Jeremías 9:24 - Q'eqchi Bible

²⁴ Li ani naraj xnimankil rib', xnimaaq rib' rik'in a'in: naq naxnaw wu ut naxtaw ru naq laa'in li Qaawa', li nin'uxtaanak u ut ninxaqab' xwankil li tiikil ch'oolej ut li yaal sa' ruuchich'och'. Xb'aan naq a'an a'in li nawulak chiwu”, chan li Qaawa'.

Li Santil hu

²⁴ Li ani tixnimobresi rib, chixnimobresihak rib riqꞌuin nak naxnau nak la̱in li Ka̱cuaꞌ ut naxtau ru chanru lin naꞌleb. Nin-uxta̱nan u ut ninrakoc a̱tin saꞌ ti̱quilal saꞌ ruchichꞌochꞌ. Aꞌan li nacuulac chicuu, chan li Ka̱cuaꞌ.

Jeremías 9:24 ပူးပေါင်းရင်းမြစ်များ

2 Corintios 10:17

“Ani taaraj xnimob'resinkil rib', chixnimaaq rib' sa' xk'ab'a' li Qaawa'”.

Gálatas 6:14

A'ut laa'in maajaruj tinnimob'resi wib' injunes, wi ta ink'a' sa' xk'ab'a' li xkrus li Qaawa' Jesukriist. Sa' xk'ab'a' a'an, li ruuchich'och' nakanaak chi tz'eqtaananb'il cho'q we, jo' li k'eeb'il chiru krus; ut jo'kan ajwi' laa'in cho'q re li ruuchich'och'.

1 Corintios 1:31

re naq, kama' tz'iib'anb'il sa' li Santil Hu: “Ani taaraj xnimob'resinkil rib', chixnimaaq rib' sa' xk'ab'a' li Qaawa'”.

Miqueas 6:8

At winq, at ixq, ak yeeb'il aawe li k'aru us xb'aanunkil, a' li nawulak chiru li Qaawa' naq taab'aanu: ka'ajwi' xb'aanunkil li tiikilal, xk'eeb'al aach'ool chi rahok ut taakub'si laawankil chiru laaYos.

Miqueas 7:18

Maajun chik junaq Yos jo' laa'at, at Qaawa', xb'aan naq laa'at nakakuy nakasach li xmaakeb' li rela' laatenamit. Laa'at ink'a' nakatjosq'o'k chi junajwa, xb'aan naq nakara li uxtaanank.

Salmos 44:8

laa'at b'an xatkolok qe sa' ruq'eb' li neke'yalok qik'in, laa'at xak'uteb' xxutaan li xik' neke'ilok qe.

1 Juan 5:20

Ab'an naqanaw ajwi' naq li Ralal li Yos kik'ulunk ut kixk'e qana'leb' re naq chiqanaw ru li tz'aqal Yos. Ut laa'o wanko rik'in li tz'aqal Yos, rik'in li Ralal, a' li Jesukriist. A'an a'in li tz'aqal Yos ut li junelik yu'am.

San Juan 17:3

A'an a'in li junelik yu'am: naq te'xnaw aawu laa'at li junat chi tz'aqal Yos ut li xataqla chaq, li Jesus a' li Kriist.

Salmos 51:1

Re li xjolomileb' laj b'ichanel. Xsaalm laj David,

Salmos 91:14

“Xq'axtesi rib' chiwu, jo'kan naq tinkol -chan li Qaawa'-; tinmuheela xb'aan naq naxnaw wu.

1 Samuel 15:22

Toja' naq kixye laj Samuel: “Ma rik'in tab'i' k'atb'il mayej ut eeyeechi'om nak'ojlaak xch'ool li Qaawa'? Malaj a' li xpaab'ankil li raatin a'an li q'axal nawulak chiru? Jwal us paab'ank chiru mayejak, jwal loq' ab'ink chiru li xxeeb'ul li karneer.

2 Corintios 4:6

Xb'aan naq li Yos li kiyehok: “Chilemtz'unq li saqenk sa' li aak'ab'”, a'an ajwi' xk'ehok chi lemtz'unk li saqenk sa' li qach'ool re naq taakutano'q li xloq'al li Yos li nalemtz'unk sa' xnaq' ru li Kriist.

Isaías 41:16

Taakuteb' chi najt ut li iq' taak'amoq reheb', te'cha'cha'iiq xb'aan li kaqsut-iq'; a'ut laa'at taasaho'q laach'ool rik'in li Qaawa', taanimob'resi aawib' sa' xk'ab'a' li xSant laj Israel.

Romanos 5:11

Ut moko ka'aj ta wi' rik'in a'an, naqanima aj b'an wi' qib' rik'in li Yos sa' xk'ab'a' li Qaawa' Jesukriist li xqataw wi' li usilal anaqwan.

Jeremías 4:2

wi taaye aajurament sa' xk'ab'a' li Qaawa' rik'in li yaal, li tiikilal ut tiikil ch'oolej, sa' xk'ab'a' a'an osob'tesinb'ilaqeb' chixjunil li tenamit ut te'nimaaq xloq'al chi junelik”.

Isaías 61:8

Xb'aan naq laa'in, li Qaawa', jwal ninra li tiikilal ut xik' nawil li elq'ak ut li kamsink poyanam. Tinq'ajkamuheb' chi tz'aqal re ru ut tink'ojob' rik'ineb' jun sumwank xaqxooq xwankil chi junelik.

Salmos 99:4

Laa'at jun awab'ej li q'axal nim aawankil, k'ajo' naq nakara li tiikilal! Laa'at xatk'ojob'ank re li yaal, xak'anjela li tiikil ch'oolej ut li yaal sa' xyanqeb' laj Jakob.

San Lucas 10:22

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil”.

San Mateo 11:27

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil.

Filipenses 3:3

Eb' li tz'aqal xk'ulumeb' li sirkunsisyon a'ano laa'o, li naqaloq'oni ru li Yos jo' naraj li xMusiq', naqanima qib' sa' xk'ab'a' li Kristo Jesus ut ink'a' k'ojk'o li qach'ool ka'ajwi' rik'in li naqab'aanu qajunes.

Isaías 45:25

Sa' ink'ab'a' te'q'axoq u ut k'eeb'ilaqeb' xloq'al chixjunileb' li ralal xk'ajol laj Israel”.

Salmos 20:7

Anaqwan ninnaw naq li Qaawa' tixtenq'a li sik'b'il ru xb'aan; toj sa' li xloq'laj choxa tixsume chaq rik'in li xninqal ru xb'aanuhom li xnim uq'.

Salmos 34:2

Tin'usilaatina li Qaawa' chi junelik, tinnima ru rik'in xtz'uumal we chi junelik.

Isaías 20:5

Eb' li poyanam te'sachq xch'ool ut te'xutaanaq xb'aaneb' laj Etiopía, li royb'enihomeb', ut xb'aaneb' laj Ejiipt, li xkawub' raj xch'ooleb'.

Jeremías 22:16

Kixkol rixeb' li neb'a' ut eb' li rahob'tesinb'ileb', ut chi jo'kan sa kiwank chiru li xyu'am. Ma maawa' tab'i' a'an linpaab'ankil laa'in? -chan li Qaawa'-.

Salmos 34:3

Laa'in ninnima wib' sa' xk'ab'a' li Qaawa': ab'ihomaq laa'ex li neb'a' ut chisaho'q sa' eech'ool!

Salmos 44:9

At Qaawa', junelik tqanima qib' sa' laak'ab'a', kok'aq xsa' tatqaninq'ehi ut tooyoxinq chawu.