Jeremías 7:33 - Q'eqchi Bible

³³ Ut li xtib'eleb' li te'kamq taatiwe'q xb'aaneb' li so'sol jo'wi' eb' li josq' aj xul, ut maajun taaxib'enq reheb'.

Li Santil hu

³³ Ut lix tibeleb li teꞌca̱mk teꞌtiꞌekꞌ xbaneb li soꞌsol ut eb li joskꞌ aj xul ut ma̱ ani ta̱seꞌbesi̱nk reheb.

Jeremías 7:33 ပူးပေါင်းရင်းမြစ်များ

Jeremías 12:9

Lintenamit kama' chik li xik'anel xul ch'ina'us rilb'al, ut chixjunileb' li k'uch neke'rupupnak sa' xb'een. Kimqex, chejunilex li k'iche'il xul; ch'utub'omaq eerib' chi xt'upinkil!

Deuteronomio 28:26

Laatib'el a'anaqeb' xwa chixjunileb' li xik'anel xul neke'rupupik chiru choxa; xwahaqeb' ajwi' chixjunileb' li xul sa' ruuchich'och' chi maajun taaxib'enq reheb'.

Ezequiel 39:4

Ut tatkamq sa'eb' li xtzuulul Israel, aawochb'eeneb' laj puub' jo'wi' eb' li k'iila poyanam neke'okenk chawix. Aran tatink'e cho'q xtib'eb' li jar paay chi so'sol ut eb' li josq' aj xul.

Jeremías 34:20

ut tinq'axtesiheb' sa' ruq'eb' li xik' neke'ilok reheb' ut te'ajoq xkamsinkileb'. Chikanaaq li xtib'eleb' cho'q xtib' eb' li so'sol ut eb' li k'iche'il xul.

Jeremías 25:33

Chiru li kutan a'an, eb' li te'k'ehe'q chi kamk xb'aan li Qaawa' t'anaxinq te'kanaaq sa' chixjunil li ruuchich'och'; maajun taayaab'aq chirixeb', maajun taamuquq reheb' ut t'anaxinqeb' chiru ch'och' jo'kaqeb' li k'ot.

Jeremías 22:19

Taamuqmanq jo' junaq b'uur: chi jukunb'il te'risi sa' li tenamit ut toxe'xtz'eq chaq chirix xsuttz'akil Jerusalén”.

Jeremías 19:7

Sa' li na'ajej a'in tinjuk' chixjunil li xk'uub'ahomeb' laj Judá ut eb' laj Jerusalén. Tink'eheb' chi kamsiik ut chi sache'k xb'aaneb' li xik' neke'ilok reheb', cho'q xtib' eb' li so'sol ut eb' li josq' aj xul.

Jeremías 16:4

te'kamq xb'aan li xiwajel yajel, ut maajun taayaab'aq chirixeb' chi moko te'muqe'q. Neke'jilixink chiru ch'och' te'kanaaq jo'kaqeb' li k'ot. Li raaxiik' ut li we'ej taakamsinq reheb'; te'lowe'q xb'aaneb' li so'sol ut eb' li josq' aj xul”.

Jeremías 9:22

Neke'jilixink eb' li kamenaq chanchaneb' li k'ot chiru ch'och'; neke't'anlok chiru ch'och' jo' li pim naq ak xyok'e'k, ut maajun chik naxokok reheb'”. A' li Qaawa' xyehok re.

Isaías 18:6

Chixjunil taakanaaq cho'q reheb' li josq' aj xul sa'atqeb' li tzuultaq'a, cho'q xtib'eb' li so'sol ut eb' li josq' aj xul chiru li saq'ehil ut li hab'alq'e”.

Jeremías 14:16

Ut eb' li tenamit a'an te'kanaaq chi t'ant'o sa'atqeb' li b'e re Jerusalén: te'kamq xb'aan li raaxiik' ut li we'ej, chi maajun taamuquq reheb', rochb'eeneb' li rixaqil ut eb' li ralal xk'ajoleb'. A' ajwi' li xmaa'usilaleb' tinq'aplusi sa' xb'eeneb'.

Jeremías 15:3

“Laa'in tintaqla chaq kaahib' paay chi rahilal sa' xb'eeneb': wan te'kamq sa' li yalok, wan te't'upiiq xb'aaneb' li tz'i', wan te'lowe'q ut te'sache'q xb'aaneb' li josq' aj xul ut eb' li so'sol -chan li Qaawa'-.

Ezequiel 29:5

Tatinkanab' sa' li chaqich'och', aawochb'een chixjunileb' li kar wankeb' sa' laanima'; t'ant'o tatkanaaq chiru ch'och' ut maajun taaxokoq aawe re aamuqb'al. Tatink'e chi xt'upiheb' li so'sol ut eb' li josq' aj xul.

Deuteronomio 8:20

Jo' naq li Qaawa' tixsacheb' li tenamit sa' laanumik, jo'kan ajwi' naq tex'oso'q laa'ex, xb'aan naq ink'a' xeraj rab'inkil xyaab' xkux li Qaawa' leeYos.

Jeremías 9:21

“Li kamk x'ok sa'eb' li qab'entaan, xwulak toj sa' li qachaq'alil ru ochoch. Xkamsiheb' li kok'al sa'atqeb' li b'e, ut sa'eb' li k'ayiil xe'kamsiik eb' li saaj al.