Jeremías 9:4 - Q'eqchi Bible

⁴ Li junjunq chixkolaq rib' chiru li ras riitz'in, chi moko chixk'ojob' xch'ool chirix li ramiiw, xb'aan naq eb' li ras riitz'ineb' rib' neke'b'alaq'ik ut chixjunileb' li amiiw junes q'ab'ank neke'xb'aanu.

Li Santil hu

⁴ Incꞌaꞌ naru te̱cꞌojob e̱chꞌo̱l riqꞌuineb le̱ ras e̱ri̱tzꞌin, usta nequeꞌxye nak eb aꞌan tzꞌakal e̱rami̱g. Chi moco ta̱ru̱k te̱cꞌojob e̱chꞌo̱l riqꞌuin le̱ ras ut le̱ ri̱tzꞌin xban nak li asbej ut li i̱tzꞌinbej nequeꞌbalakꞌin. Eb li amigo nequeꞌyoꞌoban ticꞌtiꞌ.

Jeremías 9:4 ပူးပေါင်းရင်းမြစ်များ

Jeremías 6:28

Chixjunileb' jwal kaweb' li xjolom, chanchaneb' li q'anch'iich' ut li ki'ch'iich'; q'etq'eteb' chixjunileb' ut junes q'ab'ank neke'xb'aanu.

San Mateo 10:21

“Li asb'ej tixq'axtesi chi kamsiik li riitz'in, li yuwa'b'ej a' li ralal; ut eb' li alalb'ej te'wakliiq chi xkamsinkil xna' xyuwa'.

Levítico 19:16

“Matyoob'ank aatin chirix xjolomeb' laawech'alal. “Mat-okenk chi xkamsinkil laawas aawiitz'in. Laa'in li Qaawa'.

Jeremías 12:6

A'aneb' ajwi' laawas aawiitz'in, eb' laawech'alal xe'b'alaq'ink aawe ut nakate'xhob' chirix aajolom. Maak'ojob' aach'ool chirixeb' naq nakate'raatina rik'in ch'ina'usil aatin.

Proverbios 25:18

Li naxq'ab'a li ramiiw, a'an chanchan li t'ojleb', li q'esnal ch'iich' ut li simaj jutz' ru'uj.

Proverbios 10:18

Laj tik'ti' naxmuq li xik'il uuchink; ut li ani nawulak chiru molok tik'ti', a'an maak'a' xna'leb'.

Salmos 15:3

ut ink'a' nayoob'ank aatin chirix anihaq; li ink'a' naxb'aanu maa'usilal re li ras riitz'in chi moko na'aatinak chirix xjolom li rechkab'al;

Génesis 32:28

li winq kixye: “Chalen anaqwan ink'a' chik taak'ab'a'in aj Jakob, aj Israel b'an chik laak'ab'a'. Xb'aan naq xayal laametz'ew rik'in li Yos ut rik'ineb' li winq, ut xatq'axok u”.

1 Ts 4:6

Maa'ani chimaakob'q chiru li ras riitz'in rik'in li na'leb' a'in chi moko chinumtaaq sa' xb'een, xb'aan naq li Yos aj eeqajunel re chixjunil a'in, jo' ak yeeb'il ut ch'olob'anb'il cheru qab'aan.

San Lucas 21:16

“Texq'axtesiiq xb'aan leena' eeyuwa', xb'aaneb' leeras eeriitz'in, leerech'alal ut leeramiiw, ut sa' eeyanq wan te'kamsiiq;

San Mateo 10:17

Chekolaq eerib' chiruheb' li tenamit, xb'aan naq texq'axtesiiq sa' ruq'eb' li xninqal ru aj raqol aatin ut texrapje'q sa'eb' li xch'utleb'aal kab'l.

Ezequiel 22:9

Wankeb' aawik'in aj q'ab'anel, ut naab'aleb' li poyanam neke'kamsiik; neke'wulak chiru tzuul chi wa'ak sa'eb' li tijob'aal ut q'axal yib'ru neke'xb'aanu.

Proverbios 6:19

li q'ab'ank sa' li raqleb'aal aatin ut li yoob'ank raaxiik' sa' xyanqeb' li tenamit.

Proverbios 6:16

Wank waqib' li na'leb', malaj wuqub', li ink'a' nawulak chiru li Yos ut xik' na'ile'k xb'aan chi junajwa:

Salmos 101:5

Li naxyoob' aatin sa' muqmu chirix li ras riitz'in, a'an tintz'eqtaana chi junajwa. Li naxq'etq'eti rib' ut naxnima xwankil, a'an ink'a' tinkuy xmaak.

Isaías 59:13

Xqamajewa ut xqatz'eqtaana li Qaawa', ink'a' xqaj xtaaqenkil li qaYos; ka'ajwi' li maa'usilal ut li raaxiik' xqak'oxla xb'aanunkil, ut junes b'alaq'ik x'alaak sa' qach'ool.

Jeremías 9:8

Li ru'uj raq'eb' chanchan li simaj nakamsink, junes b'alaq'il aatin wank chi xtz'uumal reheb'. Sa neke'xk'e xsahil xch'ooleb' li ras riitz'in, ab'an sa' li xch'ooleb' yookeb' xsik'b'al li xluktesinkileb'.

Malaquías 2:10

Ma ink'a' tab'i' jun ajwi' qayuwa' chiqajunilo? Ma ink'a' jun ajwi' chi Yos xyoob'tesink qe? K'a'ut naq ink'a' tiik qach'ool chiqu chiqib'il qib'? K'a'ut naq naqasach xwankil li Sumwank kixk'ojob' li Yos rik'ineb' li qana' qayuwa'?

Proverbios 4:16

Xb'aan naq eb' a'an ink'a' neke'ruuk chi wark, wi ink'a' xe'b'aanunk maa'usilal; ut ink'a' nakub'eek xwaraheb', wi ink'a' xe'xrahob'tesi junaq xb'enwa.

Proverbios 4:17

Li xwaheb', a'an li maa'usilal; ut li ruk'a'eb', a'an li raaxiik'.

Isaías 9:16

Eb' laj jolominel xe'xb'alaq'i li tenamit a'in, ut eb' li neke'taaqenk reheb' xe'sachk xb'aaneb'.