Jeremías 7:31 - Q'eqchi Bible

³¹ Sa' xTaq'ahil Ben-Hinón xe'xyiib' li tijob'aal re Tófet, re xyeechi'inkileb' li ralal xk'ajol cho'q k'atb'il mayej, li maajun wa inyehom reheb' chi moko xink'oxla b'ayaq a'an.

Li Santil hu

³¹ Saꞌ li ru takꞌa li cuan Ben-hinom queꞌxyi̱b li artal li najt xteram saꞌ li naꞌajej Tofet ut queꞌxcꞌat chokꞌ xmayejeb li ralal xcꞌajoleb. La̱in incꞌaꞌ quinye reheb nak teꞌxba̱nu chi joꞌcan chi moco quincꞌoxla nak joꞌcan teꞌxba̱nu.

Jeremías 7:31 ပူးပေါင်းရင်းမြစ်များ

2 Reyes 23:10

Kixmux ru li na'ajej na'uxk wi' mayejak sa' xtaq'ahil Ben-Hinón, re naq maajun chik tixq'axtesi chi k'ate'k li ralal xk'ajol sa' xk'ab'a' laj Molok.

Jeremías 32:35

Xe'xyiib'atq ajwi' x'artal laj Bahal sa' xtaq'ahil Ben-Hinón, re xk'atb'al li ralal xk'ajoleb' cho'q xmayejeb' chiru laj Molok. Chi jo'kan xe'xk'e chi maakob'k eb' laj Judá, li maajun wa inyehom reheb' chi moko xnume'k b'ayaq sa' inch'ool naq jo'kan te'xb'aanu.

2 Reyes 17:17

Ke'xk'ehatq chi k'ate'k eb' li ralal xk'ajoleb' cho'q mayej, ke'patz'okje'k rik'ineb' laj q'e ut ke'xtzolatq li nawalink. Ke'xk'e xch'ooleb' chi xb'aanunkil li maa'usilal xb'aan li tumin, toj reetal ke'xchiq' xjosq'il li Qaawa'.

Levítico 18:21

“Maajun laawalal aak'ajol taamayeja chiru li yos Molok. Maatz'eqtaana li xk'ab'a' laaYos chi kama' a'an. Laa'in li Qaawa'.

Ezequiel 16:20

«Chirix chik a'an kamayeja chiruheb' a'an eb' li walal ink'ajol ke'wank aawik'in. Ink'a' kitz'aqlok aawe li xmuxb'al aawib',

2 Crónicas 33:6

Kixk'ateb' li ralal cho'q xmayej sa' xtaq'ahil Ben-Hinón ut kixtzol li q'ehink, li nawalink ut li tuulak. Kipatz'okatq rik'ineb' laj q'e ut rik'ineb' li musiq'ej; xikenaq wi' chik xb'een li maa'usilal kixb'aanu toj reetal kixpoq' xjosq'il li Qaawa'.

2 Crónicas 28:3

Kik'atok pom sa' xtaq'ahil Ben-Hinón, ut kixq'axtesi li ralal chi k'ate'k, jo' li tz'i'b'eetalil neke'xb'aanu eb' li tenamit li ke'sache'k ruheb' xb'aan li Qaawa' chiruheb' laj Israel.

Deuteronomio 12:31

Maab'aanu chi jo'kan re li Qaawa' laaYos. Xb'aan naq chixjunil li tz'i'b'eetal chiru li Qaawa', chixjunil li tz'eqtaananb'il xb'aan, neke'xb'aanu eb' a'an re xloq'oninkil li xyoseb': a' ajwi' eb' li ralal ut xrab'ineb' neke'xk'at sa' xk'ab'a'eb' li xyos!

Deuteronomio 17:3

tixloq'oni ruheb' li jalanil yos ut tixwiq'ib' rib' chiruheb', a' yaal ma chiru li saq'e, li po malaj chiruheb' li chahim, ut chi jo'kan tixq'et rib' chiru linchaq'rab'.

