Jeremías 9:11 - Q'eqchi Bible

¹¹ “Jun tuub' chi pek tinsutq'isi wi' Jerusalén, cho'q xna'ajeb' laj xojb'; nakirirnak tinkanab' chixjunileb' li tenamit sa' xteepal Judá ut maajun chik taakanaaq chisa'”.

Li Santil hu

¹¹ Li Ka̱cuaꞌ quixye: —La̱in tinsach ru li tenamit Jerusalén. Jucꞌbil chic ta̱cana̱k chixjunil. Ta̱cana̱k chokꞌ xnaꞌajeb laj xoj. Chanchan chaki chꞌochꞌ teꞌcana̱k eb li tenamit li cuanqueb Judá. Ma̱ ani chic ta̱ru̱k ta̱cua̱nk saꞌ li naꞌajej aꞌan, chan li Ka̱cuaꞌ.

Jeremías 9:11 ပူးပေါင်းရင်းမြစ်များ

Isaías 25:2

Xakok'putz'i li tenamit, ut eb' li kawub'resinb'il na'ajej po'lem xakanab'. Xajuk' li rochocheb' li xik' neke'ilok qe ut maahoon wulaj chik taakab'laaq.

Jeremías 51:37

ut li tenamit a'an taakanaaq jo' jun tuub' chi pek, cho'q xna'ajeb' laj xojb', tz'eqtaananb'ilaq ut xiwajelaq rilb'al; ut maajunaq poyanam taawanq chisa'.

Jeremías 10:22

Ab'ihomaq li esil a'in ut k'ehomaq reetal. chalk re jun nimla choqink, tz'aapixik rab'inkil; chalk chaq re sa' xjayal releb'l iq'. Chixjunileb' li tenamit sa' xteepal Judá te'sache'q ru ut te'kanaaq chi po'lem, cho'q xna'ajeb' laj xojb'.

Isaías 34:13

Pajl taak'iiq sa'eb' li xchaq'alil ru ochoch re Edom; warak'ix ut k'aamla te'yo'laaq sa'eb' li kawub'resinb'il ochoch. A'anaq chik xna'ajeb' laj xojb' ut rochocheb' laj tak' ra'.

Isaías 13:22

Eb' li sakol jaapaq reheb' sa'eb' li ochoch najteb' xteram, ut eb' li ch'ina'usil kab'l wanqeb' laj xojb' chisa'. Li xhonalil li xsachik Babilonia ak xnach'ok chaq, yal ajlanb'il kutan aj chik taa'oso'q wi' li tenamit”.

Miqueas 3:12

Jo'kan utan, eemaak laa'ex naq Sión kama'aq chik li k'aleb'aal re awk, ut Jerusalén taakanaaq cho'q po'lem, ut taak'iche'o'q li xna'aj li rochoch li Yos.

Lamentaciones 3:47

X'ok qaxiw, nokoosiksotk, xjuk'e'k li qawankil ut xoosache'k: a'an a'in li k'aru xootz'aqk.

Lamentaciones 2:2

Li Qaawa' xjuk'i chixjunileb' li xmuheb'aal laj Jakob; ink'a' xril xtoq'ob'aal ruheb' li kawub'resinb'il tenamit wankeb' sa' xteepal Judá, ut xkuteb' chi ch'och'el. Xsach xwankil li awab'ej ut eb' li xninqal ru winq.

Jeremías 34:22

Laa'in tinsutq'isiheb' chaq wi' chik ut te'chalq chi xsachb'al Jerusalén; te'reechani ut te'xk'e xxamlel. Ut nakirirnak te'kanaaq chixjunileb' li tenamit sa' xteepal Judá ut maajun chik poyanam taawanq chisa'”, chan li Qaawa'.

Jeremías 26:18

“Chiru xyu'amil laj Esekías, awab'ej re Judá, laj Mikeas aj Moréset ki'aatinak sa' xk'ab'a' li Qaawa' naq kixye reheb' chixjunil li tenamit: «Jo'ka'in xye li Nimajwal Yos: Sión kama'aq chik li k'aleb'aal re awk, ut Jerusalén taakanaaq cho'q po'lem, ut taak'iche'o'q li xna'aj li rochoch li Yos».

Jeremías 25:11

Chixjunil li na'ajej a'in taasachmanq ut putz'inb'il taakanaaq. Ut chiru lajeeb' xkaak'aal chihab' chixjunileb' te'k'anjelaq chiru li awab'ej re Babilonia.

Salmos 79:1

Xsaalm laj Asaf. At Qaawa', eb' li poyanam xe'okje'k sa' laach'och', xe'xmux ru laaloq'laj ochoch, xe'xkanab' chi po'lemil laatenamit Jerusalén.

Miqueas 6:16

Xb'aan naq xapaab' li xchaq'rab' laj Omrí, ut xab'aanu li neke'xb'aanu eb' li ralal xk'ajol laj Ajab; xatzol aawe jo' chanru xna'leb'eb' a'an. Jo'kan naq tatinrahob'tesi, ut eb' laapoyanamil tink'eheb' cho'q se'leb'aal; ut aamaak laa'at xutaanal wanqeb' lintenamit”.

Miqueas 1:6

Jo'kan naq li Qaawa' xye chi jo'ka'in: “Li tenamit Samaria tinkanab' chi po'lemil, jo' junaq na'ajej re rawb'al li uub'. Chixjunileb' li xpekul li tenamit tinpaji sa'eb' li taq'a ut tinkanab' chiru iq' li rub'elankil.

