Jeremías 9:1 - Q'eqchi Bible

¹ Kama' taxaq jun yu'amha' linjolom, ut li xya'al wu kama' taxaq li roq nima' re yaab'ak chi q'eq ut chi kutan chirix lintenamit li xe'kamsiik!

Li Santil hu

¹ Us raj cui lin jolom joꞌ jun li yuꞌam haꞌ ut li xnakꞌ cuu joꞌ li haꞌ li nabe̱c rok. Tinya̱bak raj chi kꞌek chi cutan chirixeb li cuech tenamitil li queꞌcamsi̱c.

Jeremías 9:1 ပူးပေါင်းရင်းမြစ်များ

Jeremías 13:17

Wi ink'a' nekexpaab'ank chiru, laa'in tinyaab'aq injunes xb'aan leeq'etq'etil; taayot'e'q linch'ool ut xiikil li xya'al wu tinhoy, xb'aan naq li xtenamit li Qaawa' xe'isiik sa' li xna'ajeb'.

Isaías 22:4

Jo'kan naq xinye: “Elenqex chiwu ut kanab'omaqin injunes chi yaab'ak xb'aan xrahil linch'ool; meech'i'ch'i'i eerib' chi xk'ojob'ankil li waanm xb'aan li roso'jik lintenamit”, chankin.

Lamentaciones 2:11

Ink'a' chik nin'ilok xb'aan li yaab'ak, ink'a' chik ninkuy ut kamk we, xb'aan naq xsache'k lintenamit; eb' li kok'al ut eb' li toj yookeb' chi tu'uk neke'kamk sa' xyi li tenamit xb'aan li tz'okaak.

Jeremías 6:26

Ex intenamit, b'atomaq eerib' sa' q'es ruhil t'ikr ut tolk'osiiq eerib' sa' li cha. Japomaq eere chi yaab'ak, tz'uyinqex chi q'axal ra sa' leech'ool, jo' na'uxk tz'uyink chirix li alab'ej junaj chirib'il, xb'aan naq ak chi seeb' chaq li taasachoq qe.

Jeremías 14:17

Ye reheb' li tenamit li aatin a'in: «Chi q'eq ut chi kutan ink'a' ninkanab' li yaab'ak xb'aan li nimla rahilal yo xk'ulb'al lintenamit, k'ajo' xnimal li xtiq'ilal!

Isaías 16:9

Jo'kan naq ok we chi yaab'ak chirix li awimq re Sibmá ut Jaser; k'ajo'aq ajwi' li xya'al wu chirix Jesbón ut Elalé, xb'aan naq maak'a'aq chik li q'olok aran xb'aan li yalok.

Salmos 119:136

Chanchan roqha' li xya'al wu xb'aan li yaab'ak, xb'aan naq nawil naq ink'a' neke'xpaab' laachaq'rab'.

Jeremías 4:19

Jwal nayot'e'k linch'ool ut q'axal namayok li waanm, ka'aj chik maa na'elk linch'ool sa' li xna'aj. Ink'a' ninkanab' xjapb'al we chi aatinak xb'aan naq yookin chi rab'inkil xyaab'eb' li pur li yo chi b'oqok re xik chi yalok.

Jeremías 8:18

Q'axal ra sa' inch'ool, ka'aj chik maa ninkamk.

Jeremías 9:18

Xseeb'aaqeb' rib' chi chalk re te'yaab'aq chiqix, re naq tootz'uyinq ajwi' laa'o ut taat'ule'q xya'al li qu chi yaab'ak.

Salmos 55:7

Xinye sa' inch'ool: “Ani taxaq xk'ehok inxik' kama' li wank re li mukuy, re raj tinrupupiq ut toxinhilanq?

Jeremías 3:10

Chirix chixjunil a'an, laj Judá, laj b'alaq', ink'a' ajwi' kisutq'iik chaq wik'in chi anchal xch'ool, junes rik'in b'an b'alaq'il”, chan li Qaawa'.

Jeremías 5:7

“Chan ta naq tinkuy aamaak xb'aan a'an, a Jerusalén? -chan li Qaawa'-. Eb' laawalal aak'ajol xine'xtz'eqtaana ut a' chik li maawa' yos neke'xpatz' sa' jurament. Naq xink'eheb' chi tzekank toj reetal xe'nujak, intz'eqtaanankil chik xe'xb'aanu ut jun xikikeb' sa' rochochil li maa'usilal chi xmuxb'aleb' rib'.

Ezequiel 22:12

Wankeb' neke'tuminaak ru chi xkamsinkileb' li poyanam, ut numtajenaq ral li to' tumin neke'xpatz'; neke'xtawasi eb' li ras riitz'ineb' ut neke'xmaq' sa' josq'il li k'a'aq ru reheb', ut xine'xtz'ek laa'in chirix xch'ooleb' -chan li Qaawa'-.

Oseas 7:4

Chixjunileb' a'an junes aj muxuleb' sumlaak; chanchaneb' li tiqwal xam, li ink'a' chik na'ajmank ru naq taak'ehe'q xkomon xxamlel toj reetal taasipooq li kaxlanwa.