Jeremías 8:14 - Q'eqchi Bible

¹⁴ Ut eb' li tenamit te'xye: “K'a'ut naq xaqxooko xaq arin? Qach'utub'aq qib', okaqo sa' li kawub'resinb'il na'ajej ut kamqo aran. Li Qaawa', li qaYos, xooxkanab' chi kamk, xooxk'e chi uk'ak ha' nakamsink, xb'aan naq xoomaakob'k ut xqaq'etq'eti qib' chiru.

Li Santil hu

¹⁴ Eb lix tenamit li Dios queꞌxye: —¿Cꞌaꞌut nak tocana̱k arin? Takachꞌutub kib ut toxic saꞌ eb li tenamit li cauresinbil chi us re takacol cuiꞌ kib. Aran toca̱mk xban nak li Ka̱cuaꞌ li kaDios quixye nak to-osokꞌ. Chanchan nak xqꞌue li haꞌ li banbil xsaꞌ chikucꞌ re toca̱mk xban nak xoma̱cob chiru.

Jeremías 8:14 ပူးပေါင်းရင်းမြစ်များ

Jeremías 23:15

Jo'kan naq laa'in li Nimajwal Yos ninye chirixeb' li propeet: Tink'e junaq tzekemq rayre chi xtzekaheb' ut tink'e reheb' li ha' b'anb'il ru re kamsink, xb'aan naq xnumtaak li xmaa'usilaleb' li propeet aj Jerusalén ut xpuka rib' yalaq b'ar”.

Jeremías 9:15

Jo'kan naq laa'in, li Nimajwal Yos, li xYos laj Israel, ninye chi jo'ka'in: Tink'eheb' chi xtzekankil li ch'am aj tzekemq ut tink'eheb' chi uk'ak li ha' nakamsink.

Lamentaciones 3:19

Najultiko'k we linneb'a'il ut linjunaatalil, naq junes rahil ch'oolej ut xyot'ik li waanm nink'ul.

Jeremías 35:11

Ab'an naq laj Nabukodonosor, li awab'ej re Babilonia, ki'ok chi yalok sa' li qana'aj, koochalk Jerusalén re elelik chiruheb' laj Kaldeha ut eb' laj Asiria; jo'kan naq wanko arin Jerusalén”.

San Mateo 27:34

ke'xk'e xb'iin yuub'il rik'in k'ahil ha' chi ruk'; ab'an, naq kixyal, ink'a' kiraj ruk'b'al.

Salmos 69:21

Q'axal nayot'e'k li waanm xb'aan naq nikine'xhob': kach'in aj chik maa ninkamk. Nawoyb'eni uxtaanaak, ab'an ink'a' nintaw; nawoyb'eni junaq aj k'ojob'anel ch'ool, ab'an maajun junaq nintaw.

2 Samuel 20:6

Toja' naq laj David kixye re laj Abisay: “Anaqwan laj Sebá, ralal laj Bikrí, q'axal yib'ru chik tixb'aanu qe chiru laj Absalón. Jo'kan naq k'ameb' chawix li neke'k'aak'alenk we ut ayuqex chi xsik'b'al. Mare anchal toxtaw eb' li tenamit suttz'akanb'ileb' ut taa'eleliq chiqu chi junajwa”, chan.

Deuteronomio 29:18

Miwank sa' eeyanq winq malaj ixq, junkab'al malaj teep, li tixkanab' li Qaawa' leeYos ut tixloq'oni ru li xyoseb' li tenamit a'an. Miwank sa' eeyanq xtoonal li k'ahil pim li wank xmay nakamsink.

Zacarías 2:13

Ch'anch'ooq chixjunileb' chiru li Qaawa', xb'aan naq A'an xwakliik ut yo chi elk chaq sa' li xloq'laj muheb'aal!

Habacuc 2:20

A'ut li Qaawa' wank sa' li xsantil ochoch: maajun na'aatinak chiru A'an junsut junrub'el choxa!

Amós 6:10

Yal wiib' oxib' ajwi' li te'kole'q re risinkileb' li kamenaq sa' li kab'l; ut wi taapatz'manq re li toj wanq chaq sa' li kab'l: “Ma maajun chik wan chaq aawochb'een?”, a'an tixsume chaq: “Maajun chik”. Ut tixye li xpatz'ok: “Mat-aatinak, mare anchal taapatz' xk'ab'a' li Qaawa'”, cha'aq.

Jeremías 14:20

At Qaawa', naqaxooto li qamaa'usilal jo'wi' li xmaakeb' li qaxe' qatoon, xb'aan naq xoomaakob'k chawu.

Salmos 39:2

Xinye sa' inch'ool: “Tink'e reetal li ninb'aanu re naq ink'a' tinmaakob'q rik'in li waatin; tintz'ap xsa' we rik'in t'ikr naq wanqin chiruheb' li ink'a' useb' xna'leb'”.

Deuteronomio 32:32

Li x'uub' eb' a'an, a'an uub' re Sodoom ut re Gomoor, xkomon li uub' nakamsink ut k'ajo' xk'ahil.

Levítico 10:3

Chirix chik a'an laj Moisés kixye re laj Aharón: “A'an a'in li kixye li Qaawa': «Eb' li te'jiloq chaq wik'in tink'ut chiruheb' linsantilal, ut chiruheb' chixjunil laj Israel tink'ut linloq'al»”. Ut laj Aharón kikanaak chi maak'a' chik kixye.

Isaías 47:5

“K'ojlan chi maak'a' eek'ank, okan sa' li aak'ab', at xrab'in eb' laj Kaldeha, xb'aan naq ink'a' chik taayeemanq aawe: «Xna'eb' li tenamit».

Jeremías 3:25

Qakub'siiq b'i' li qawankil xb'aan qaxutaan, ut chookanaaq chi maak'a' chik qaloq'al, xb'aan naq xoomaakob'k chiru li Qaawa' li qaYos, chalen chaq sa' li qasaajilal, laa'o ut eb' li qana' qayuwa'. Ink'a' xoo'ab'ink chiru li Qaawa' li qaYos”.

Jeremías 14:7

At Qaawa', us ta li xk'ihal li qamaak nokooxjit chawu, tenq'aho sa' xk'ab'a' xnimal laarahom. Relik chi yaal naq naab'al wa xqaq'etq'eti qib' ut xoomaakob'k chawu.

Jeremías 9:14

ke'xb'aanu b'an chik li nawulak chiruheb' jo' chanru xkawilal li xjolomeb', ut ke'xloq'oni ru laj Bahal, jo' ke'tzole'k wi' chaq xb'aaneb' li xna' xyuwa'eb'.