Jeremías 26:9

K'a'ut naq xaye sa' xk'ab'a' li Qaawa' naq li ochoch a'in taakanaaq jo' Siló, ut Jerusalén taajuk'manq chi maajun chik poyanam taakanaaq chisa'?”. Ut chixjunileb' li poyanam ke'xtuub' rib' sa' rochoch li Yos chi xsutb'al laj Jeremías.

Jeremías 25:18

Kink'e chi ruk'eb' laj Jerusalén, eb' laj Judá, jo'wi' kink'e reheb' li awab'ej ut eb' li xninqal ru winq, re xsachb'al ruheb' ut xkanab'ankileb' chi kok'putz' chi junajwa ut chi xiwajelaq rilb'al, chi tz'eqtaananb'ilaqeb' ut majewanb'ilaqeb', jo' wankeb' chalen toj anaqwan.

Isaías 44:26

Ab'an ninxaqab' xwankil li raatineb' laj k'anjel chiwu ut ninb'aanu naq us te'elq eb' lintaql. Laa'in ninye naq taatenamito'q wi' chik Jerusalén, ut ninjultika naq eb' li tenamit sa' xteepal Judá te'waklesiiq wi' chik. Laa'in tinwaklesinq reheb' sa' li xpo'lemil.

Nehemías 4:2

ut xyeeb'al chiruheb' li xkomon jo'wi' chiruheb' laj puub' re Samaria: “K'aru te'raj xb'aanunkil eb' aj Judiiy a'an li maak'a'eb' xmetz'ew? Ma te'xchoy tab'i' xyiib'ankil li tz'ak ut xyeechi'inkil xmayejeb' chiru jun kutan? Ma te'xyoob'tesi tab'i' eb' li k'atb'il pek a'an li wankeb' sa' jun tuub' chi juk'inb'il ochoch?”.

Apocalipsis 18:2

Kixjap re chi kaw xyaab' xkux: “Xt'ane'k, ak xt'ane'k li nimla tenamit Babilonia. Xkanaak cho'q xna'ajeb' li maa'us, cho'q xtz'alam chixjunileb' li tz'ajn aj musiq'ej, xtz'alameb' chixjunil li xik'anel xul tz'ajeb' ru ut tz'eqb'eetaleb'.

Levítico 26:32

“Nakirirnak li ch'och' tinkanab', ut eb' li xik' neke'ilok eere li te'chalq chi wank aran, te'sachq xch'ool.

Salmos 44:19

Ink'a' xoosutq'iik chiqix re aakanab'ankil, chi moko xoo'elk ta sa' laab'e re aatz'eqtaanankil.

Jeremías 1:15

Tikto tinb'oqeb' chaq chixjunileb' li tenamit li wankeb' chaq sa' xjayal releb'l iq' -chan li Qaawa'-. Ut eb' li x'awab'ejeb' tole'xk'ojob' li xk'ojarib'aal tz'aqal sa' rokeb'aal Jerusalén, ut chirixatq li suttz'ak sutsuukeb' wi' li tenamit sa' xteepal Judá.

Jeremías 4:27

Jo'ka'in kixye li Qaawa': “Chixjunil li ruuchich'och' taasachmanq, ab'an moko taa'oso'q ta chixjunil.

Jeremías 44:2

“Jo'ka'in xye li Nimajwal Yos, li xYos laj Israel: «Laa'ex xeril rik'in leeru chixjunil li rahilal kinb'aanu re Jerusalén ut sa' chixjunileb' li tenamit sa' xteepal Judá. Anaqwan po'lem aj chik, maajun chik wank aran,

Jeremías 49:33

Li tenamit Jasor taakanaaq chi junajwa cho'q xna'ajeb' laj xojb' ut taajoxk'ch'och'o'q. Maajun chik poyanam taawanq sa' li na'ajej a'an chi moko taa'uxq chik nume'k aran”.

Jeremías 50:3

Xb'aan naq xchalk chaq sa' xjayal releb'l iq' jun tenamit li toljuk'uq re Babilonia. Maajun chik taawanq sa' li na'ajej a'an, chi moko poyanameb' chi moko xuleb'.

Lamentaciones 1:4

Jwal ra rilb'aleb' li b'e neke'xik aran Sión: maa'ani chik nachalk chi ninq'ehik. Maa'ani wank chiruheb' li rokeb'aal li tenamit. Neke'yaab'ak eb' laj tij, neke'huyhutk eb' li tuq'ixq, ut q'axal ra xch'ooleb' chixjunileb' laj Jerusalén.

Deuteronomio 29:23

«Junes asuupr ut atz'am wank chik aran, ut li ch'och' k'atalkaq aj chik ru: a'an a'in chixjunil leena'aj. Ink'a' chik taaruuq awk arin, maak'a' taamoq chiru, chi moko li pim taak'iiq sa' li na'ajej a'in, kama' li rahilal kixk'ul Sodoom ut Gomoor, Admá ut Seboín naq ke'sache'k ru xb'aan xnimal xjosq'il li Qaawa'», cha'qeb'.

Salmos 107:43

Wi wank junaq li wank xna'leb', chixk'uulahaq sa' xch'ool chixjunil a'in ut chixtawaq ru li xnimal xrahom li Qaawa'!

Jeremías 8:22

Ma maak'a' tawi' junaq b'an aran Galahad? Ma maajun tawi' naru chi b'anok aran? K'a'ut naq ink'a' nak'iraak lintenamit?

Jeremías 16:10

“Naq taaseeraq'i chixjunil a'in reheb' li tenamit, te'xpatz' aawe: «K'a'ut naq li Qaawa' xtaqla chaq sa' qab'een li nimla rahilal a'in? K'aru li ink'a' us xqab'aanu? K'aru xqamaakon chiru li Qaawa' li qaYos?».