Jeremías 7:14 - Q'eqchi Bible

¹⁴ Jo'kan naq li ochoch a'in li nanimaak wi' link'ab'a', li kaw wi' leech'ool ut ink'ehom eere jo' ajwi' reheb' leena' leeyuwa', tinkanab' jo' kinkanab' li wochoch aran Siló.

Li Santil hu

¹⁴ Joꞌcan nak tinba̱nu re lin templo joꞌ quinba̱nu re li naꞌajej Silo. Tinba̱nu aꞌan re lin templo li cau cuiꞌ e̱chꞌo̱l, li quinqꞌue re le̱ xeꞌto̱nil yucuaꞌ ut e̱re ajcuiꞌ la̱ex.

Jeremías 7:14 ပူးပေါင်းရင်းမြစ်များ

Jeremías 7:4

Meeb'alaq'i eerib' chi xyeeb'al: Arin wank rochoch li Qaawa', waayi' li rochoch li Qaawa', a'in li rochoch li Qaawa'!

Jeremías 7:10

Chirix chik a'an nekexchalk arin sa' li wochoch li ninloq'oniik wi', ut nekeye: Kolb'ilo, sa wanko arin, chankex. Ut nekeb'aanu wi' chik chixjunil li maa'usilal a'an.

Salmos 78:60

kixkanab' li xmuheb'aal wank aran Siló, a' li rochoch kixk'ojob' sa' xyanqeb' li winq.

2 Reyes 25:9

Kixk'at li rochoch li Yos, li rochoch li awab'ej ut chixjunileb' li ochoch wankeb' Jerusalén; kixk'ateb' ajwi' li rochocheb' li xninqaleb' ru winq.

Deuteronomio 28:52

“Te'xsut aawix sa' chixjunileb' laatenamit toj reetal te't'ane'q eb' li tz'ak najt xterameb' ut yiib'anb'ileb' chi chaab'il, a' li kaw wi' aach'ool. Te'xsut aawix sa' chixjunileb' laatenamit ut sa' li na'ajej xk'ehom aawe li Qaawa' laaYos.

Ezequiel 24:21

«Ye reheb' laj Israel: Li Qaawa' xye chi jo'ka'in: Ok we chi xsachb'al xwankil li wochoch, li q'axal nawulak cheru ut jwal nekera, a'an li xsahilal ut li xkawilal leech'ool. Te'kamq ajwi' leeralal eek'ajol li kekanab' chaq Jerusalén: te'kamsiiq chi ch'iich'.

Lamentaciones 4:1

K'ajo' naq xq'eqo'k ru li oor, ink'a' chik nalemtz'unk li chaab'il oor! Cha'chookeb' yalaq b'ar sa' b'e li xloq'laj pekil li rochoch li Yos.

Lamentaciones 2:7

Li Qaawa' xtz'eqtaana li x'artal ut xtz'eq chirix xch'ool li xsantil Na'aj. Xkanab' li xsuttz'akil li tenamit sa' ruq'eb' li xik' neke'ilok qe. K'ajo' li japok e sa' rochoch li Yos, chanchan wi' sa' jun ninq'e.

Jeremías 26:18

“Chiru xyu'amil laj Esekías, awab'ej re Judá, laj Mikeas aj Moréset ki'aatinak sa' xk'ab'a' li Qaawa' naq kixye reheb' chixjunil li tenamit: «Jo'ka'in xye li Nimajwal Yos: Sión kama'aq chik li k'aleb'aal re awk, ut Jerusalén taakanaaq cho'q po'lem, ut taak'iche'o'q li xna'aj li rochoch li Yos».

Jeremías 7:12

«Ayuqex anaqwan aran Siló, sa' li na'ajej kiloq'oniik wi' wu najter, ut k'ehomaq reetal k'aru kinb'aanu re xb'aan li xmaa'usilaleb' laj Israel, lintenamit.

Isaías 64:11

Li qaloq'laj tijob'aal li q'axal ch'ina'us rilb'al, b'arwi' kate'xloq'oni eb' li qana' qayuwa', x'oso'k sa' li xam. Jo'ch'inal jo'nimal li xsaho'k wi' li qach'ool maak'a' chik rusil anaqwan.

2 Crónicas 7:21

Chixjunileb' li te'nume'q chiru li xchaq'alil ru ochoch a'in, naq po'lemaq aj chik, te'sachq xch'ool, te'se'eq ut te'xpatz'i rib' chirib'ileb' rib': «K'a'ut anchal naq li Qaawa' xb'aanu chi jo'ka'in re li tenamit ut li ochoch a'in?», cha'qeb'.

Deuteronomio 12:5

Laa'ex tento toxeesik' chaq li Qaawa' leeYos ka'ajwi' sa' li na'ajej xaqab'anb'il xb'aan, sa' xyanq chixjunileb' li teep, re naq aran taahilanq li xk'ab'a'.

Jeremías 23:39

laa'in texintz'eq chirix linch'ool ut texwisi sa' xnaq' wu, laa'ex jo'wi' li tenamit ink'ehom eere ut cho'q reheb' leena' leeyuwa'.

Ezequiel 23:31

Xatzol aawib' rik'in laachaq'na'; jo'kan naq taatoj rix laamaak jo' naq kixtoj rix li xmaak a'an.

Jeremías 12:7

“Xinkanab' li rochochil laj Israel ut xintz'eqtaana li weechanihom. Xinq'axtesi li jwal raaro inb'aan sa' ruq'eb' li xik' neke'ilok re.

Jeremías 26:4

Ye reheb': «Wi ink'a' tineepaab' ut ink'a' teeb'aanu li naxye linchaq'rab' ink'ehom eere,