Jeremías 7:18 - Q'eqchi Bible

¹⁸ Eb' li alal k'ajolb'ej neke'k'amok chaq li si', eb' li yuwa'b'ej neke'tz'ab'ok li xam ut eb' li ixaqilb'ej neke'k'uub'ank re li k'uluj re xmayejankil chiru li jalanil yos, a' li xNa' li choxa neke'xye re. Neke'xchiq' ajwi' injosq'il naq neke'uk'ak sa' xk'ab'a'eb' li jalanil yos.

Li Santil hu

¹⁸ Eb li cocꞌal nequeꞌxcꞌam chak li siꞌ. Ut eb li cui̱nk nequeꞌxloch li xam. Ut eb li ixk nequeꞌxyi̱b li caxlan cua re xlokꞌoninquil li jalanil dios li nequeꞌxye re “Reina re li choxa”. Nequeꞌxmayeja li vino chiruheb li jalanil dios re xqꞌuebal injoskꞌil.

Jeremías 7:18 ပူးပေါင်းရင်းမြစ်များ

Jeremías 19:13

Chixjunileb' li ochoch re Jerusalén, li rochocheb' li awab'ej re Judá ut eb' li kab'l xe'mayejak wi' k'ajpom chiru chixjunileb' li chahim ut xe'mayejak b'iin chiruheb' li jalanil yos, te'kanaaq chi muxb'il ruheb', jo' tz'aqal Tófet»”.

1 Corintios 10:22

Malaj tqaj xyoob'ankil xsowenal li Qaawa'? Ma q'axal kawo tab'i' laa'o chiru li Yos?

1 Reyes 14:9

Laa'at q'axal yib' chik ru xab'aanu chiruheb' li ke'wank junxil: xayiib'eb' aayos ut li xjalam uheb', yal re xyoob'ankil injosq'il ut re intz'eqtaanankil.

Jeremías 32:29

Eb' laj Kaldeha li yookeb' chi yalok rik'in Jerusalén te'ok chisa', te'xk'e xxamlel ut taa'oso'q rochb'eeneb' li ochoch nak'atmank wi' pom chiru laj Bahal ut na'uk'mank b'iin sa' xk'ab'a'eb' li jalanil yos yal re xchiq'b'al linjosq'il.

Jeremías 25:7

A'ut laa'ex ink'a' nikineepaab' -chan li Qaawa'-; kechiq' b'an injosq'il naq nekeloq'oni li xyiib'ahom leeruq', ut rik'in a'an nekeb'oq chaq li rahilal sa' eeb'een.

Jeremías 11:17

Li Nimajwal Yos, li ki'awok aawe, kixteneb' jun nimla rahilal sa' aab'een, xb'aan li xmaa'usilaleb' laj Israel ut eb' laj Judá: ke'xchiq' xjosq'il xb'aan naq ke'mayejak k'ajpom chiruheb' laj Bahal.

Isaías 3:8

Relik chi yaal naq yo chi sache'k Jerusalén ut juk'b'il chik Judá, xb'aan naq ink'a' us li xyehom xb'aanuhomeb'; xik' neke'ril li Qaawa' ut xe'xchiq' xjosq'il li Yos.

1 Reyes 16:2

“Laa'at maak'a' aawankil naq xatwank. Ut laa'in xatinxaqab' cho'q xjolomil lintenamit Israel. Ab'an laa'at xachiq' injosq'il naq xab'aanu li maa'usilal kixb'aanu laj Jerobohán ut xak'e chi maakob'k lintenamit Israel.

Deuteronomio 32:21

Xine'xk'e chi sowenak chirix li moko yos ta, xe'xchiq' injosq'il rik'in xloq'oninkileb' li yal k'oxlanb'il yos. Jo'kan naq laa'in tink'eheb' chi sowenak chirix li moko tenamit ta, tinyoob' xjosq'ileb' rik'in jun jip aj tenamit.

Deuteronomio 32:16

Ke'xchiq' xjosq'il li Yos xb'aaneb' li jalanil yos ut ke'xyoob' xrahil xch'ool xb'aan li tz'i'b'eetalil na'leb'.

Deuteronomio 4:19

Naq taawil li choxa, li saq'e, li po, eb' li chahim ut chixjunil li wank chiru choxa, maak'e aawib' chi b'alaq'iik chi moko taawiq'ib' aawib' chiruheb' chi xloq'oninkileb' ru, xb'aan naq li Qaawa' laaYos kixyiib' eb' a'an re naq te'k'anjelaq chiruheb' chixjunil li tenamit wankatqeb' junsut junrub'el choxa.

