Jeremías 9:3 - Q'eqchi Bible

³ yo'oon wankeb' chi yehok tik'ti', ut chanchan xq'esnal li simaj li ru'uj raq'eb'. Li tik'ti' nanumtaak sa' li tenamit a'in ut li yaal maak'a' na'ok wi'. Moko te'xtaw ta chik xna'leb'eb' ut ink'a' neke'xnaw ru li Qaawa'.

Li Santil hu

³ Li Ka̱cuaꞌ quixye: —Junelic se̱beb xchꞌo̱l chi ticꞌtiꞌic lin tenamit. Chanchaneb li nequeꞌcutuc riqꞌuin tzimaj. Nequeꞌxqꞌue xcuanquil li ticꞌtiꞌ ut incꞌaꞌ nequeꞌxqꞌue xcuanquil li ya̱l. Numtajenak li ma̱usilal nequeꞌxba̱nu ut incꞌaꞌ nequeꞌraj xqꞌuebal inlokꞌal, la̱in li Ka̱cuaꞌ.

Jeremías 9:3 ပူးပေါင်းရင်းမြစ်များ

Jeremías 9:8

Li ru'uj raq'eb' chanchan li simaj nakamsink, junes b'alaq'il aatin wank chi xtz'uumal reheb'. Sa neke'xk'e xsahil xch'ooleb' li ras riitz'in, ab'an sa' li xch'ooleb' yookeb' xsik'b'al li xluktesinkileb'.

Romanos 3:13

Li xxololeb' chanchan teetookil muqleb'aal; rik'in ru'ujeb' raq' neke'ok chi b'alaq'ik. Xmay k'anti' li wank chi xtz'uumal reheb'.

Jeremías 4:22

“Maak'a' xna'leb' lintenamit, ink'a' naxnaw wu -chan li Qaawa'-. Jipeb' ut maak'a' xk'a'uxeb'. K'ajo' xna'leb'eb' chi b'aanunk maa'usilal, ab'an maak'a' neke'xnaw chirix li chaab'ilal”.

Jueces 2:10

Ke'kamk ajwi' chixjunileb' li rech yu'amileb' laj Josué; ke'q'ajk ke'sutq'iik rik'ineb' li xxe'xtooneb', ut jalaneb' chik ke'yo'laak chirixeb' a'an: ink'a' neke'xnaw ru li Qaawa' chi moko xnawomeb' li kilajxb'aanu sa' xk'ab'a'eb' laj Israel.

Jeremías 31:34

Ink'a' chik aajel ru naq junaq tixtij li ras riitz'in malaj li rech'alal rik'in xyeeb'al: «Chanawaq ru li Qaawa'». Xb'aan naq chixjunileb' te'nawoq wu, jo' kok' jo' ninq. Laa'in tinkuy li xmaakeb' ut ink'a' chik tjultiko'q we li xmaa'usilaleb'”, chan li Qaawa'.

1 Samuel 2:12

Eb' li ralal laj Elí ink'a' useb' xna'leb' ut ink'a' neke'xk'e xloq'al li Qaawa',

Apocalipsis 12:11

Eb' a'an xe'xq'ax ru sa' xk'ab'a' li xkik'el li Karneer jo' ajwi' rik'in li aatin xe'xye chi yaal, xb'aan naq ink'a' xe'xra ru li xyu'ameb' chiru li kamk.

San Judas 1:3

Ex inrahom, q'axal xink'e inch'ool chi tz'iib'ak eerik'in chirix li qakolb'al naqawotz sa' komonil; ab'an anaqwan tz'aqal xweek'a naq tento tintz'iib'aq eerik'in re xtz'aamankil naq teeyal eeq'e chi xkolb'al rix li paab'aal li kiq'axtesiik chi junwaakaj reheb' laj santil paab'anel.

2 Timoteo 3:13

A'ut eb' laj maak ut eb' laj b'alaq' taanumtaaq li xmaa'usilaleb', yooqeb' chi b'alaq'ink ut yooqeb' ajwi' chi b'alaq'iik.

Filipenses 1:28

chi maak'a' k'aru texxiwaq wi' chiruheb' li xik' neke'ilok eere: a'anaq reetalil li sachk cho'q reheb' a'an, a'ut cho'q eere laa'ex a'anaq reetalil li kolb'a ib'. Ut chixjunil a'in nachalk rik'in li Yos.

Romanos 1:28

Ink'a' ke'raj xk'uulankil sa' xch'ooleb' li yaal chirix li Yos, jo'kan naq ke'q'axtesiik xb'aan li Yos sa' li xmaa'us aj k'a'uxeb' re te'xb'aanu li moko uxk naraj.

Romanos 1:16

Xb'aan naq ink'a' ninxutaanak chi xpuktesinkil li Chaab'il Esilal; a'an xnimal xwankil li Yos re xkolb'al chixjunileb' li te'paab'anq re: xb'enwa eb' laj Judiiy ut eb' ajwi' laj Griego.

San Juan 17:3

A'an a'in li junelik yu'am: naq te'xnaw aawu laa'at li junat chi tz'aqal Yos ut li xataqla chaq, li Jesus a' li Kriist.

