Jeremías 6:16 - Q'eqchi Bible

¹⁶ Jo'ka'in kixye li Qaawa': “Xaqlinqex sa'atqeb' li b'e ut ilonqex, patz'omaq chirixeb' li najter b'e b'ar wank li b'e chaab'il; a'an li b'e teek'am re naq sa chik texwanq”. A'ut eb' a'an ke'xye: “Ink'a' naqaj xik sa' li b'e a'an”, chankeb'.

Li Santil hu

¹⁶ Li Ka̱cuaꞌ quixye reheb lix tenamit: —Xaklinkex saꞌ xa̱la be ut qꞌuehomak retal. Patzꞌomak bar cuan li be re najter ut bar cuan li cha̱bil be. Texxic saꞌ li cha̱bil be ut te̱tau li tuktu̱quil usilal, chan li Dios. Abanan eb aꞌan queꞌxye: —Incꞌaꞌ nakaj xsicꞌbal li be aꞌan, chanqueb.

Jeremías 6:16 ပူးပေါင်းရင်းမြစ်များ

Isaías 30:21

ut rik'in leexik teerab'i naq yooq chi aatinak chaq cherix: “A'an a'in li b'e; ayuqex aran, a' yaal ma sa' leenim malaj sa' leetz'e uq'”, cha'aq.

Jeremías 18:15

Ab'an lintenamit xinxtz'eq chirix li xch'ool, ut namayejak chik k'ajpom chiruheb' li jalanil yos. Xe'tichk'ok ut xe'xkanab' li chaab'il b'e ink'utum chiruheb' junxil, ut a' chik li ink'a' usil b'e ke'ok xtaaqenkil li ink'a' xnawomeb' ru.

Deuteronomio 32:7

“Jultikaq aawe eb' li kutan ke'nume'k junxil, chatawaq xyaalal li b'arwan kik'ulmank najter. Patz'on re laayuwa', ut a'an tixseeraq'i aawe; patz'on reheb' li cheekel winq, ut eb' a'an te'xye aawe.

Jeremías 7:23

Li kinchaq'rab'iheb' wi' a'an a'in: «Paab'omaq li waatin; chi jo'kan laa'inaq leeYos ut laa'exaq lintenamit. K'amomaq li b'e tink'ut cheru, re naq junelik us tex'elq», chankin reheb'.

Colosenses 2:6

Jo'kan utan, kama' naq xek'ul chaq li Kristo Jesus, li Qaawa', chexwanq ajwi' anaqwan rik'in A'an:

Isaías 2:5

Ex ralal xk'ajol laj Jakob, waklinqex ut b'eeqo sa' xkutan saqenk li Qaawa' Yos.

San Juan 12:35

Kixye li Jesus reheb': —Toj jun k'amok chik taawanq li saqenk sa' eeyanq. Chexb'eeq naq toj wanq eesaqenk, re naq ink'a' tolexxtaw li aak'ab': ani nab'eek sa' li aak'ab', ink'a' naxnaw b'ar yo chi xik.

Jeremías 18:12

A'ut eb' a'an te'xye aawe: «Maab'ay aawib' chi aatinak, xb'aan naq nawulak chiqu xb'aanunkil li naraj li qach'ool ut li junjunq tixb'aanu jo' chanru naraj li xjipil»”.

Jeremías 22:21

Kin'aatinak aawik'in naq toj sa wankat chaq, ab'an laa'at kaye: «Ink'a' nawaj aawab'inkil», chankat. Jo'kan nakab'aanu chalen chaq sa' laasaajilal: maajun sut nakawaj xpaab'ankil li waatin.

Jeremías 44:16

“Ink'a' tqapaab' li k'aru xaye qe sa' xk'ab'a' li Qaawa',

Hebreos 11:2

Sa' xk'ab'a' a'an xsaho'k xch'ool li Yos chirixeb' li qaxe' qatoon.

San Juan 13:17

Wi nekenaw a'in, us xaq eere wi teeb'aanu chi jo'kan.

Malaquías 4:4

“Misachk sa' eech'ool li xchaq'rab' laj Moisés laj k'anjel chiwu, linchaq'rab' ut eb' li waatin li kink'e re sa' xb'een li tzuul Horeb, cho'q re chixjunileb' laj Israel.

Hebreos 6:12

re naq ink'a' chiq'olo'q eerix, chek'am b'an eere rik'ineb' li yookeb' reechaninkil li xyeechi'om li Yos rik'in li xpaab'aaleb' jo'wi' rik'in li xnimal xkuyumeb'.

Isaías 8:20

Us raj te'aatinaq chi jo'ka'in, ab'anan li k'aru neke'xye, maak'a' na'ok wi'.

San Lucas 16:29

Kiyehe'k ut re xb'aan laj Abrahán: «Wank aran li hu tz'iib'anb'il xb'aan laj Moisés ut eb' li propeet. Che'rab'ihaqeb' a'an».

Isaías 28:12

Li Qaawa' ak xyehom reheb': “Arin wank li na'ajej re hilank, arin naru wank sa' xyaalal. K'ehomaqeb' b'i' chi hilank li tawajenaqeb'”. Ab'anan ink'a' xe'raj xpaab'ankil a'an.

