Jeremías 8:16 - Q'eqchi Bible

¹⁶ Chalen chaq Dan neke'xeeyank chi chalk li xkawaayeb'; neke'tz'ejnak chi chalk, nachiq'lok li ch'och'. Chalkeb' re chi xsachb'al li tenamit jo'wi' chixjunil li xsahil eechej; te'xjuk'iheb' li na'ajej ut jo'k'ihaleb' li wankeb' chisa'”.

Li Santil hu

¹⁶ Yo̱queb chak chi cha̱lc li xicꞌ nequeꞌiloc ke. Toj saꞌ li naꞌajej Dan na-abi̱c xya̱b saꞌ ruꞌujeb lix cacua̱yeb. Chixjunileb li tenamit nequeꞌsicsot xban xxiuheb nak nequeꞌrabi nak nequeꞌxjap re li cacua̱y. Cha̱lqueb re chixsachbal li kanaꞌaj ut chixjunil li cuan chi saꞌ. Xeꞌchal chixsachbal li tenamit joꞌ ajcuiꞌ chixjunileb li cristian, chanqueb.

Jeremías 8:16 ပူးပေါင်းရင်းမြစ်များ

Jueces 18:29

Ke'xjal ajwi' xk'ab'a' li tenamit: ink'a' chik Lahis naxk'ab'a'in anaqwan, Dan b'an ke'xk'e cho'q xk'ab'a' re xjultikankil laj Dan li xyuwa'eb', ralal laj Israel.

Jueces 5:22

“Na'eek'ank li ch'och' xb'aaneb' roq li kawaay; neke'kilb'ak, neke'kilb'ak eb' li kawaay.

1 Corintios 10:28

Ab'an wi junaq taayehoq eere: “A'in xmayejaak chiruheb' li yal k'oxlanb'il yos”, meetzeka xb'aan li xyehok eere, jo'wi' re naq ink'a' taa'ok xk'a'uxl.

Habacuc 3:10

Neke'siksotk eb' li k'iche' naq nakate'ril; chanchan li b'ut'iha' naq xchalk sa' choxa. Kaw x'eek'ank xyaab' li palaw, ut najt nataqe'k li xkaw oq.

Nahum 3:2

Na'ab'iik xyaab' li tz'uum ut xyaab' roqeb' li kawaay. Neke'jitz'itz'nak ut neke'pojlok chaq chi chalk eb' li b'eleb'aal ch'iich'.

Jeremías 47:3

Naq taa'ab'iiq xyaab' li roqeb' li kawaay ut tz'aapixikaq xyaab'eb' li xsuriil eb' li b'eleb'aal ch'iich', eb' li yuwa'b'ej ink'a' chik te'rileb' li xkok'al xb'aan naq maak'a'aq chik xmetz'eweb'.

Jeremías 10:25

Isi laajosq'il sa' xb'eeneb' li tenamit li ink'a' neke'nawok aawu, jo' ajwi' sa' xb'eeneb' li poyanam li ink'a' neke'tijok chawu. Xb'aan naq xe'xsach ruheb' li ralal xk'ajol laj Jakob toj reetal xe'oso'k chi junajwa, ut nakirirnak aj chik li xna'ajeb' xe'xkanab'.

Jeremías 6:23

Wankeb' chaq xsimaj ut xq'esnal ch'iich' sa' ruq'eb'; jwal anumeb' chi yalok, ut maajun neke'ril xtoq'ob'aal ru. Chanchan xyaab' li palaw naq neke'xjap chaq reheb', ut junes chirix kawaay neke'b'eek. Junchalikaqeb' chi yalok eerik'in, ex aj Jerusalén”.

Jeremías 4:24

Kiwil eb' li k'iche' ut kink'e reetal naq neke'heetank sa' li xna'ajeb'; chixjunileb' li tzuul neke'chiq'lok sa' xna'ajeb'.

Salmos 24:1

Xsaalm laj David. Li Qaawa' a'an laj eechal re li choxach'och' ut chixjunil li wank chisa'.

Jueces 20:1

Toja' naq chixjunileb' laj Israel, chalen chaq Dan toj Berseba ut Galahad, koxe'xch'utub' rib' jo' jun chi winq, aran Mispá, wan wi' rochoch li Yos.

Li xHu LAJ JOB 39:20

Ma laa'at tab'i' nakak'e chi pisk'ok jo' li chili'? Xiwajel naq naxjap re li kawaay;

Jeremías 3:24

Li xloq'oninkil li jalanil yos xsachok re li k'aru reheb' li qana' qayuwa' chalen chaq sa' li qasaajilal: eb' li qakarneer, li qawakax ut eb' li qalal qak'ajol.

Jeremías 5:17

Eb' a'an te'xtzeka ru leerawimq ut te'xchoy leewa leeruk'a'; a'aneb' ajwi' te'sachoq reheb' leeralal eek'ajol. Te'xtzeka eb' li karneer ut eb' li wakax, eb' lee'uub' jo'wi' eb' lee'iig. Te'xjuk'i leekawub'resinb'il tenamit li jwal nekekawu wi' leech'ool”.

Jeremías 30:5

Li Qaawa' kixye chi jo'ka'in: “Na'ab'imank japok e xb'aan xiwak ut xiwxiwil wank; maak'a' li tuqtuukil usilal.

Jeremías 30:16

Ab'anan te'sache'q ru jo'k'ihaleb' li neke'rahob'tesink aawe, ut chixjunileb' li xik' neke'ilok aawe te'xik chi preexil. Taa'elq'aaq chixjunil li k'a'aq re ru reheb' li xe'elq'ank aawe; ut eb' li xe'maq'ok k'a'aq re ru aawe, taamaq'manq ajwi' chiruheb' li k'aru reheb'.

Jeremías 50:42

Wankeb' chaq xjutz' ch'iich' ut xsimaj sa' ruq'eb', q'axal josq'eb' ut maajun neke'ril xtoq'ob'aal ru. Chanchan xkawil oq li palaw naq neke'xjap reheb' ut wankeb' chaq chirix kawaay. Yo'oon wankeb' chi yalok aawik'in chi kaw, a Babilonia.

Jeremías 51:29

Nahich'lok li ruuchich'och' chi k'ajo' xxiw, xb'aan naq yo chi tz'aqlok ru li xk'uub'ahom li Qaawa' chirix Babilonia: naq li tenamit a'an tkanaaq chi nakirirnak ut maajun chik poyanam taawanq chisa'.

Jeremías 4:7

Ak xwakliik chaq laj sachonel tenamit, jo' jun li kaqkoj x'elk chaq sa' li xsok; chalk re sa' aab'een re xsachb'al laana'aj: nakirirnak te'kanab'aaq eb' laatenamit chi maajunaq chik li poyanam chisa'.