Jeremías 7:13 - Q'eqchi Bible

¹³ Naab'al sut xexinq'us chirix naq ink'a' us nekeb'aanu, a'ut laa'ex ink'a' xeraj wab'inkil; k'iila wa xexwaatina, ut ink'a' xineesume.

Li Santil hu

¹³ Anakcuan ut cꞌajoꞌ li ma̱usilal xeba̱nu. La̱in qꞌuila sut xinye e̱re nak te̱jal e̱cꞌaꞌux, abanan la̱ex incꞌaꞌ nequeraj rabinquil li cua̱tin. La̱in xexinbok re nak texsukꞌi̱k cuiqꞌuin, abanan incꞌaꞌ xeraj.

Jeremías 7:13 ပူးပေါင်းရင်းမြစ်များ

Isaías 65:12

laa'in texink'e chi kamsiik chi q'esnal ch'iich' ut chejunilex tex'oso'q chi ch'otb'il leekux, xb'aan naq xexinb'oq ut ink'a' xineesume, xexwaatina, ut ink'a' xeraj wab'inkil; xeb'aanu b'an li ink'a' nawulak chiwu, a' chik li nachiq'ok injosq'il xesik' xb'aanunkil”.

Jeremías 7:25

“Chalen naq ke'elk chaq leena' leeyuwa' sa' li tenamit Ejiipt toj anaqwan, rajlal xintaqla eerik'in eb' li propeet, laj k'anjeleb' chiwu.

Proverbios 1:24

Ab'an xexinb'oq ut ink'a' xeraj wab'inkil; xinye eere naq texchalq wik'in, ut maajun sa' eeyanq xsumenk.

San Mateo 23:37

“At Jerusalén, Jerusalén, li nakakamsiheb' li propeet ut nakakuteb' chi pek li taqlanb'ileb' chaq aawik'in! K'ajo' naq xwaj raj xch'utub'ankileb' laawalal aak'ajol, kama' junaq kaxlan naxkupuheb' li ral rub'el li xxik', ut ink'a' xeraj!

Zacarías 7:13

Jo' naq eb' a'an ink'a' ke'raj wab'inkil naq keb'inb'oq, laa'in ink'a' ajwi' nawaj rab'inkil li neke'xtz'aama ut neke'relaji chiwu.

Oseas 11:7

Lintenamit jwal kaw xch'ooleb' chintz'eqtaanankil; us ta neke'xpatz' xk'ab'a' laj Bahal, ab'an maajun natenq'ank reheb'.

Oseas 11:2

A'ut naq q'axal kinra, jwal kixnajtob'resi chik rib' wik'in: lintenamit neke'mayejak chiruheb' laj Bahal ut neke'xk'at xpom chiruheb' li jalanil yos.

Jeremías 44:4

«Laa'in junelik kink'e inch'ool chi xtaqlankileb' chaq eerik'in linpropeet, aj k'anjeleb' chiwu, re xyeeb'al eere naq meeb'aanu li tz'i'b'eetalil na'leb' li ink'a' nawulak chiwu.

Jeremías 35:17

«Jo'kan utan laa'in, li Nimajwal Yos, li xYos laj Israel, ninye chi jo'ka'in: Tintaqla chaq sa' xb'eeneb' laj Judá ut eb' laj Jerusalén chixjunil li rahilal inyehom chaq resil, xb'aan naq xe'waatina ut ink'a' xine'xpaab', xinb'oqeb' ut ink'a' xine'xsume»”.

Jeremías 35:15

Xink'e inch'ool chi xtaqlankil chaq eerik'in eb' linpropeet, laj k'anjeleb' chiwu, re xyeeb'al eere: Kanab'omaq li jo'maajo'il wank, chaab'ilob'resiiq leeyu'am ut meeloq'oni chik ru eb' li jalanil yos chi moko texk'anjelaq chiruheb'. Chi jo'kan wanqex sa' li na'ajej a'in ink'ehom eere laa'ex ut reheb' ajwi' leexe'toonil yuwa'. Ab'anan ink'a' xineepaab' chi moko xeraj wab'inkil.

Jeremías 25:3

“Chalen chaq naq ak oxlaju chihab'aq rokik chi awab'ejink laj Josías, ralal laj Amón, sa' xb'een Judá toj anaqwan, li Qaawa' yo chi aatinak wik'in, ut laa'in yookin chi xyeeb'al eere chi tz'aqal re ru. Ak oxib' xka'k'aal chihab' xtikib'ankil a'an, ab'an laa'ex ink'a' nikineepaab'.

Jeremías 11:7

Naq ke'wisi chaq Ejiipt eb' leena' leeyuwa', kinye reheb' naq tine'xpaab', ut chalen toj anaqwan junelik yookin cheq'usb'al: Ab'ihomaq xyaab' linkux, chankin.

