Jeremías 8:13 - Q'eqchi Bible

¹³ “Twaj raj xxokb'al lintenamit jo' na'uxk re li triiw -chan li Qaawa' Yos-; ab'an chanchaneb' li xtoonal li uub' ut li iig li ink'a' na'uuchink ut chaqi eb' li xxaq. Jo'kan naq tinq'axtesi lintenamit reheb' laj numel b'e”.

Li Santil hu

¹³ La̱in tinsach ruheb lin tenamit chi junaj cua. Chanchanakeb chic li xto̱nal li uvas ut li higos li incꞌaꞌ nau̱chin, li chaki lix xak. Ut li cꞌaꞌru quinqꞌue reheb ta̱isi̱k chiruheb.

Jeremías 8:13 ပူးပေါင်းရင်းမြစ်များ

San Mateo 21:19

Kiril jun toon chi iig wank chire b'e: kinach'ok rik'in, ab'anan junes xaq kixtaw. Toja' naq kixye re: —Mat-uuchink chik chi junajwa. Ut chi junpaat kichaqik li xche'el li iig.

Joel 1:7

Xe'xsach chi junajwa li uub', xe'xjuk'i eb' li xche'el li iig: xe'xmich' rix chixjunileb' li che' ut saqeb' aj chik li ruq' xe'xkanab'.

Jeremías 17:8

Chanchanaq jun toon chi che' awb'il chire nima', li naxe'enk toj sa' roq li nima'. Maak'a' naxk'ul naq natiqwo'k li saq'e, chi moko natz'umaak li xxaq; ink'a' nak'oxlak naq nawulak li saq'ehil ut maajun wa naxkanab' li uuchink.

Santiago 1:11

naq na'elk chaq li saq'e chi k'ajo' xtiqwal, naxchaqihob'resi li pim, nat'ane'k li ratz'um ut na'oso'k li xch'ina'usal. Jo'kan ajwi' naq taa'oso'q li b'ihom sa'eb' li xb'aanuhom.

Hageo 2:17

Laa'in kexinrahob'tesi sa' chixjunil leek'anjel rik'in li tiqwal iq', laj saak' ut li saqb'ach, ab'an maajun eere kisutq'iik chaq wik'in, chan li Qaawa'.

Hageo 1:11

Laa'in xintaqlank re li saq'ehil sa' ruuchich'och': sa' xb'eeneb' li k'iche', sa' xb'een li triiw, sa' xb'een li uub' ut li oliiw, sa' xb'eeneb' li rawimq li ch'och', sa' xb'eeneb' li poyanam, eb' li xul ut chixjunil li k'anjel na'uxmank”.

Habacuc 3:17

Us ta ink'a' chik taatuxmeq li xche'el li iig ut maak'a'aq chik ru li uub'; us ta ink'a' chik taa'uuchinq li oliiw ut li ch'och' ink'a' chik tixk'e qatzekemq; us ta maak'a'aqeb' chik li karneer sa' li xna'ajeb' chi moko wanqeb' chik qawakax sa' li xwa'leb'aaleb',

Jeremías 5:17

Eb' a'an te'xtzeka ru leerawimq ut te'xchoy leewa leeruk'a'; a'aneb' ajwi' te'sachoq reheb' leeralal eek'ajol. Te'xtzeka eb' li karneer ut eb' li wakax, eb' lee'uub' jo'wi' eb' lee'iig. Te'xjuk'i leekawub'resinb'il tenamit li jwal nekekawu wi' leech'ool”.

Isaías 5:10

Xb'aan naq lajeeb' k'aam chi uub' taa'awmanq, ut moko k'i ta li b'iin tixk'e. Jun iiq chi iyaj taa'awmanq, ut yal jun chakach ajwi' chi triiw taa'elq”.

Levítico 26:20

Maak'a'aq chik aj e naq teetawasi eerib' xb'aan naq ink'a' chik taa'elq li awimq sa' li ch'och' chi moko te'uuchinq li che' sa' leena'aj.

Jeremías 7:20

Jo'kan naq li Qaawa' xye chi jo'ka'in: Twisi linjosq'il sa' xb'een li na'ajej a'in, sa' xb'eeneb' li xpoyanamil ut eb' li xul, sa' xb'eeneb' li che' ut eb' li awimq. Ut linjosq'il chanchanaq li choqlenk li ink'a' naru xchupb'al”, chan li Qaawa'.

Jeremías 14:12

Us ta te'ayuuniq, ink'a' twab'i li xyaab' xkuxeb'. Us ta te'xq'axtesi we naab'al li k'atb'il mayej ut li xyeechi'omeb', ink'a' tink'ul chi sa sa' inch'ool, tinsach b'an ru li tenamit a'in rik'in q'esnal ch'iich', rik'in we'ej ut raxkamk”.

Oseas 2:12

Tink'e chi sache'k chixjunileb' li rawimq li naxye wi': «A'aneb' a'in linq'ajkamunkil li xk'ehomeb' we li neke'rahink we». Tink'eheb' chi pimo'k ut tinkanab' cho'q xwaheb' li k'iche'il xul.

Jeremías 14:15

Jo'kan naq laa'in, li Qaawa', ninye chi jo'ka'in chirixeb' li propeet a'an li neke'aatinak sa' ink'ab'a' us ta ink'a' xintaqlaheb', ut neke'xye naq ink'a' taawanq li raaxiik' chi moko li we'ej sa' li tenamit a'in: Eb' li propeet a'an te'kamq xb'aan li raaxiik' ut li we'ej.

Ezequiel 22:31

Toja' naq xwisi linjosq'il sa' xb'eeneb' ut xeb'insach ru xb'aan xpo'ik linch'ool, re xteneb'ankil li tojb'amaak sa' xb'eeneb'»”, chan li Qaawa'.

Malaquías 3:11

Ink'a' tinkanab'eb' laj saak' chi xsachb'al leerawimq ut tink'eheb' chi uuchink li xtoonal li uub'.