Jeremías 7:32 - Q'eqchi Bible

³² Jo'kan naq laa'in ninye chi jo'ka'in: Taawulaq xkutankil naq li na'ajej a'an ink'a' chik tixk'ab'a'in Tófet chi moko xTaq'ahil Ben-Hinón, tixk'ab'a'in b'an chik: xTaq'ahil li kamsink. Aran Tófet te'muqe'q eb' li kamenaq, xb'aan naq maak'a'aq chik na'ajej re muquk.

Li Santil hu

³² Ta̱cuulak xkꞌehil nak incꞌaꞌ chic teꞌxye “Tofet” re li naꞌajej aꞌan, chi moco teꞌxye “li ru takꞌa re Ben-hinom”. Teꞌxye ban re “li ru takꞌa re camsi̱nc” xban nak aran teꞌxmukeb li camenak toj retal nak ma̱cꞌaꞌak chic lix naꞌajeb aran Tofet.

Jeremías 7:32 ပူးပေါင်းရင်းမြစ်များ

Jeremías 19:11

ut taaye reheb': «Li Nimajwal Yos xye chi jo'ka'in: Jo'ka'in tz'aqal tinb'aanu re li tenamit a'in ut eb' li xpoyanamil, jo' naq najormank junaq ch'och'kuk, li ink'a' chik naru xyiib'ankil. Ut chixjunileb' li poyanam te'muqmanq Tófet, xb'aan naq maak'a'aq chik na'ajej re muquk.

Jeremías 19:6

Jo'kan naq taawulaq xkutankil naq li na'ajej a'in ink'a' chik tixk'ab'a'in Tófet chi moko xTaq'ahil Ben-Hinón, tixk'ab'a'in b'an chik xTaq'ahil li kamsink -chan li Qaawa'-.

2 Reyes 23:10

Kixmux ru li na'ajej na'uxk wi' mayejak sa' xtaq'ahil Ben-Hinón, re naq maajun chik tixq'axtesi chi k'ate'k li ralal xk'ajol sa' xk'ab'a' laj Molok.

Jeremías 19:13

Chixjunileb' li ochoch re Jerusalén, li rochocheb' li awab'ej re Judá ut eb' li kab'l xe'mayejak wi' k'ajpom chiru chixjunileb' li chahim ut xe'mayejak b'iin chiruheb' li jalanil yos, te'kanaaq chi muxb'il ruheb', jo' tz'aqal Tófet»”.

Jeremías 7:31

Sa' xTaq'ahil Ben-Hinón xe'xyiib' li tijob'aal re Tófet, re xyeechi'inkileb' li ralal xk'ajol cho'q k'atb'il mayej, li maajun wa inyehom reheb' chi moko xink'oxla b'ayaq a'an.

Levítico 26:30

Laa'in tinjuk' leetijob'aal ut tinputz'iheb' li x'artalil leesununkil ensens, teb'intuub' leekamenaq sa' xb'eeneb' leekamenaqil yos ut texintz'eqtaana;

Jeremías 19:2

Chirix chik a'an tatxik sa' xtaq'ahil Ben-Hinón, sa' li Rokeb'aal laj Pak'onel, ut aran toxaaye li aatin tinye aawe.

Jeremías 31:40

Chixjunil li ru taq'a b'arwi' neke'muqmank eb' li kamenaq ut natz'eqe'k wi' li cha, ut chixjunil li na'ajej li wank chire li nima' Sedrón toj sa' li Rokeb'aaleb' li kawaay li wank sa' xjayal releb'l saq'e, a'an q'axtesinb'ilaq cho'q re li Qaawa': maajoq'e chik taasachmanq chi moko taajuk'manq”.

Ezequiel 6:4

Tinputz'i eb' li artal nekexmayejak wi' ut nekek'at wi' leepom, ut tink'eheb' chi kamk laj k'anjel chiruheb' li jalanil yos.