San Marcos 8:38

Xb'aan naq ani taaxutaanaq sa' ink'ab'a' ut xb'aaneb' li waatin chiru li tenamit a'in aj muxunel ut aj maak, taaxutaanaq ajwi' li K'ajolb'ej xb'aan a'an, naq tol'elq sa' li xnimal xloq'al li xYuwa' rochb'eenaqeb' chaq li santil ánjel.

Jeremías 22:16

Kixkol rixeb' li neb'a' ut eb' li rahob'tesinb'ileb', ut chi jo'kan sa kiwank chiru li xyu'am. Ma maawa' tab'i' a'an linpaab'ankil laa'in? -chan li Qaawa'-.

Jeremías 9:5

Neke'xb'alaq'i rib' chirib'ileb' rib' ut maajun nayehok li yaal sa' xyanqeb'; k'aynaqeb' chi tik'ti'ik, xe'xpo' xk'a'uxeb' ut ink'a' chik neke'raj xjalb'al xna'leb'eb'.

Jeremías 7:26

A'ut laa'ex ink'a' xineepaab' chi moko xeraj wab'inkil, xejipi chik eerib' ut q'axal yib' wi' chik ru leena'leb' chiru leena' leeyuwa'.

1 Corintios 15:34

Ajsihomaq eeru jo' xk'ulub', ut mexmaakob'k chik xb'aan naq wank wankeb' sa' eeyanq li ink'a' neke'xnaw ru li Yos. Re xk'utb'al eexutaan naq ninye a'in eere.

Levítico 19:11

“Mex'elq'ak. Mextik'ti'ik chi moko cheb'alaq'i eerib' cherib'il eerib'.

Isaías 1:3

Li b'ooyx naxnaw ru laj eechal re, ut li b'uur naxnaw b'ar nachalk li xtzekemq. A'ut laj Israel maak'a' naxnaw, maak'a' xna'leb' lintenamit”.

Isaías 3:5

Li junjunq taaraj numtaak sa' xb'een li ras riitz'in: li saaj winq tixq'etq'eti rib' chiru li cheekel winq ut laj k'anjel tixpleeti li xnimal ru winq.

Isaías 6:5

Ut kinye sa' inch'ool: “Toq'ob' xaq wu, xin'oso'k, xb'aan naq laa'in jun li winq ninye li ink'a' us ut wankin sa' jun tenamit aj maak. Xwil rik'in wu li Awab'ej, a' li Nimajwal Yos!”.

Jeremías 5:4

Toja' naq xinye: “Relik chi yaal naq maak'a' neke'xnaw li ink'a' tzolb'ileb': ink'a' neke'xtaw ru li rajom li Qaawa' chi moko li xchaq'rab' li xYoseb'.

Jeremías 5:5

Tinxik rik'ineb' li ninqeb' xwankil ut twaatinaheb', xb'aan naq eb' a'an neke'xnaw li xb'e li Qaawa' ut tzolb'ileb' chi us sa' li xchaq'rab' li xYoseb'”. Ab'anan juntaq'eet ajwi' xwil aran: xe'xq'etq'eti ajwi' rib' a'an chiru li Qaawa' ut ink'a' xe'raj ab'ink.

Daniel 11:27

Toja' naq eb' li wiib' chi awab'ej a'an te'k'ojlaaq chi wa'ak sa' jun chi meex ut te'xb'alaq'i rib' chirib'ileb' rib'; ab'anan yal maak'a'aq rajb'al, xb'aan naq toj maji' xhonalil li roso'jik.

Génesis 39:16

Li ixq kixsoq'ob' li raq' laj José chi xk'atq toj reetal kisutq'iik chaq li xb'eelom sa' kab'l.

Jueces 14:17

Ab'anan li ixq ink'a' kixkanab' yaab'ak chiru li wuqub' kutan kiwank wi' li ninq'e. Sa' xraqik, sa' xwuq li kutan, laj Sansón kixch'olob' chiru, xb'aan naq li ixq ink'a' naxkanab' xpatz'b'al re. Ut naq ak xnaw, li ixq koxye xyaalal reheb' li rech tenamitul.

Proverbios 12:5

Li tiikeb' xch'ool a' li tiikilal neke'xk'oxla; a'ut li ink'a' useb' xna'leb' junes li b'alaq'ik naxik wi' xch'ooleb'.

Isaías 9:18

Xb'aan naq xnumtaak li maa'usilal, jo' li xam naxk'at li k'ix ut li chaqipim; nachoqleek li k'iche' xb'aan ut nab'utz'utz'nak li xsib'el chi elk.

Jeremías 6:28

Chixjunileb' jwal kaweb' li xjolom, chanchaneb' li q'anch'iich' ut li ki'ch'iich'; q'etq'eteb' chixjunileb' ut junes q'ab'ank neke'xb'aanu.

Jeremías 12:6

A'aneb' ajwi' laawas aawiitz'in, eb' laawech'alal xe'b'alaq'ink aawe ut nakate'xhob' chirix aajolom. Maak'ojob' aach'ool chirixeb' naq nakate'raatina rik'in ch'ina'usil aatin.

Ezequiel 8:13

Ut kixye wi' chik we: “Toj wank chik xkomon q'axal tz'i'b'eetal b'aanuhom chiruheb' a'in, taawil laa'at”, chan.

Hechos 24:9

Ke'okenk ajwi' eb' laj Judiiy chi xyeeb'al naq yaal chixjunil a'an.