Ezequiel 20:28

Laa'in kink'ameb' sa' li chaab'il ch'och' li kinyeechi'i reheb' sa' jurament, ut ka'ajwi' ke'ril junaq tzuul najt xteram malaj junaq che' jwal nim li xmu, aran ke'mayejak ut ke'xyeechi'i li ink'a' nawulak chiwu; aran ajwi' ke'xk'at li xpomeb' li jwal sununk xb'ook ut ke'xmayeja li chaab'il b'iin.

Jeremías 44:25

Li Nimajwal Yos, li xYos laj Israel, naxye chi jo'ka'in: «Laa'ex ut eb' leerixaqil xeye rik'in xtz'uumal eere, ut rik'in leeruq' xeb'aanu li k'aru xeye: Tento tqab'aanu chi tz'aqal re ru li qayeechi'om naq toomayejanq k'ajpom ut b'iin chiru li xNa' li choxa, chankex. Us b'i', paab'omaq leeyeechi'om ut b'aanuhomaq chi junpaat!

Isaías 65:11

“A'ut laa'ex li neketz'eqtaana li Qaawa' ut neketz'eq chirix eech'ool linsantil tzuul, li nekemayeja li tzekemq chiru laj Gad ut nekenujob'resi li sek' rik'in b'iin cho'q re laj Mení,

Isaías 65:3

jun tenamit li junelik naxchiq' injosq'il chi xnaq' wu xb'aan naq namayejak chiruheb' li jalanil yos sa' xna'ajeb' li awimq ut naxk'at li k'ajpom sa' xb'eeneb' li xanil artal;

Isaías 57:6

“At Israel, nawulak chawu xloq'oninkileb' ru eb' li t'ort'ookil pek li wankeb' sa'eb' li nima', xb'aan naq a'aneb' tz'aqal aaweechanihom. Sa' xb'eeneb' ajwi' a'an xahoy laab'iin naq xatmayejak. Ma taach'anaaq linjosq'il xb'aan a'an naq nakak'oxla?

Salmos 16:4

K'ajo' xk'ihal li xyoseb', ut sa' aanil neke'xik chirixeb'. A'ut laa'in maajaruj tinmayejaq kik' chiruheb', chi moko tinyaab'aheb' li xk'ab'a' rik'in xtz'uumal we.

Jeremías 7:17

Ma ink'a' nakak'e reetal li neke'xb'aanu sa'eb' li tenamit sa' xteepal Judá ut sa'eb' li b'e re Jerusalén?

Jeremías 17:2

Eb' laawalal aak'ajol najultiko'k reheb' eb' li artal ut li xtooneb' li che' nekek'e cho'q yos, li wankatqeb' sa' xmuheb' li che', sa' xb'eenatq eb' li xninqal b'ool

Lamentaciones 5:13

Eb' li saaj winq xe'k'ehe'k chi reek'asinkil li ke'leb' pek; ut eb' li kok'al xe'k'utzq'iik xb'aan iiqank si'.

Ezequiel 8:17

Toja' naq li Yos kixye we: “Ma xak'e reetal, a Esekiel? Ma ink'a' tz'aqal cho'q reheb' laj Judá xb'aanunkil eb' a tz'i'b'eetalil a'in sa' li wochoch? K'a'ut naq toj neke'raj xnujob'resinkil chi raaxiik' li tenamit ut xchiq'b'al linjosq'il chi yo'oon? Utz' chanru li xchuhil li xmayejeb' nawulak sa' wu'uj.

Ezequiel 16:26

Katmaakob'k rik'ineb' laj Ejiipt, laawechkab'aleb' li numtajenaq aj muxul ixqeb', ut rik'in a'an kachiq' injosq'il.

Jeremías 1:16

Xb'aan li xk'iila maa'usilal tinraqoq aatin sa' xb'een lintenamit xb'aan naq xine'xtz'eqtaana ut a'eb' chik li jalanil yos xe'xloq'oni ru: xe'k'atok pom chiruheb' li xyiib'ahomeb' rik'in ruq'eb'.

Jeremías 44:4

«Laa'in junelik kink'e inch'ool chi xtaqlankileb' chaq eerik'in linpropeet, aj k'anjeleb' chiwu, re xyeeb'al eere naq meeb'aanu li tz'i'b'eetalil na'leb' li ink'a' nawulak chiwu.

Ezequiel 8:16

Moqon chik kinxk'am toj chiru li neb'aal wank chisa' li rochoch li Qaawa', ut kink'e reetal naq, sa' xyanq li artal rik'in li neb'aal, wankeb' oob' xka'k'aal chi winq, neke'rixkin li rochoch li Yos ut yookeb' chi ilok sa' xjayal releb'l saq'e, wiq'wookeb' chi xloq'oninkil ru li saq'e.