Jeremías 9:16 - Q'eqchi Bible

¹⁶ Tincha'cha'iheb' sa'atqeb' li tenamit, li ink'a' xnawom ruheb' a'an chi moko xnawom ruheb' li xna' xyuwa'eb'; ut tink'eheb' chi kamsiik chi q'esnal ch'iich' toj reetal te'sache'q ru chixjunileb'”.

Li Santil hu

¹⁶ Tinjeqꞌuiheb ru saꞌ eb li jalan tenamit li ma̱ jun sut xnauhomeb, chi moco lix naꞌ xyucuaꞌeb. Ut la̱in tinqꞌueheb chi a̱lina̱c riqꞌuin chꞌi̱chꞌ toj retal ma̱ jun chic teꞌcana̱k saꞌ li tenamit.

Jeremías 9:16 ပူးပေါင်းရင်းမြစ်များ

Ezequiel 5:12

Jun rox jachaleb' laapoyanam, a Jerusalén, te'kamq xb'aan li raxkamk ut li we'ej; li jun rox jachal chik te'kamsiiq chi ch'iich' chasutam xb'aaneb' li xik' neke'ilok aawe, ut li rox jachal chik tincha'cha'iheb' junsut junrub'el choxa. Ut laa'in twaanilasiheb' chi ch'iich'.

Ezequiel 5:2

Jun jachal laawismal taak'at sa' xyi li tenamit naq taaraqe'q xsutb'al rix Jerusalén. Li jun jachal chik taaxok ut taaseti chi ch'iich' chi junqre li tenamit; ut li rox jachal taakut sa' iq'. Toja' naq laa'in twaanilasiheb' chi ch'iich' eb' li poyanam.

Deuteronomio 28:64

Li Qaawa' tatxcha'cha'i yalaq b'ar sa' chixjunileb' li tenamit, chalen chaq sa' jun xmaril li ruuchich'och' toj sa' xraqik junpak'al, ut aran tatk'anjelaq chiruheb' jalanil yos, yiib'anb'ileb' rik'in che' ut pek, eb' li ink'a' aanawom ru laa'at chi moko laana' laayuwa'.

Levítico 26:33

Texincha'cha'i laa'ex sa' xyanqeb' li tenamit ut texwaanilasi rik'in q'esnal ch'iich'. Leena'aj taasutq'iiq cho'q chaqich'och', ut eb' leetenamit tinkanab'eb' cho'q po'lem.

Jeremías 44:27

K'ehomaq reetal naq yooqin rilb'aleb' re xtaqlankil li rahilal sa' xb'eeneb' ut maawa' re rusilankileb'. Chixjunileb' laj Judá li wankeb' sa' xteepal Ejiipt te'sache'q ru xb'aan li raaxiik' ut li we'ej, toj reetal naq maajun chik tkanaaq.

Jeremías 13:24

Jo'kan utan texincha'cha'i jo' li k'im naq nak'ame'k xb'aan li iq' nachalk sa' li chaqich'och'.

Santiago 1:1

Laa'in laj Santiago, xmoos li Yos ut xmoos li Qaawa' Jesukriist, nintaqla xsahil xch'ooleb' li kab'laju teep chi tenamit xcha'cha'ihomeb' rib' yalaq b'ar.

Zacarías 7:14

Jo'kan naq kincha'cha'iheb' sa' chixjunileb' li tenamit ink'a' xnawomeb' ru, ut li na'ajej li ke'elk wi' kisache'k ut maajun chik naru nawank aran. Nakirirnak aj chik kikanaak li chaab'il ch'och' a'in”.

Ezequiel 20:23

Sa' ajwi' li chaqich'och' kinye injurament naq tincha'cha'iheb' sa' xyanq chixjunileb' li tenamit sa' ruuchich'och'.

Ezequiel 14:17

“Ut wi tintaqla chaq li raaxiik' sa' li tenamit a'an ut tinye naq te'kamsiiq eb' li winq ut eb' li xul,

Ezequiel 12:15

Ut te'xnaw naq laa'in li Qaawa', naq twaanilasiheb' ut tincha'cha'iheb' sa' xyanqeb' li jalanil tenamit sa' ruuchich'och'.

Ezequiel 11:17

Ye ajwi' reheb': «Jo'ka'in naxye li Qaawa': Laa'in tinxokoq chaq eere sa'atqeb' li tenamit; texinch'utub' chaq sa'atqeb' li na'ajej xexincha'cha'i wi' ut tink'e chereechani li tenamit Israel.

Jeremías 29:17

«Laa'in, li Nimajwal Yos, ninye eere: Tintaqla chaq li raaxiik', li we'ej ut li raxkamk sa' eeb'een, ut texinkanab' jo'qeb' li q'eenaq iig, li ink'a' chik naru xtzekankil xb'aan xq'eenaqil.