San Juan 5:39

“Laa'ex nekek'e eech'ool chi xtzolb'al chi us xsa' li Santil Hu xb'aan naq nekek'oxla xtawb'al li junelik yu'am chisa'. A' li Santil Hu na'aatinak chiwix,

Hechos 17:11

Eb' a'in q'axal q'uneb' xch'ool chiruheb' li wankeb' Tesalónika: ke'xk'ulub'a li Aatin chi anchaleb' xch'ool, yookeb' chi xtz'ilinkil xsa' li Santil Hu rajlal kutan re rilb'al ma yaal li naxye laj Pablo.

Romanos 4:12

Laj Abrahán xyuwa'eb' ajwi' li xk'ulumeb' li sirkunsisyon, eb' li ink'a' k'ojk'o xch'ooleb' rik'in li sirkunsisyon, neke'xk'am b'an reheb' rik'in xpaab'aal li qayuwa' laj Abrahán naq maji'aq xk'ulum li sirkunsisyon.

Jeremías 2:25

Chak'e reetal, at Israel! Ok aawe chi xch'e'b'al laawoq ut taachaqiq xsa' laawe xb'aan li chaqi'eel. Ab'an laa'at nakaye: «Maak'a' chik xja'lenkil: laa'in nawulak chiwu xik chirixeb' laj ab'l tenamit ut eb' li jalanil yos twaj tinloq'oni», chankat.

1 Reyes 8:36

chawab'iheb' chaq toj sa' choxa ut chakuy xmaakeb' laj k'anjel chawu ut eb' laatenamit Israel. Chak'ut chiruheb' li chaab'il b'e tento te'xk'am ut chataqla chaq li hab' sa' xb'een li ch'och' kak'e chireechaniheb' laatenamit.

Salmos 116:7

K'ojk'o li waanm anaqwan xb'aan naq li Qaawa' xrusila wu.

Jeremías 12:16

Relik chi yaal naq a'aneb' xe'tzolok re lintenamit chi yehok jurament sa' xk'ab'a' laj Bahal, ab'an anaqwan naru te'wanq sa' xyanqeb' lintenamit wi relik chi yaal naq neke'xtzol li xpaab'aaleb' laj Israel ut neke'yehok jurament sa' ink'ab'a', sa' xk'ab'a' li yo'yookil Yos.

Jeremías 31:21

“At Israel, k'e reetalil laab'e re naq sa' junpaat taataw; jultikaq aawe, k'e reetal chi us li b'e xatnume'k wi'. Sutq'in chaq, a Israel, kim wi' chik sa'eb' laatenamit, sa' laana'aj a'in.

Jeremías 42:3

Tijon chiqix chiru li Qaawa' laaYos, re naq tixk'ut chiqu li b'e tooxik wi' ut k'aru tqab'aanu”, chankeb'.

Jeremías 50:5

Te'xpatz' xb'ehil li tenamit Sión ut aran te'xik: «Kimqex, qak'amaq qib' sa' usilal rik'in li Qaawa' ut qak'ojob'aq jun sumwank li maajoq'e taasachq sa' qach'ool», cha'qeb'.

Jueces 2:17

Ab'anan chi moko chiruheb' laj k'amol xb'eheb' ke'ab'ink, koho b'an chik xch'ooleb' chirixeb' li jalanil yos ut ke'xwiq'ib' rib' chiruheb'. Sa' junpaat ke'xkanab' li xb'e li xna' xyuwa'eb' li neke'xk'e xch'ool chi xpaab'ankil li xtaqlahom li Qaawa', ut ink'a' ke'xkanesi reheb' a'an.

2 Crónicas 19:11

Laj Amarías, li xb'eenil aj tij, a'an taajolominq eere sa' chixjunil li xk'anjel li Qaawa'; ut laj Sebadías, ralal laj Ismael, xjolomil li xteepal aj Judá, taajolominq re li k'aru naraj li awab'ej. Ut eb' laj Leví te'tenq'anq eere. Kawaq b'i' eech'ool ut yalomaq eeq'e chi k'anjelak! Li Qaawa' chiwanq taxaq rik'in li chaab'ilaq xch'ool”.

Isaías 46:9

Jultikaq eere li k'aru kik'ulmank chaq junxil. Laa'in li Yos, ut maak'a' chik junaq; laa'in li Qaawa', ut maajun juntaq'eetin wi'.

Isaías 57:2

ut neke'xtikib' hilank sa' tuqtuukilal. Xe'wank sa' tiikilal ut anaqwan neke'hilank sa' li xmuqleb'aaleb'.

Jeremías 7:3

Jo'ka'in xye li Nimajwal Yos, li xYos laj Israel: «Chaab'ilob'resiiq leeyu'am ut leeb'aanuhom, ut laa'in texinkanab' chi wank sa' li na'ajej a'in.

Jeremías 7:24

Ab'anan ink'a' kine'xpaab' chi moko ke'raj wab'inkil, ke'xjipi chik rib' ut ke'xb'aanu li k'aru ke'raj xb'aanunkil. Ruuchil li chalk wik'in, intz'eqtaanankil chik ke'xb'aanu.