Jeremías 9:7 - Q'eqchi Bible

⁷ Jo'kan naq li Qaawa', li Nimajwal Yos, kixye chi jo'ka'in: “Tinrahob'tesi lintenamit re xch'ajob'resinkileb', xb'aan naq k'a' ta chik ru tinb'aanu reheb' re te'usaaq?

Li Santil hu

⁷ Joꞌcan nak li Ka̱cuaꞌ naxye chi joꞌcaꞌin: —Chanchan nak numsinbil saꞌ xam nak tinqꞌue li raylal saꞌ xbe̱neb re nak teꞌxtau xnaꞌlebeb. Cui incꞌaꞌ tinba̱nu chi joꞌcan, ¿cꞌaꞌ chic ru ta̱ru̱k tinba̱nu reheb re teꞌusa̱k?

Jeremías 9:7 ပူးပေါင်းရင်းမြစ်များ

Isaías 1:25

Ok wi' chik we cherahob'tesinkil, texinch'ajob'resi jo' na'uxk re li plaat re risinkil eerik'in leemaa'usilal.

Malaquías 3:3

Taak'ojlaaq chi puuxink ut chi ch'ajob'resink. Tixch'ajob'resiheb' li ralal xk'ajol laj Leví ut tixpuuxiheb' jo' na'uxk re li oor ut li plaat; ut tz'aqal a'anaqeb' chik li te'mayejaq chiru li Qaawa' sa' tiikilal.

Jeremías 6:27

Jo'ka'in kixye we li Qaawa': “Xatinxaqab' sa' lintenamit re taawil ut taatz'il rix li neke'xb'aanu, jo' naxb'aanu li nayalok li oor”.

Isaías 48:10

K'e reetal naq xatinch'ajob'resi; ab'anan moko jo' ta na'uxk re li plaat, xinyal b'an aawix rik'in li rahilal.

Zacarías 13:9

Ut li jun jachal a'in tinnumsiheb' sa' xam, tinch'ajob'resiheb' jo' na'uxk re li plaat, tinpuuxi ruheb' jo' na'uxk re li oor. Toja' naq te'xyaab'a link'ab'a', ut laa'in tinsumeheb' chaq: «Intenamitex laa'ex», cha'qin reheb'; ut eb' a'an te'xye: «Li Qaawa' a'an li qaYos», cha'qeb'”.

1 Pedro 4:12

Ex was wiitz'in raarookex inb'aan, misachk eech'ool rik'in li xam xlochmank sa' eeyanq re eeyalb'al, jo' ta raj wi' li maajun wa eerilom.

1 Pedro 1:7

Xb'aan naq leepaab'aal, a'an chanchan li oor li nayale'k sa' xam re rilb'al ma chaab'il. Li paab'aal li naxkuy li yale'k, a'an q'axal loq' chiru li oor li nalajk na'oso'k. Jo'kan wi tz'aqal re ru leepaab'aal, taanimaaq leek'ab'a', jo' ajwi' leeloq'al ut leeroxloq'inkil sa' li xk'utb'esinkil rib' li Jesukriist.

Jeremías 31:20

“Laj Efraín a'an jun alalb'ej jwal loq' cho'q we laa'in, a'an li walal q'axal raaro inb'aan. Us ta ninq'us chi kaw, ab'an junelik wank sa' inch'ool; namayok li waanm chirix, nawil xtoq'ob'aal ru ut jwal ninra -chan li Qaawa'-.

2 Crónicas 36:15

Ab'an li Qaawa', xYos li xxe'toonil yuwa'eb', jwal nim li xraab'al li xtenamit ut li xloq'laj muheb'aal: kiril xtoq'ob'aal ru li xtenamit ut chalen chaq sa' xtiklajik kixtaqla naab'aleb' li xtaql chi xk'eeb'al xna'leb'eb'.

2 Samuel 13:26

ut chirix chik a'an kixye laj Absalón: “B'aanu usilal, xikaq chiqix laj Amnón li was”. Kichaq'ok li awab'ej: “K'a' aj e naq taaxik chawix?”, chan.

Salmos 55:22

Li raatineb' naq'una kama' li manteek, ab'an junes raaxiik' wank sa' xch'ooleb'; li raatineb' q'axal q'uneb' chik chiru li aseeyt, ab'an chanchaneb' li q'esnal ch'iich' chi kamsink.

Salmos 62:5

Junes xsachb'al inwankil nekek'oxla, ut rik'in li tik'ti' nasaho'k sa' eech'ool: sa' leere wank li usilaatinak, a'ut sa' leech'ool a' chik li maa'usilaatinak.

Salmos 120:4

Tixk'ajtesi aawu rik'in ral simaj chi q'esnanb'il ru'uj, jo'wi' rik'in ru xam li k'ajo' xtiqwal.

Isaías 59:3

Xb'aan naq nujenaq chi kik' leeruq' ut k'ajo' li raaxiik' nekeb'aanu; junes tik'ti' nekeye ut yib' aj aatin wank chi xtz'uumal eere.

Jeremías 5:1

“B'eenihomaq eb' li b'e re Jerusalén -chan li Qaawa'-, ilomaq chi us ut k'ehomaq reetal. Sik'omaq sa'atqeb' li ruq' b'e re rilb'al ma teetaw junaq winq li nab'aanunk li tiikilal ut naxsik' li yaal; ut tinkuy raj xmaak Jerusalén.

Oseas 4:1

Ab'ihomaq li raatin li Qaawa', ex aj Israel. Ok re sa' raqb'a aatin rik'ineb' li wankeb' sa' li tenamit a'in, xb'aan naq maak'a' chik arin li tiikil ch'oolej ut li rahok, maajun chik nanawok ru li Qaawa'.