Jeremías 25:27

Chirix chik a'an kixye we li Qaawa': “Jo'ka'in xye li Nimajwal Yos, li xYos laj Israel: Chex'uk'aq, chexkalaaq ut chexa'waaq eerib'. Text'ane'q chiru ch'och' toj reetal naq ink'a' chik texruuq chi wakliik, xb'aan li raaxiik' li tintaqla chaq sa' eeb'een.

Jeremías 24:10

Tintaqla sa' xb'eeneb' li raaxiik', li we'ej ut li raxkamk, toj reetal te'oso'q sa' li na'ajej ink'ehom reheb' a'an ut reheb' li xxe'toonil yuwa'”.

Salmos 106:27

tixcha'cha'iheb' li ralal xk'ajol sa' xyanqeb' li tenamit, ut tixsachb'esiheb' sa' xyanqeb' li poyanam.

Nehemías 1:8

Chakuy inmaak, jultikaq aawe li k'aru kayeechi'i re laj Moisés: «Wi teeq'et li waatin, laa'in texincha'cha'i sa' xyanqeb' li tenamit.

Deuteronomio 32:26

“Xb'enwa xink'oxla xcha'cha'inkileb' ut xsachb'al li xk'ab'a'eb' junsut junrub'el choxa.

Deuteronomio 28:36

“Li Qaawa' tatxk'am laa'at ut laa'awab'ej sa' jun li tenamit b'arwi' laa'at chi moko laana' laayuwa' nanawok re, ut aran tatk'anjelaq chiruheb' jalanil yos, yiib'anb'ileb' rik'in che' ut pek.

Deuteronomio 28:25

Li Qaawa' tixk'e naq eb' li xik' neke'ilok aawe te'xq'ax aawu: sa' jun ruq'b'e toxaak'uleb' ut sa' wuqub' chik ruq'b'e tat-eleliq chiruheb', ut laa'at xiwajelaqat chiruheb' chixjunil li awab'ejilal sa' ruuchich'och'.

Deuteronomio 4:27

Li Qaawa' texxcha'cha'i sa' xyanqeb' li tenamit ut yal ink'a' chik k'i texkanaaq sa' xyanqeb' li tenamit texxk'am wi' li Qaawa'.

Jeremías 8:19

Yalaq b'ar na'ab'imank li xyaab'eb' lintenamit: “Ma maa'ani chik li Qaawa' aran Sión? Ma maak'a' chik li awab'ej aran?”, chankeb'. Ut li Qaawa' kichaq'ok ut kixye rehab': “K'a'ut naq xe'xchiq' injosq'il xb'aaneb' li xjalanil yoseb', li maak'a' neke'ok wi' chi moko nawb'ileb' ru”, chan.

Eclesiastés 12:5

Ut laa'at tatxiwaq chi wank sa' jun li na'ajej najt xteram, ut yooq aaxiw naq tatb'eeq. Naq taachalq li kutan a'an, taa'atz'umaq li almeendr, laj saak tixkelo rib' xb'aan xcheekal, ut maak'a' chik xk'anjel li sahil q'een. Xb'aan naq yookat chi xik sa' li na'ajej tatkanaaq wi' chi junelik. K'e reetal, sa' li b'e ak yo chi ab'iik xyaab'eb' li neke'huyhutk chi yaab'ak xb'aan laakamik.

Jeremías 7:29

At Jerusalén, set li rismal laajolom ut kut chi najt. Ayu chi yaab'ak sa' xb'eeneb' li t'ojoch aj b'ool. Xb'aan naq li Qaawa' yo xjosq'il rik'ineb' laakomonil; xtz'eqtaanaheb' ut xkanab'eb' xjunes chi junajwa.

Ezequiel 27:2

“At kaamel winq, b'icha li rahil b'ich a'in chirix Tiro,

Amós 5:16

Jo'kan naq li Qaawa', li Nimajwal Yos, kixye chi jo'ka'in: “Taawanq yaab'ak sa' chixjunileb' li k'ayiil, ut sa'atqeb' li b'e taawanq tz'uyink xb'aan li rahilal. Te'b'oqmanq chi yaab'ak eb' laj k'aleb'aal ut te'b'oqe'q chi q'oqonk li tojb'ileb' chi yaab'ak;

Miqueas 2:4

Sa' li kutan a'an taab'ichamanq eere jun li b'ich re rahil ch'oolejil. Te'xye eere: «Xoosache'k chi junajwa. Li qatenamit, li reechanihom li Qaawa', jalan chik laj eechal re anaqwan, ut maajun xramok re. Xjek'iik li qach'och' chirixeb' li xe'eechanink qe», cha'qeb' eere”.