Jeremías 9:2 - Q'eqchi Bible

² Ani taxaq xk'ehok junaq wochochnaal sa' li chaqich'och' b'arwi' tinhilanq jo' aj numel b'e, re raj tinkanab' lintenamit! Xb'aan naq aj muxuleb' rib' chixjunileb', tik jun tuub'eb' chi aj b'alaq';

Li Santil hu

² Cui cuan ta inmuheba̱l saꞌ li chaki chꞌochꞌ bar ta̱ru̱k tincua̱nk cuiꞌ, tine̱lk raj saꞌ xya̱nkeb lin tenamit xban nak moco cha̱bileb ta. Chixjunileb nequeꞌbalakꞌic ut nequeꞌxlokꞌoni li jalanil dios, chan laj Jeremías.

Jeremías 9:2 ပူးပေါင်းရင်းမြစ်များ

Jeremías 23:10

Nujenaq li tenamit chi aj muxuleb' sumlaak; junes maa'usilal naxik wi' xch'ooleb' li poyanam, ut neke'roksi li xwankileb' chi xb'aanunkil li ink'a' us. Jo'kan naq majewanb'il li ruuchich'och' xb'aan li Qaawa'; xe'chaqik li ha' ut xk'ate'k li pim sa' li chaqich'och'.

Oseas 4:2

Neke'yehok jurament ut ink'a' neke'xb'aanu li k'aru neke'xye; k'ajo' li tik'ti'ik, li kamsink poyanam ut li elq'ak, numtajenaq li muxuk sumlaak ut li raaxiik', ut junelik aj chik wank li kamsij ib'.

Oseas 7:4

Chixjunileb' a'an junes aj muxuleb' sumlaak; chanchaneb' li tiqwal xam, li ink'a' chik na'ajmank ru naq taak'ehe'q xkomon xxamlel toj reetal taasipooq li kaxlanwa.

Jeremías 12:6

A'aneb' ajwi' laawas aawiitz'in, eb' laawech'alal xe'b'alaq'ink aawe ut nakate'xhob' chirix aajolom. Maak'ojob' aach'ool chirixeb' naq nakate'raatina rik'in ch'ina'usil aatin.

Jeremías 12:1

At Qaawa', naq ninwech'ok aawik'in, laa'at junelik tiik aach'ool; ab'anan nawaj xpatz'b'al aawe li na'leb' a'in: K'a'ut naq jwal us neke'elk li ink'a' useb' xch'ool ut sa wankeb' li neke'b'alaq'ink?

Santiago 4:4

Ex aj muxul paab'aal! Ma ink'a' nekenaw naq li wank sa' usilal rik'in li ruuchich'och', a'an wank sa' raaxiik' rik'in li Yos? Yalaq ani naraj wank sa' usilal rik'in li ruuchich'och', tixk'e rib' sa' raaxiik' rik'in li Yos.

Malaquías 2:11

Eb' laj Judá xe'xb'alaq'i li Qaawa', ut junes tz'i'b'eetalil b'aanuhom na'uxmank Israel ut Jerusalén. Xb'aan naq eb' laj Judá xe'xmux xloq'al li ochoch jwal raaro xb'aan li Yos, naq xe'sumlaak rik'ineb' li ixq neke'loq'onink ru jalanil yos.

Sofonías 3:4

Eb' li xpropeeteb' naxik xb'een neke'xye, aj b'alaq'eb' ut aj tik'ti'eb'. Eb' laj tij neke'xmux li loq'laj na'ajej ut neke'xsach xwankil li xchaq'rab' li Yos.

Oseas 6:7

“Ab'anan jo' kixb'aanu laj Adán, jo'kan ajwi' naq kixb'aanu lintenamit: kixq'et linsumwank ut ink'a' kinxpaab'.

Oseas 5:7

Xe'xtz'eqtaana li Qaawa' ut xe'xsiya eb' li yal sik'b'il k'uula'al. Jo'kan naq chiru jun po te'sache'q ru rochb'eeneb' li rawimqeb'.

Jeremías 5:11

Laj Israel ut laj Judá relik chi yaal naq xine'xtz'eqtaana”, chan li Qaawa'.

Jeremías 13:22

Ut wi taaye sa' laach'ool: «K'a'ut naq nink'ul chi jo'ka'in?», chanawaq naq xb'aan laak'iila maa'usilal yookat chi xk'ulb'al a'an; jo'kan naq xe'risi laawaq' chawix ut xate'xmux.

Miqueas 6:12

Chixjunileb' li b'ihom sa' li tenamit a'in aj rahob'tesineleb'; ut eb' li tenamit aj tik'ti'eb' ut aj b'alaq'eb'.

Malaquías 2:14

Ut chirix a'an toj nekeye: “K'a'ut naq ink'a' naxk'ul qamayej li Qaawa'?”, chankex. A'in nak'ulmank xb'aan naq li Qaawa' jultik re li aatin kaye re laawixaqil katsumlaak wi' sa' laasaajilal, ut anaqwan xab'alaq'i. A'an tz'aqal laawochb'een, laasum'aatin li kayeechi'i wi' laasumwanjik!

Jueces 2:10

Ke'kamk ajwi' chixjunileb' li rech yu'amileb' laj Josué; ke'q'ajk ke'sutq'iik rik'ineb' li xxe'xtooneb', ut jalaneb' chik ke'yo'laak chirixeb' a'an: ink'a' neke'xnaw ru li Qaawa' chi moko xnawomeb' li kilajxb'aanu sa' xk'ab'a'eb' laj Israel.

Isaías 59:3

Xb'aan naq nujenaq chi kik' leeruq' ut k'ajo' li raaxiik' nekeb'aanu; junes tik'ti' nekeye ut yib' aj aatin wank chi xtz'uumal eere.

Jeremías 4:22

“Maak'a' xna'leb' lintenamit, ink'a' naxnaw wu -chan li Qaawa'-. Jipeb' ut maak'a' xk'a'uxeb'. K'ajo' xna'leb'eb' chi b'aanunk maa'usilal, ab'an maak'a' neke'xnaw chirix li chaab'ilal”.

Jeremías 5:1

“B'eenihomaq eb' li b'e re Jerusalén -chan li Qaawa'-, ilomaq chi us ut k'ehomaq reetal. Sik'omaq sa'atqeb' li ruq' b'e re rilb'al ma teetaw junaq winq li nab'aanunk li tiikilal ut naxsik' li yaal; ut tinkuy raj xmaak Jerusalén.

Jeremías 5:2

Wankeb' neke'xpatz' xk'ab'a' li Qaawa' sa' jurament, ab'anan moko neke'xb'aanu ta li neke'xye”.