Isaías 66:4

Laa'in ajwi' taasaho'q linch'ool chi xrahob'tesinkileb' ut tintaqla chaq sa' xb'eeneb' li rahilal q'axal neke'xxiwa ru. Xb'aan naq xinb'oqok ut ink'a' xine'xsume, xin'aatinak ut maajun x'ab'ink we; xe'xb'aanu b'an li ink'a' nawulak chiwu, a' chik li nayoob'ank injosq'il xe'xb'aanu”.

Isaías 50:2

K'a'ut naq maajun xintaw naq xink'ulunk chekolb'al? K'a'ut naq ink'a' xineesume naq xexinb'oq? Malaj ut xek'oxla naq ink'a' tinruuq eekolb'al ut maak'a' inwankil re eerisinkil sa' li rahilal? Yal rik'in jun chi aatin ninye, nachaqik li palaw, ut eb' li roq nima' joxk' neke'kanaak; eb' li kar neke'kamk xb'aan li chaqi'eel ut neke'q'aak xb'aan xmajelal li ha'.

Jeremías 13:11

Jo' naq nab'ak'mank li k'aamalsa' chi sa'ej, jo'ka'an naq xwaj xb'ak'b'al wik'in chixjunileb' li tenamit Israel ut Judá, rik'in xk'oxlankil naq a'aneb' raj intenamit, li xnimal ink'ab'a', linloq'al ut linwankilal. A'ut eb' a'an ink'a' xe'raj wab'inkil.

Jeremías 26:5

chi moko teerab'i leeq'usb'al xb'aaneb' li propeet aj k'anjeleb' chiwu, li rajlal xintaqlaheb' eerik'in ab'an xetz'eqtaanaheb',

Jeremías 32:33

Us ta maajun sut xinkanab' xtijb'aleb' ut xq'usb'aleb', ink'a' xe'xk'ul ru li xtzolb'aleb'; ut a' chik lintz'eqtaanankil xe'xb'aanu ruuchil lintaaqenkil,

Jeremías 35:14

Eb' laj Jonadab, li ralal laj Rekab, xe'xpaab' li xchaq'rab'ihom li xxe'toonil yuwa'eb' ut chalen toj anaqwan ink'a' neke'uk'ak b'iin, xb'aan naq neke'xk'e sa' xch'ooleb' li raatin li xxe'toonil yuwa'eb'. Laa'in ajwi' k'iila sut xinye eere k'aru teeb'aanu, ab'anan tik ink'a' nikineepaab'.

Jeremías 44:23

Chixjunil li rahilal li yookex chi xk'ulb'al chiruheb' li kutan a'in, xchalk sa' eeb'een xb'aan naq xexmayejank k'ajpom chiruheb' li jalanil yos, xexmaakob'k chiru li Qaawa' ut ink'a' xex'ab'ink chiru, chi moko xexwank jo' naxye li raatin, li xtaqlahom ut li xchaq'rab'”.

Jeremías 5:21

«Ab'ihomaq li esil a'in, ex jip aj tenamit ut maak'a' eena'leb'! Wank xsa' leeru, ab'an maak'a' nekeril; wank leexik, ut ink'a' nekex'ab'ink.

Jeremías 6:10

Ut laa'in kinye: “Ani taa'ab'inq we, at Qaawa'? Ani twaatinaheb' re xyeeb'al li esilal a'in? Tz'aptz'ookeb' li xxik ut ink'a' neke'ab'ink; neke'xse'e laawaatin ut ink'a' nawulak chiruheb'.

Jeremías 11:8

Ab'anan ink'a' ke'ab'ink chiwu chi moko kine'xpaab', ke'xq'etq'eti b'an chik rib' chiwu ut ke'ok chi xb'aanunkil li naraj li xjip aj ch'ooleb'. Ink'a' ke'xpaab' li k'aru kinchaq'rab'iheb' wi'; jo'kan naq kinrahob'tesiheb' jo' yeeb'il sa' li Sumwank»”.

Jeremías 13:10

Li reemaaru aj tenamit a'in li ink'a' neke'raj xpaab'ankil li waatin, neke'b'eek jo' naraj li xjip aj ch'ooleb' ut xkoho xch'ooleb' chirixeb' li jalanil yos re xk'anjelankil ut xloq'oninkil ruheb', toxe'kanaaq jo' li k'aamalsa' a'in li maak'a' chik na'ok wi'.

Jeremías 29:19

Xb'aan naq ink'a' xineepaab' naq xexinq'us chi xtz'uumal reheb' li propeet, aj k'anjeleb' chiwu, li naab'al sut xintaqla chaq eerik'in ut laa'ex ink'a' xeraj rab'inkileb'.

Oseas 9:17

Li tenamit a'in ink'a' xe'paab'ank chiru li Qaawa'; jo'kan naq te'tz'eqtaanaaq xb'aan linYos ut yal te'xb'eeni aj chik rib' sa'atqeb' li jalanil tenamit.