Jeremías 6:23 - Q'eqchi Bible

²³ Wankeb' chaq xsimaj ut xq'esnal ch'iich' sa' ruq'eb'; jwal anumeb' chi yalok, ut maajun neke'ril xtoq'ob'aal ru. Chanchan xyaab' li palaw naq neke'xjap chaq reheb', ut junes chirix kawaay neke'b'eek. Junchalikaqeb' chi yalok eerik'in, ex aj Jerusalén”.

Li Santil hu

²³ Ac cuan chak lix chꞌi̱chꞌeb saꞌ rukꞌeb ut lix tzimaj. Kꞌaxal joskꞌeb. Ma̱ ani nequeꞌril xtokꞌoba̱l ruheb. Yo̱queb chi cha̱lc chirix cacua̱y chi pletic riqꞌuineb laj Jerusalén. Nak nequeꞌxjap re chanchan nak na-ecꞌan ru li palau.—

Jeremías 6:23 ပူးပေါင်းရင်းမြစ်များ

Isaías 13:18

Chi simaj te'xkamsi eb' li saaj al, ink'a' te'ril xtoq'ob'aal ruheb' li k'uula'al, chi moko te'xkuy xmaakeb' li kok'al.

Jeremías 50:42

Wankeb' chaq xjutz' ch'iich' ut xsimaj sa' ruq'eb', q'axal josq'eb' ut maajun neke'ril xtoq'ob'aal ru. Chanchan xkawil oq li palaw naq neke'xjap reheb' ut wankeb' chaq chirix kawaay. Yo'oon wankeb' chi yalok aawik'in chi kaw, a Babilonia.

Jeremías 30:14

Xate'xtz'eq chirix xch'ooleb' eb' li neke'rahink aawu, maak'a' chik nakate'raj wi'. Xb'aan naq xatintiq' jo' naxb'aanu li xik' na'ilok, jo' naxb'aanu li josq' aj winq; xatinrahob'tesi xb'aan xk'ihal laamaak: k'ajo' li maa'usilal xab'aanu!

Jeremías 5:16

Chixjunileb' a'an jwal kaweb' rib', ut naq neke'kutuk chi simaj, maajun nakole'k.

Jeremías 4:29

Xb'aan xyaab' xkuxeb' li k'iila aj puub' jo'eb' ajwi' li neke'kutuk rik'in simaj, chixjunileb' li poyanam te'xkanab' li na'ajej wankeb' wi': wankeb' te'eleliq sa'atqeb' li k'iche', wankeb' chik te'lochte'eq chiruheb' li saqoonak. Nakirirnak te'kanaaq chixjunileb' li tenamit ut maajun chik taatawmanq aran.

Jeremías 4:13

Ilomaq, eb' li xik' neke'ilok re li tenamit yookeb' chi chalk jo'eb' li choql; li xkaareb' a'an chanchaneb' li kaqsut-iq' chi chalk, ut eb' li kawaay neke'aanilak chi kaw chanchan xseeb'aleb' li t'iw. Q'axal toq'ob'aal qu xb'aan naq oso'k qe.

Isaías 19:4

Tinq'axtesi Ejiipt sa' ruq' jun josq' aj winq; jun reemaaru aj awab'ej taanumtaaq sa' xb'eeneb'”, chan li Nimajwal Yos.

Deuteronomio 28:49

Li Qaawa' tixwaklesi chaq sa' aab'een jun li tenamit chalenaq chi najt, toj sa' xmaril chaq li ruuchich'och', kama' naq nachalk li t'iw. Taachalq jun tenamit jalan chik raatinob'aaleb',

Isaías 10:32

Hoon ajwi' eb' laj Asiria te'hilanq aran Nob; te'xk'ut li reetalil li yalok aran Sión, sa' xtzuulil Jerusalén.

Isaías 17:12

Japeb' chaq re eb' li k'iila poyanam chi chalk, chanchan xyaab' li xkaw oq li palaw naq neke'xjap chaq reheb'. Neke'tenlok chaq chi chalk eb' li poyanam, jo' naq nakilinb'ak xyaab' li b'ut'iha'.

Jeremías 6:4

“Kawresihomaq eerib' chi yalok rik'in Jerusalén -cha'qeb'-. Waklinqex ut yo'qeb' chi yalok rik'ineb' tuqtu wa'leb'! Ab'anan q'axal toq'ob' qu xb'aan naq ak yo chi ewuuk, ok re li q'oqyink.

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

Ezequiel 21:31

aran twisi linjosq'il sa' eeb'een, texinsach xb'aan xpo'ik linch'ool ut texinq'axtesi sa' ruq'eb' li josq' aj winq, li k'aynaqeb' chi kamsink.

Jeremías 4:16

“Yehomaq reheb' li xninqal ru tenamit ut re Jerusalén naq eb' laj xik'il uuchinel ak wankeb' arin; toj najt xe'chalk chaq, japjookeb' chaq re chi chalk sa' xb'eeneb' li tenamit re Judá.

Jeremías 8:16

Chalen chaq Dan neke'xeeyank chi chalk li xkawaayeb'; neke'tz'ejnak chi chalk, nachiq'lok li ch'och'. Chalkeb' re chi xsachb'al li tenamit jo'wi' chixjunil li xsahil eechej; te'xjuk'iheb' li na'ajej ut jo'k'ihaleb' li wankeb' chisa'”.

Jeremías 25:32

Jo'ka'in kixye li Nimajwal Yos: “Relik chi yaal naq li raaxiik' taanume'q sa' jalan jalanq chi tenamit, ut k'ajo' li rahilal taawanq chalen toj sa' xmaril chaq li ruuchich'och'”.

Jeremías 50:41

Sa' xjayal chaq releb'l iq' chalk re jun tenamit, jun xnimal ru tenamit jwal kaw rib', jo'wi' naab'aleb' li awab'ej xe'waklije'k chaq junsut junrub'el choxa.