Jeremías 9:12 - Q'eqchi Bible

¹² Ani tz'aqal wank xna'leb' chi xtawb'al ru a'in? Ani x'aatinaak xb'aan li Qaawa'? Xyehaq anaqwan. K'a'ut naq x'oso'k li qana'aj ut xkanaak jo' li chaqich'och', chi maajun chik nanume'k aran?

Li Santil hu

¹² ¿Ani ta biꞌ ta̱ru̱k tixtau ru cꞌaꞌru xya̱lal li yo̱ chi cꞌulma̱nc? ¿Ma cuan ta biꞌ junak quiqꞌueheꞌ xnaꞌleb xban li Ka̱cuaꞌ re ta̱ru̱k tixchꞌolob xya̱lal? ¿Cꞌaꞌut nak quisach ru li naꞌajej aꞌin? Chanchan chic li chaki chꞌochꞌ quicana. Ut ma̱ ani chic nanumeꞌ aran, chan laj Jeremías.

Jeremías 9:12 ပူးပေါင်းရင်းမြစ်များ

Oseas 14:9

Eb' li wankeb' xna'leb' ut li seeb'eb' xch'ool che'xnawaq xyaalal a'in: Tiik xb'e li Qaawa', ut a'an neke'xtaaqe li tiikeb' xch'ool; a'ut eb' laj maak neke'tichk'ok aran.

Salmos 107:43

Wi wank junaq li wank xna'leb', chixk'uulahaq sa' xch'ool chixjunil a'in ut chixtawaq ru li xnimal xrahom li Qaawa'!

Salmos 107:34

Naxkanab' li chaab'il ch'och' cho'q pek atz'am, xb'aan li xmaa'usilaleb' xch'ool li winq wankeb' aran.

Deuteronomio 32:29

Wi ta wank xna'leb'eb', te'xtaw raj ru, te'xk'e raj reetal k'aru te'oso'q wi'.

Apocalipsis 1:3

Us xaq re li taa'iloq re xsa' li hu a'in. Us xaq reheb' li te'ab'inq re li raatin propeet a'in ut te'xk'e xch'ool chirix li tz'iib'anb'il arin, xb'aan naq li xq'ehil nach' chik wank.

San Mateo 24:15

“Jo'kan utan, naq teeril li xnimal tz'i'b'eetalil yeeb'il chaq xb'aan li propeet Daniel yooq sa' li santil na'ajej (li na'ilok ru hu chixtawaq xyaalal),

Ezequiel 14:23

Taak'ojlaaq leech'ool naq teenaw chanru li xna'leb'eb' ut teeril li xyehom ut xb'aanuhomeb'. Toja' naq teenaw naq moko maak'a' ta xyaalal naq xinrahob'tesi Jerusalén. Laa'in, li Qaawa', xinyehok re a'in”.

Isaías 42:23

Ani eere taa'ab'inq re a'in? Ani tixk'e xch'ool chi rab'inkil li taak'ulmanq moqon?

Jeremías 9:20

Ex ixq, ab'ihomaq li raatin li Qaawa'; k'uulahomaq sa' leech'ool li aatin na'elk chi xtz'uumal re. Tzolomaqeb' leeko' rik'in li b'ich a'in re rahil ch'oolejil ut tzolomaqeb' ajwi' leeramiiw ixq chi jo'ka'in:

Jeremías 23:10

Nujenaq li tenamit chi aj muxuleb' sumlaak; junes maa'usilal naxik wi' xch'ooleb' li poyanam, ut neke'roksi li xwankileb' chi xb'aanunkil li ink'a' us. Jo'kan naq majewanb'il li ruuchich'och' xb'aan li Qaawa'; xe'chaqik li ha' ut xk'ate'k li pim sa' li chaqich'och'.

Jeremías 23:16

Jo'ka'in kixye li Nimajwal Yos: “Ex aj Israel, meepaab' li neke'xye eere eb' li propeet, xb'aan naq yal yookeb' cheb'alaq'inkil: junes tik'ti' neke'xye, yal k'oxlanb'il xb'aaneb' a'an. Moko xin'aatinak ta rik'ineb' laa'in.

Jeremías 23:22

Wi ta neke'xnaw k'aru ink'uub'ahom, a' raj lintenamit koheb' wi' chi xyeeb'al li waatin; a'aneb' raj li ke'sutq'isink reheb' wik'in re naq te'xkanab' xb'aanunkil li maa'usilal.

Jeremías 23:28

Wi junaq propeet xmatk'ek, xyehaq naq a'an jun matk'; ab'an li ani xk'ulum li waatin, xyehaq chi tz'aqal re ru. Ink'a' naru xjuntaq'eetankil li roq li triiw rik'in li ru. Li waatin a'an chanchan li xam, kama' li tenleb' li naxk'aji li pek -chan li Qaawa'-.

Joel 1:11

Chimayoq eech'ool, ex aj awinel, yaab'anqex laa'ex li nekex'awok uub', xb'aan naq maak'a' chik li triiw ut li seb'aad, x'oso'k chixjunil li awimq sa'eb' li k'aleb'aal.

Sofonías 3:6

Jo'ka'in xye li Qaawa': “Xinsach ruheb' li tenamit, xinjuk'eb' li najt xteramil ochoch; nakirirnak xinkanab'eb' li b'e, chi maajun chik nanume'k aran. Xsache'k chixjunil li na'ajej ut maak'a' chik yu'am aran.

Oseas 4:10

Te'tzekanq, ab'an ink'a' te'k'ojlaaq xch'ool; te'ko'b'eetaq, ab'an ink'a' te'alanq. Xb'aan naq xe'xkanab' k'anjelak chiru li Qaawa' ut a' chik li ko'b'eetak xe'xb'aanu.