Joel 1:10 - Q'eqchi Bible

¹⁰ Nakirnak aj chik eb' li k'aleb'aal; rahil ch'oolej rilb'al li ch'och', xb'aan naq x'oso'k li triiw, xe'chaqik li uub' ut xe'tz'umaje'k li oliiw.

Li Santil hu

¹⁰ Ra saꞌ xchꞌo̱l li chꞌochꞌ xban nak ma̱cꞌaꞌ chic cuan chiru. Xeꞌchakic li trigo ut xeꞌchakic lix cheꞌel li uvas, ut ma̱cꞌaꞌ chic li aceite xban nak xeꞌchakic lix cheꞌel li olivo.

Joel 1:10 ပူးပေါင်းရင်းမြစ်များ

Oseas 4:3

Jo'kan naq ra xch'ooleb' chixjunil li tenamit ut maak'a'eb' chik xmetz'ew li wankeb' chisa'; jun kamikeb' li k'iche'il xul, eb' li neke'rupupik chiru choxa jo' ajwi' eb' li kar sa' palaw.

Oseas 9:2

Ab'anan ink'a' chik taawanq laatriiw ut laa'uub', ut maak'a'aq chik li ak' b'iin li taawuk' raj.

Jeremías 12:11

Nayamnak ut nakirnak xe'xkanab' chi q'axal toq'ob'aal ru; po'lem xkanaak chixjunil, ab'an maajun naraho'k b'ayaq xch'ool chirix.

Joel 1:5

Ajsiiq eeru, ex kalajenaq, ut yaab'anqex; tz'uyinqex laa'ex li nawulak cheru li b'iin, xb'aan naq ak xmaq'e'k cheru.

Hageo 1:11

Laa'in xintaqlank re li saq'ehil sa' ruuchich'och': sa' xb'eeneb' li k'iche', sa' xb'een li triiw, sa' xb'een li uub' ut li oliiw, sa' xb'eeneb' li rawimq li ch'och', sa' xb'eeneb' li poyanam, eb' li xul ut chixjunil li k'anjel na'uxmank”.

Joel 1:12

Xe'chaqikje'k eb' li xtoonal li uub' ut xe'tz'umaje'k eb' li xche'el li iig; jo'kan ajwi' xe'xk'ul chixjunileb' li xche'el li ki'il q'een ut eb' li kala'. Xlaje'chaqik chixjunileb' li che' ut maak'a' chik sahil ch'oolej sa' xyanqeb' li poyanam.

Jeremías 48:33

Maak'a' chik li b'ichank ut li sahil ch'oolejil sa'eb' li k'aleb'aal re Mohab. Xlajk li b'iin sa'eb' li k'uuleb'aal, maajun chik nayatz'ok re li uub', ut maak'a' chik li b'ichank xb'aan li sahil ch'oolej.

Jeremías 12:4

Jo' najtil chik taawanq li ch'och' chi ra sa' xch'ool ut chaqi aj chik li pim sa'eb' li tzuultaq'a? Xb'aan li xmaa'usilaleb' li poyanam xe'osoje'k eb' li ketomq ut eb' li xik'anel xul. Xb'aan naq neke'xye: “Li Qaawa' ink'a' naxnaw li naqab'aanu”, chankeb'.

Isaías 24:11

Neke'yaab'ak li poyanam sa'atqeb' li b'e xb'aan xmajelal li b'iin; x'oso'k chixjunil li sahil ch'oolej ut xraqe'k li sahil wank sa' ruuchich'och'.

Levítico 26:20

Maak'a'aq chik aj e naq teetawasi eerib' xb'aan naq ink'a' chik taa'elq li awimq sa' li ch'och' chi moko te'uuchinq li che' sa' leena'aj.

Génesis 4:12

Us ta taak'anjela li ch'och', ab'an ink'a' taa'uuchinq; ut taab'eeni aj chik aawib' jo' aj eelel sa' ruuchich'och' chi junelik”.

Isaías 15:6

Xchaqik li ha' li wank Nimrín, joxk' aj chik li ch'och' ut xchaqik li pim: maab'ar chik natawmank li raxpim.

Isaías 24:7

Xlajk li b'iin ut xe'chaqik li xtoonal li uub'; k'ajo' xrahil xch'ooleb' li sa xe'wank junxil.

Joel 2:19

ut kixye reheb': “Tintaqla chaq eere li triiw, li b'iin ut li aseeyt toj reetal taak'ojlaaq eech'ool, ut maajoq'e chik texink'e chi se'eek xb'aaneb' li tenamit junch'ol.

Habacuc 3:17

Us ta ink'a' chik taatuxmeq li xche'el li iig ut maak'a'aq chik ru li uub'; us ta ink'a' chik taa'uuchinq li oliiw ut li ch'och' ink'a' chik tixk'e qatzekemq; us ta maak'a'aqeb' chik li karneer sa' li xna'ajeb' chi moko wanqeb' chik qawakax sa' li xwa'leb'aaleb',

Malaquías 2:3

“Tinmaq' cheru leewankilal, tinkut sa' xnaq' eeru li xk'ot leexul nekemayeja chiwu ut texintz'eq chirix kab'l eerochb'eenaq li xk'ot leemayej.