Jeremías 9:15 - Q'eqchi Bible

¹⁵ Jo'kan naq laa'in, li Nimajwal Yos, li xYos laj Israel, ninye chi jo'ka'in: Tink'eheb' chi xtzekankil li ch'am aj tzekemq ut tink'eheb' chi uk'ak li ha' nakamsink.

Li Santil hu

¹⁵ Joꞌcan nak la̱in li nimajcual Dios, lix Dioseb laj Israel, tinqꞌue li raylal saꞌ xbe̱neb. Chanchan nak tinqꞌue chixtzacaheb li cꞌahil tzacae̱mk. Ut chanchan tinqꞌue li haꞌ li banbil xsaꞌ chiruqꞌueb.

Jeremías 9:15 ပူးပေါင်းရင်းမြစ်များ

Jeremías 8:14

Ut eb' li tenamit te'xye: “K'a'ut naq xaqxooko xaq arin? Qach'utub'aq qib', okaqo sa' li kawub'resinb'il na'ajej ut kamqo aran. Li Qaawa', li qaYos, xooxkanab' chi kamk, xooxk'e chi uk'ak ha' nakamsink, xb'aan naq xoomaakob'k ut xqaq'etq'eti qib' chiru.

Lamentaciones 3:15

Li Qaawa' xinxnujob'resi chi rahil ch'oolej; k'ajo' xk'ahil li ha' xk'e chi wuk'.

Salmos 80:5

At qaNimajwal Yos, jo' najtil chik yooq laajosq'il sa' qab'een, sa' xb'een laatenamit li yo chi tz'aamank chawu?

Jeremías 23:15

Jo'kan naq laa'in li Nimajwal Yos ninye chirixeb' li propeet: Tink'e junaq tzekemq rayre chi xtzekaheb' ut tink'e reheb' li ha' b'anb'il ru re kamsink, xb'aan naq xnumtaak li xmaa'usilaleb' li propeet aj Jerusalén ut xpuka rib' yalaq b'ar”.

Apocalipsis 8:11

Li xk'ab'a' li chahim a'an K'a. Li rox jachal chixjunileb' li ha' ke'k'aho'k ut naab'aleb' li tenamit ke'kamk xb'aaneb' li ha', xb'aan naq ke'k'aho'k.

Lamentaciones 3:19

Najultiko'k we linneb'a'il ut linjunaatalil, naq junes rahil ch'oolej ut xyot'ik li waanm nink'ul.

Jeremías 25:15

Li Qaawa', li xYos laj Israel, kixye we: “K'ul li sek' a'in, nujenaq chi b'iin, reetalil linjosq'il, ut k'e chi ruk'eb' chixjunileb' li tenamit b'arwi' tatintaqla.

Isaías 2:22

Jo'kan naq meek'ojob' chik eech'ool chirix li winq li yal jun k'amok ajwi' li xmusiq': k'aru na'ok wi' a'an?

Isaías 2:17

Eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil; chixjunileb' li jalanil yos te'juk'manq, ut ka'aj chik li Qaawa' taanimaaq ru sa' li kutan a'an.

Salmos 75:8

a' li Qaawa' laj raqol aatin: jun ta tixsach xwankil, ut jun ta chik tixk'e xloq'al.

Salmos 69:21

Q'axal nayot'e'k li waanm xb'aan naq nikine'xhob': kach'in aj chik maa ninkamk. Nawoyb'eni uxtaanaak, ab'an ink'a' nintaw; nawoyb'eni junaq aj k'ojob'anel ch'ool, ab'an maajun junaq nintaw.

Salmos 60:3

At Qaawa', xatjosq'o'k sa' qab'een, xoohaatz'eqtaana ut xoohaajuk'; choohaawaklesi wi' chik anaqwan!

Deuteronomio 29:18

Miwank sa' eeyanq winq malaj ixq, junkab'al malaj teep, li tixkanab' li Qaawa' leeYos ut tixloq'oni ru li xyoseb' li tenamit a'an. Miwank sa' eeyanq xtoonal li k'ahil pim li wank xmay nakamsink.

Deuteronomio 28:36

“Li Qaawa' tatxk'am laa'at ut laa'awab'ej sa' jun li tenamit b'arwi' laa'at chi moko laana' laayuwa' nanawok re, ut aran tatk'anjelaq chiruheb' jalanil yos, yiib'anb'ileb' rik'in che' ut pek.

Jeremías 24:10

Tintaqla sa' xb'eeneb' li raaxiik', li we'ej ut li raxkamk, toj reetal te'oso'q sa' li na'ajej ink'ehom reheb' a'an ut reheb' li xxe'toonil yuwa'”.

Jeremías 44:27

K'ehomaq reetal naq yooqin rilb'aleb' re xtaqlankil li rahilal sa' xb'eeneb' ut maawa' re rusilankileb'. Chixjunileb' laj Judá li wankeb' sa' xteepal Ejiipt te'sache'q ru xb'aan li raaxiik' ut li we'ej, toj reetal naq maajun chik tkanaaq.

Jeremías 49:37

Tink'eheb' chi xiwak eb' laj Elam chiruheb' li xik' neke'ilok reheb', a'eb' li neke'ajok xkamsinkileb'; ut tink'am chaq li rahilal sa' xb'eeneb', a' li xxamlel linjosq'il -chan li Qaawa'-.

Ezequiel 5:2

Jun jachal laawismal taak'at sa' xyi li tenamit naq taaraqe'q xsutb'al rix Jerusalén. Li jun jachal chik taaxok ut taaseti chi ch'iich' chi junqre li tenamit; ut li rox jachal taakut sa' iq'. Toja' naq laa'in twaanilasiheb' chi ch'iich' eb' li poyanam.

Ezequiel 5:12

Jun rox jachaleb' laapoyanam, a Jerusalén, te'kamq xb'aan li raxkamk ut li we'ej; li jun rox jachal chik te'kamsiiq chi ch'iich' chasutam xb'aaneb' li xik' neke'ilok aawe, ut li rox jachal chik tincha'cha'iheb' junsut junrub'el choxa. Ut laa'in twaanilasiheb' chi ch'iich'.