Jeremías 9:19 - Q'eqchi Bible

¹⁹ Chalen chaq Sión na'ab'iik li rahil ch'oolejil: “Toq'ob' qu, k'ajo' naq yo qarahob'tesinkil! Relik chi yaal naq xookanab'aak sa' xutaan: xoo'isiik sa' li qatenamit ut li qochoch xkanaak chi po'lem”.

Li Santil hu

¹⁹ Toj aran Sión na-abi̱c li ya̱bac xban nak xo-osoꞌ. Numtajenak li kaxuta̱n xban nak tento nak takacanab li kanaꞌaj. Ut eb li kochoch juqꞌuinbil chic, chanqueb.

Jeremías 9:19 ပူးပေါင်းရင်းမြစ်များ

Jeremías 4:13

Ilomaq, eb' li xik' neke'ilok re li tenamit yookeb' chi chalk jo'eb' li choql; li xkaareb' a'an chanchaneb' li kaqsut-iq' chi chalk, ut eb' li kawaay neke'aanilak chi kaw chanchan xseeb'aleb' li t'iw. Q'axal toq'ob'aal qu xb'aan naq oso'k qe.

Deuteronomio 28:29

tatb'eeq chi yal taamaayusi aj chik laab'e tuqtu wa'leb' re li kutan, kama' li mutz' yal naxmaayusi li xb'e sa' q'oqyink, ut moko tatwulaq ta b'arwi' xik taawaj. Wanqat chi yal k'uul aj chik aawu ut maq'b'ilaq chixjunil li k'aru aawe chiru chixjunil laayu'am, chi maajun taakoloq malaj taatenq'anq aawe.

Miqueas 2:10

Xaqlinqex ut ayuqex! Li na'ajej a'in maawa' re hilank: xb'aan li maa'usilal x'uxmank arin, taasachmanq chi junajwa.

Miqueas 2:4

Sa' li kutan a'an taab'ichamanq eere jun li b'ich re rahil ch'oolejil. Te'xye eere: «Xoosache'k chi junajwa. Li qatenamit, li reechanihom li Qaawa', jalan chik laj eechal re anaqwan, ut maajun xramok re. Xjek'iik li qach'och' chirixeb' li xe'eechanink qe», cha'qeb' eere”.

Lamentaciones 5:2

Anaqwan chixjunil li qeechanihom xq'axonk sa' ruq'eb' laj ab'l tenamit; ut eb' li qochoch, jalan chik x'eechanink re.

Lamentaciones 4:15

“Elenqex, ayuqex -chu'uxk reheb'-; muxb'il ruheb', meech'e'eb'!”. “Aj b'eeneleb' ut yookeb' chi elelik. Maajoq'e naru te'wanq arin”, chankeb' li maak'a'eb' xpaab'aal.

Jeremías 4:20

Sa' riiqaj rib' xchalk li rahilal sa' inb'een, ut chixjunil li tenamit xjuk'mank. Sa' junpaat xe'juk'e'k li qochoch ut xookanaak chi maak'a' chik qamuheb'aal.

Jeremías 2:14

“Ma aj muneb' tab'i' eb' laj Israel? Ma xe'yo'laak tab'i' re wank cho'q aj tawasinb'il k'anjel? K'a'ut naq yo xrahob'tesinkileb' anaqwan?

Levítico 20:22

“Paab'omaq chixjunil linchaq'rab' ut lintaqlahom, ut k'anjelahomaq ru chixjunil. Chi jo'kan ink'a' tex'isiiq sa' li na'ajej li texink'am wi' laa'in.

Levítico 18:28

Chi jo'kan ink'a' tex'isiiq sa' li tenamit xb'aan xmuxb'al ru, kama' naq ke'isiik li ke'wank xb'enwa cheru laa'ex.

Levítico 18:25

Jo'kan naq xkanaak chi muxb'il ru li xna'ajeb' a'an. Ab'an laa'in xink'eheb' chi xtojb'al rix li xmaa'usilaleb', ut li tenamit xrisiheb' li wankeb' sa' li na'ajej a'an.

Jeremías 7:15

Texwisi chi xnaq' wu jo' kinb'aanu junxil reheb' li ralal xk'ajoleb' laj Efraín, leerech'alal».

Jeremías 7:19

Ma laa'in tab'i' yookeb' chinmajewankil? Ma ink'a' tab'i' a'aneb' ajwi' neke'xmajewa rib' ut chi jo'kan neke'xk'ut xxutaaneb'?

Jeremías 7:29

At Jerusalén, set li rismal laajolom ut kut chi najt. Ayu chi yaab'ak sa' xb'eeneb' li t'ojoch aj b'ool. Xb'aan naq li Qaawa' yo xjosq'il rik'ineb' laakomonil; xtz'eqtaanaheb' ut xkanab'eb' xjunes chi junajwa.

Jeremías 15:1

Li Qaawa' kixye we: “Us ta tole'xxaqab' rib' chiwu laj Moisés ut laj Samuel chi tz'aamank chirix li tenamit a'in, laa'in ink'a' twuxtaana ruheb'. Ye reheb' naq elqeb' chiwu ut xikaqeb' chi najt.

Isaías 32:9

Ex ixq li maak'a' nekek'oxla, xaqlinqex ut ab'ihomaq li ok we chi xyeeb'al eere. Ex ixq li k'ojk'o eech'ool anaqwan, ab'ihomaq li waatin.

Ezequiel 27:2

“At kaamel winq, b'icha li rahil b'ich a'in chirix Tiro,