2 Reyes 23:20

Moqon chik kixkamsiheb' chixjunileb' laj tij li ke'k'anjelak sa'eb' li tijob'aal chi tzuul, a'eb' li wankeb' aran, kixmayejaheb' sa' xb'eeneb' li artal ut kixk'at xb'aqeleb' kamenaq sa' xb'eeneb'. Chirix chik a'an kisutq'iik wi' chik Jerusalén.

Jeremías 19:2

Chirix chik a'an tatxik sa' xtaq'ahil Ben-Hinón, sa' li Rokeb'aal laj Pak'onel, ut aran toxaaye li aatin tinye aawe.

Josué 15:8

Chirix chik a'an naxik sa' xtaq'ahil Ben-Hinón, sa' rokeb'l iq', toj sa' xb'een xTel laj Jebús, naraj naxye toj Jerusalén. Sa' rokeb'l saq'e li xnub'ajl nawulak toj sa' xb'een li tzuul li wank sa' xjayal li xTaq'ahil Hinón, tz'aqal sa' releb'l iq' re li xTaq'ahil Refaín.

Isaías 30:33

Xb'aan naq li na'ajej Tófet ak kawresinb'il chaq najter cho'q re Asiria jo'wi' cho'q re li x'awab'ej. Li na'ajej a'an q'axal nim ru ut jwal cham, k'ajo' li xsi'ul. Naq taamusiq'aq li Yos, tixloch xxamlel; chanchan roq nima' nujenaq chi asuupr naq taachalq li xjosq'il li Qaawa' sa' xb'een.

Isaías 57:5

li nekexxik chi xb'aanunkil leemaa'usilal rub'eleb' li ji malaj rub'elatq k'a'aq chik chi ninqal che'; nekekamsi leekok'al chireheb' li nima' ut sa'atqeb' li ochoch pek.

Jeremías 2:23

Chan put ru naq nakaye: «Maak'a' ninmux wi' wib', ink'a' ninloq'oni ru laj Bahal»? Il eb' laanums chiru li taq'a ut k'e reetal laab'aanuhom, at ch'ina kameey li nakatsachb'esink b'e;

Ezequiel 20:26

Kinkanab'eb' chi xtz'ajninkil rib'eb' rik'in li xmayejeb', naq ke'xyeechi'i eb' li xb'een ralaleb' cho'q k'atb'il mayej chiruheb' li jalanil yos, re raj naq te'xiwaq ut te'xnaw naq laa'in li Qaawa' Yos».

Ezequiel 20:31

Naq nekeyeechi'i leemayej ut nekek'at sa' xam eb' leeralal eek'ajol, toj yookex chi xtz'ajninkil eerib' chiruheb' li jalanil yos chalen toj anaqwan. Ma tinkanab' tab'i' naq texpatz'oq wik'in, ex ralal xk'ajol laj Israel? Sa' xk'ab'a' linloq'al ninye li waatin naq ink'a' tinkanab' wib' re texpatz'oq wik'in -chan li Qaawa'-.

Miqueas 6:7

Ma tixk'ul tab'i' li Qaawa' jun milaq chi karneer malaj k'iila o'q'ob' kuk chi aseeyt? Malaj ut tinmayeja li xb'een walal xb'aan naq xinq'etq'eti wib' chiru? Ma tinmayeja tab'i' li walal re xtojb'al rix linmaak?”.

Deuteronomio 18:10

Miwank junaq sa' eeyanq li tixnumsi li ralal malaj li xrab'in sa' xam, malaj tixb'aanu li q'ehib'k ut li rilb'al li yu'am chaalel rik'in xka'yankil eb' li chahim. Maajun eere tixb'aanu li tuulak malaj xmoyb'al xsa' li uhej.

Jeremías 32:34

toj reetal xe'xmux xsa' li ochoch nanimaak wi' link'ab'a' naq xe'xk'e aran eb' li tz'i'b'eetalil yos.