' chik taa'uuchinq li oliiw ut li ch'och' ink'a' chik tixk'e qatzekemq; us ta maak'a'aqeb' chik li karneer sa' li xna'ajeb' chi moko wanqeb' chik qawakax sa' li xwa'leb'aaleb',

Oseas 2:12

Tink'e chi sache'k chixjunileb' li rawimq li naxye wi': «A'aneb' a'in linq'ajkamunkil li xk'ehomeb' we li neke'rahink we». Tink'eheb' chi pimo'k ut tinkanab' cho'q xwaheb' li k'iche'il xul.

Jeremías 8:13

“Twaj raj xxokb'al lintenamit jo' na'uxk re li triiw -chan li Qaawa' Yos-; ab'an chanchaneb' li xtoonal li uub' ut li iig li ink'a' na'uuchink ut chaqi eb' li xxaq. Jo'kan naq tinq'axtesi lintenamit reheb' laj numel b'e”.

Isaías 24:7

Xlajk li b'iin ut xe'chaqik li xtoonal li uub'; k'ajo' xrahil xch'ooleb' li sa xe'wank junxil.

Salmos 105:33

Kixsach li uub' ut li iig, ut kixtoqi chixjunileb' li che' sa' li na'ajej a'an.

Éxodo 10:15

Ke'xmoy ru chixjunil li na'ajej ut kiq'oqyinko'k li tenamit; ke'xk'ux chixjunil li xpimul li ch'och' ut chixjunileb' li ru li che' li toj kixkanab' li saqb'ach: maak'a' chik xraxal li che' chi moko xraxal li pim sa' ch'och', sa' xsutam Ejiipt.

Éxodo 10:14

Eb' laj saak' kilaje'ok sa' chixjunil xsutam Ejiipt ut ke'xhiri rib' sa' chixjunil li xna'ajeb' laj Ejiipt, k'ajo' xk'ihaleb': maajun sut rilomeb' a'an junxil chi moko te'ril chik moqon.

Isaías 32:12

cheteni re leech'ool sa' xk'ab'a' li q'emal ch'och' ut eb' li chaab'il awimq.

Malaquías 3:11

Ink'a' tinkanab'eb' laj saak' chi xsachb'al leerawimq ut tink'eheb' chi uuchink li xtoonal li uub'.