Jeremías 6:29 - Q'eqchi Bible

²⁹ Sa' tiqwal xam nach'ajob'resiik li q'unch'iich', ab'an maak'a' aj e naq naxtawasi rib' laj k'anjel wi ink'a' na'elk li xtz'ajnil li q'unch'iich'. Jo'kaneb' ajwi' li ink'a' useb' xna'leb': ink'a' na'elk li xmaa'usilaleb' xch'ool.

Li Santil hu

²⁹ Usta kꞌaxal ra xeꞌxcꞌul, abanan incꞌaꞌ nequeꞌraj xcanabanquil li ma̱usilal. Chanchaneb li chꞌi̱chꞌ. Usta kꞌaxal tik li xam re risinquil lix tzꞌajnil li chꞌi̱chꞌ, abanan ma̱cꞌaꞌ rajbal li xam cui lix tzꞌajnil li chꞌi̱chꞌ incꞌaꞌ na-el.

Jeremías 6:29 ပူးပေါင်းရင်းမြစ်များ

1 Pedro 4:12

Ex was wiitz'in raarookex inb'aan, misachk eech'ool rik'in li xam xlochmank sa' eeyanq re eeyalb'al, jo' ta raj wi' li maajun wa eerilom.

Zacarías 13:9

Ut li jun jachal a'in tinnumsiheb' sa' xam, tinch'ajob'resiheb' jo' na'uxk re li plaat, tinpuuxi ruheb' jo' na'uxk re li oor. Toja' naq te'xyaab'a link'ab'a', ut laa'in tinsumeheb' chaq: «Intenamitex laa'ex», cha'qin reheb'; ut eb' a'an te'xye: «Li Qaawa' a'an li qaYos», cha'qeb'”.

Oseas 11:7

Lintenamit jwal kaw xch'ooleb' chintz'eqtaanankil; us ta neke'xpatz' xk'ab'a' laj Bahal, ab'an maajun natenq'ank reheb'.

Ezequiel 24:13

«At Jerusalén, laa'in xwaj aach'ajob'resinkil rik'in laatz'i'b'eetalil b'aanuhom, a'ut laa'at ink'a' xakanab' aawib' chi ch'ajob'resiik. Tatsaqo'q ka'ajwi' naq twisi linjosq'il sa' aab'een.

Jeremías 9:7

Jo'kan naq li Qaawa', li Nimajwal Yos, kixye chi jo'ka'in: “Tinrahob'tesi lintenamit re xch'ajob'resinkileb', xb'aan naq k'a' ta chik ru tinb'aanu reheb' re te'usaaq?

Isaías 49:4

Xb'aan naq laa'in kink'oxla: “Maak'a' aj e naq xinyal inq'e chi k'anjelak, yal xintawasi wib' chi maak'a' rajb'al”. Ab'anan ninb'aanu link'anjel sa' xk'ab'a' li Qaawa' ut linq'ajkamunkil wan chaq rik'in linYos.

Proverbios 17:3

Li oor ut li plaat sa' xam neke'ch'ajob'resiik; ab'an li qach'ool nayale'k rix xb'aan li Qaawa'.

1 Pedro 1:7

Xb'aan naq leepaab'aal, a'an chanchan li oor li nayale'k sa' xam re rilb'al ma chaab'il. Li paab'aal li naxkuy li yale'k, a'an q'axal loq' chiru li oor li nalajk na'oso'k. Jo'kan wi tz'aqal re ru leepaab'aal, taanimaaq leek'ab'a', jo' ajwi' leeloq'al ut leeroxloq'inkil sa' li xk'utb'esinkil rib' li Jesukriist.

Jueces 17:4

a'in kixchap lajeek'aal (200) chi tumin plaat ut kixk'am rik'in jun aj tenol plaat. Aran kiyiib'amank jun pak'b'il yos li kik'ehe'k sa' rochoch laj Mikaías.

Jeremías 15:19

Toja' naq li Qaawa' kixye we chi jo'ka'in: “Wi tatsutq'iiq chaq wik'in, laa'in tatink'ul wi' chik ut tat-ok wi' chik chi k'anjelak chiwu. Wi taakanab' xyeeb'al memil aj aatin ut taatikib' xyeeb'al li jwal aajel ru, laa'at li tat-aatinaq sa' ink'ab'a'. A'eb' li poyanam tento te'sutq'iiq aawik'in, moko laa'at ta li tatsutq'iiq rik'ineb'.

Ezequiel 24:12

Ab'anan q'axal q'ol ru li uk'al: chi moko taa'elq li xq'olel xb'aan li xam!