Jeremías 6:13 - Q'eqchi Bible

¹³ “Chixjunileb', jo' kok' ut ninqi poyanam, junes li k'aru us cho'q reheb' neke'xk'oxla; ut eb' li propeet jo'wi' eb' laj tij ka'ajwi' b'alaq'ik neke'xb'aanu chixjunileb'.

Li Santil hu

¹³ Chixjunileb nequeꞌxrahi ru li biomal, joꞌ eb li toj sa̱jeb, joꞌ ajcuiꞌ li ac che̱queb. Eb li profeta ut eb laj tij aj balakꞌeb.

Jeremías 6:13 ပူးပေါင်းရင်းမြစ်များ

Jeremías 23:11

“Eb' li propeet jo'wi' eb' laj tij yib'ru xna'leb'eb', ut xintaw ajwi' li xmaa'usilaleb' sa' li wochoch -chan li Qaawa'-.

Jeremías 8:10

Jo'kan naq jalan chik taa'eechaninq re li rochocheb', li xk'aleb'aaleb' ut li rixaqileb'. Chixjunileb', jo' kok' ut ninqi poyanam, junes li k'aru us cho'q reheb' neke'xk'oxla; ut eb' li propeet jo'wi' eb' laj tij, ka'ajwi' b'alaq'ik neke'xb'aanu chixjunileb'.

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.

Jeremías 22:17

“A'ut laa'at a' li tumin naxik wi' laach'ool ut maak'a' nakawaj wi' chanru naq taataw; nakak'eheb' chi kamk li maak'a'eb' xmaak, ut nakarahob'tesi ut nakasacheb' laatenamit”.

Miqueas 3:5

A'an a'in xyehom li Qaawa' reheb' li propeet li neke'b'alaq'ink re lintenamit: tuqtuukilal neke'xtz'aama sa' xb'eeneb' li neke'k'ehok reheb' chi wa'ak, ab'an eb' li ink'a' neke'xk'eheb' chi tzekank neke'xtz'aama rahilal sa' xb'eeneb':

Jeremías 14:18

Wi ninxik sa' li k'aleb'aal, nintaweb' li xe'kamsiik chi q'esnal ch'iich'; wi nin'ok sa' li tenamit, nawileb' li poyanam li kamkeb' re xb'aan li we'ej. Ut eb' li propeet jo'wi' eb' laj tij neke'chalk neke'xik sa' li tenamit chi sachsookeb' xch'ool»”.

Jeremías 5:31

Junes tik'ti' neke'xye eb' li propeet, eb' laj tij neke'xb'aanu li neke'raj xch'ooleb', ut lintenamit jo'kan neke'wulak chiruheb'! K'a' chik ru teeb'aanu naq toxraqe'q chixjunil a'in?»”.

Isaías 57:17

Xinjosq'o'k xb'aan naq k'ajo' li ratawom laj Israel; xinrahob'tesi ut xinmuq wib' chiru. Ab'an a'an xq'etq'eti rib' ut xkawub'resi xch'ool sa' li xjipil.

2 Pedro 2:3

Xb'aan xraab'al ru li tumin te'yakoq cherix rik'in b'alaq'il aatin; a'ut chalen junxil yo'oon wank li raqb'a aatin sa' xb'eeneb', ut li roso'jikeb' moko warenaq ta.

1 Timoteo 3:3

maawa'aq aj kalajenaq, chi moko aj raholaq ru tumin malaj aj yoob'anel raaxiik', nimaq b'an xkuyum ut tuulanaq.

San Lucas 16:14

Naq ke'rab'i chixjunil a'in eb' laj Pariseey, a'aneb' aj raholeb' ru li tumin, ke'ok chi reetz'unkil li Jesus.

Ezequiel 33:31

Ut chi jo'kan lintenamit neke'chalk ut neke'k'ojlaak chawu, jo' k'aynaqeb' chi xb'aanunkil, re rab'inkil laawaatin. Ab'anan ink'a' neke'xyu'ami. «Ch'ina'us li aatin a'in!», chankeb', ab'an yal chi xtz'uumal reheb' neke'xk'ulub'a, xb'aan naq li xch'ooleb' naxik ka'ajwi' chirix li tumin.

Ezequiel 22:12

Wankeb' neke'tuminaak ru chi xkamsinkileb' li poyanam, ut numtajenaq ral li to' tumin neke'xpatz'; neke'xtawasi eb' li ras riitz'ineb' ut neke'xmaq' sa' josq'il li k'a'aq ru reheb', ut xine'xtz'ek laa'in chirix xch'ooleb' -chan li Qaawa'-.

Lamentaciones 4:13

Xmaakeb' li propeet ut li xmaa'usilaleb' laj tij, sa' li tenamit Jerusalén xhoye'k xkik'el li maak'a'eb' xmaak.

Jeremías 32:32

xb'aan chixjunil li maa'usilal xb'aanuhomeb' laj Israel jo'wi' eb' laj Judá, re xyoob'ankil linjosq'il, rochb'eeneb' li awab'ej, eb' laj jolominel, eb' laj tij, eb' li propeet ut chixjunileb' li wankeb' Judá ut Jerusalén.

Jeremías 2:26

“Jo' naq laj elq' naxutaanak naq natawe'k chi elq'ak, jo'kaneb' ajwi' naq te'xutaanaq eb' laj Israel, eb' li poyanam, eb' li awab'ej, eb' li xjolomileb' li tenamit, eb' laj tij jo'wi' eb' li propeet:

Jeremías 2:8

Eb' laj tij maajun wa chik ke'xpatz' rib'eb': «B'ar wank li Qaawa'?». Eb' laj tzolol re lintenamit ink'a' ke'xnaw wu; eb' laj jolominel reheb' ke'xq'etq'eti rib' chiwu, ut eb' li propeet sa' xk'ab'a' chik laj Bahal ke'aatinak ut koheb' chirixeb' li jalanil yos li maak'a' neke'ok wi'.

Isaías 28:7

Wankeb' ajwi' li neke'taktotk xb'aan li b'iin ut sachenaq xna'leb'eb' xb'aan li ha' nakaltesink: a'aneb' laj tij ut eb' li propeet li ink'a' chik nach'olaak li neke'xb'aanu xb'aan li b'iin, sachso xna'leb'eb' xb'aan li ha' nakaltesink. Ink'a' chik neke'ch'olaak chi aatinak ut yookeb' xkalajik naq neke'raqok aatin.

2 Pedro 2:1

Ke'wank ajwi' chaq propeet aj b'alaq' sa' xyanq li xtenamit li Yos. Jo'kan ajwi' sa' eeyanq laa'ex te'wanq aj tzolonel aj b'alaq' li te'roksi chaq chi muqmu li b'alaq'il na'leb' re xsachb'al li qapaab'aal; te'xtz'eqtaana ajwi' li Qaawa' li kikolok reheb', ab'anan chi junpaat te'xb'oq li sachk sa' xb'eeneb'.

Jeremías 2:29

K'a'ut naq nekewech' wix, wi xineetz'eqtaana chejunilex? -chan li Qaawa'-.

Jeremías 17:11

Li ani nab'ihomo'k rik'in b'alaq'ik, a'an kama' li xik'anel xul li naxmetzo li mol maawa' re. Taasachq li xb'ihomal chiru, chi junpaat, ut taakanaaq jo' li maak'a' xna'leb'.

Jeremías 27:15

Moko laa'in ta xintaqlank reheb' -chan li Qaawa'-, ut yookeb' chi roksinkil link'ab'a' chi yal tik'ti'. Mare anchal texwisi sa' leena'aj, ut texkamq laa'ex jo'wi' eb' li propeet xe'b'alaq'ink eere”.

Jeremías 42:1

Toja' naq chixjunileb' li xjolomileb' laj puub' rochb'eeneb' laj Jwan, ralal laj Kareha, ut laj Asarías, ralal laj Hosaías, ut chixjunileb' li poyanam, jo' kok' ut ninq, ke'wulak chi aatinak

Jeremías 23:10

Nujenaq li tenamit chi aj muxuleb' sumlaak; junes maa'usilal naxik wi' xch'ooleb' li poyanam, ut neke'roksi li xwankileb' chi xb'aanunkil li ink'a' us. Jo'kan naq majewanb'il li ruuchich'och' xb'aan li Qaawa'; xe'chaqik li ha' ut xk'ate'k li pim sa' li chaqich'och'.