Jeremías 6:12 - Q'eqchi Bible

¹² Eb' li rochocheb', li xk'aleb'aaleb' ut li rixaqileb' jalan chik taa'eechaninq reheb', naq tintaqla chaq li nimla rahilal re xrahob'tesinkileb' li wankeb' sa' li na'ajej a'in -chan li Qaawa' Yos-.

Li Santil hu

¹² Eb li rochoch ta̱cana̱k chokꞌ reheb jalan chic, joꞌ ajcuiꞌ lix chꞌochꞌeb ut eb li rixakil. Joꞌcaꞌin teꞌxcꞌul xban nak la̱in tinqꞌueheb chixtojbal lix ma̱queb li cuanqueb saꞌ li naꞌajej aꞌin.

Jeremías 6:12 ပူးပေါင်းရင်းမြစ်များ

Jeremías 8:10

Jo'kan naq jalan chik taa'eechaninq re li rochocheb', li xk'aleb'aaleb' ut li rixaqileb'. Chixjunileb', jo' kok' ut ninqi poyanam, junes li k'aru us cho'q reheb' neke'xk'oxla; ut eb' li propeet jo'wi' eb' laj tij, ka'ajwi' b'alaq'ik neke'xb'aanu chixjunileb'.

Isaías 5:25

Jo'kan naq xchalk xjosq'il li Qaawa' sa' xb'een li xtenamit ut xk'eheb' chi xtojb'al li xmaakeb'. Xe'eek'anje'k li tzuul sa' li xna'ajeb' ut t'ant'ookeb' sa' b'e xe'kanaak eb' li kamenaq jo'keb' li mul. Ab'anan li Qaawa' toj maji' naraqe'k li xjosq'il, ut toj yo ajwi' chi rahob'tesink.

Sofonías 1:13

Jo'kan naq taa'elq'aaq li xb'ihomaleb' ut taajuk'manq li rochocheb'. Xe'yiib'ank ochoch, ab'an ink'a' te'wanq chisa'; xe'awk uub', ab'an ink'a' te'uk'aq b'iin”.

Lamentaciones 5:11

Sa' xteepal Judá ut Sión xe'xmux eb' li qixaqil ut eb' li tuq'ixq.

Lamentaciones 5:3

Maak'a' chik qayuwa', neb'a'yox xookanaak wi'; ut eb' li qana' xe'kanaak chi xmalka'anil.

Lamentaciones 3:3

Ka'ajwi' sa' inb'een naxk'ut li xnimal xwankil li ruq', ut nikinxrahob'tesi chixjunil li kutan.

Lamentaciones 2:8

Li Qaawa' xraj xjuk'b'al li xsuttz'akil Sión, li xchaq'alil ru tenamit. Xraq aatin sa' xb'een ut xk'e xch'ool chi sachok, toj reetal xe'hame'k chixjunileb' li xtz'ak ut eb' li xkuut li tenamit, ut nakirnak xe'kanaak.

Jeremías 38:22

Chixjunileb' li ixq li xe'kanaak sa' rochoch li awab'ej re Judá, te'isiiq ut te'q'axtesimanq sa' ruq'eb' li xjolomileb' li xsoldaad li awab'ej re Babilonia; ut eb' li ixq a'an yooqeb' chi xyeeb'al: «Xate'xb'alaq'i ut xe'numtaak sa' aab'een eb' laachaab'il amiiw. Naq xsob'e'k laawoq sa' sulul, xate'xkanab' aajunes», cha'qeb'.

Isaías 10:4

Wi ink'a' teekub'si eerib' sa' xyanqeb' laj preex, texkamq sa' xyanqeb' li te'kamsiiq. Ab'anan ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Isaías 9:21

Eb' laj Manasés ut eb' laj Efraín neke'xkamsi rib' chirib'ileb' rib', ut chi xkab'ichaleb' junxikikeb' chi xsachb'al laj Judá. Ab'anan ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Isaías 9:17

Jo'kan naq li Qaawa' ink'a' tixtoq'ob'a ruheb' li saaj al, ink'a' taaruxtaana ruheb' li neb'a'yox ut eb' li xmalka'an, xb'aan naq chixjunileb' ink'a' useb' xna'leb' ut reemaaruheb', ut junes tz'i' aj aatin neke'xye. Ab'an ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Isaías 9:12

eb' laj Siria xe'chalje'k chaq sa' xjayal releb'l saq'e, ut sa' xjayal rokeb'l saq'e xe'chalk eb' laj Filistea. Sa' junpaat xe'xsach ruheb' laj Israel. Ab'anan ink'a' xch'anaak xjosq'il li Qaawa' ut toj yo chi xrahob'tesinkileb' li tenamit.

1 Crónicas 21:16

Naq laj David ki'ilok taqe'q, kiril li x'ánjel li Qaawa' wank sa' xyanq li choxa rik'in li ruuchich'och', chi wank xjutz' ch'iich' sa' ruq', yo chi xjayalinkil Jerusalén. Toja' naq laj David ut eb' li cheekel winq ke'xhupub' rib' chiru ch'och', chi wank q'es ruhil t'ikr chirixeb'.

Jeremías 7:20

Jo'kan naq li Qaawa' xye chi jo'ka'in: Twisi linjosq'il sa' xb'een li na'ajej a'in, sa' xb'eeneb' li xpoyanamil ut eb' li xul, sa' xb'eeneb' li che' ut eb' li awimq. Ut linjosq'il chanchanaq li choqlenk li ink'a' naru xchupb'al”, chan li Qaawa'.

Jeremías 15:6

Laa'at xattz'eqtaanank we ut xkohat -chan li Qaawa'-. Jo'kan naq laa'in xintitz'k chi xkuyb'al laamaak: xintaqsi li wuq' sa' aab'een charahob'tesinkil ut xinsach aawu.

Jeremías 21:5

Laa'in ajwi' jun tinyaloq eerik'in, rik'in xnimal inwankil ut inmetz'ew, chi k'ajo'aq injosq'il sa' eeb'een.

Jeremías 38:23

“Eb' laawixaqil ut eb' laawalal aak'ajol te'q'axtesiiq sa' ruq'eb' laj Kaldeha, ut laa'at ink'a' tatkole'q sa' ruq'eb' a'an, tate'xk'e b'an rub'el xwankil li awab'ej re Babilonia ut te'xk'at li tenamit a'in”.

Ezequiel 35:3

chi jo'ka'in: «Jo'ka'in xye li Qaawa': At tzuul Seír, laa'in xik' nakatwil. Tinye' li wuq' sa' aab'een re aarahob'tesinkil, ut chaqich'och' tatinkanab' wi'.

Miqueas 2:4

Sa' li kutan a'an taab'ichamanq eere jun li b'ich re rahil ch'oolejil. Te'xye eere: «Xoosache'k chi junajwa. Li qatenamit, li reechanihom li Qaawa', jalan chik laj eechal re anaqwan, ut maajun xramok re. Xjek'iik li qach'och' chirixeb' li xe'eechanink qe», cha'qeb' eere”.

Sofonías 1:4

“Tinrahob'tesiheb' laj Judá ut chixjunileb' li wankeb' Jerusalén. Jo'nimal toj xkanaak re laj Bahal li xyoseb' tinsach ru chi junajwa; a' ajwi' li xk'ab'a'eb' laj k'anjel chiru ut eb' laj tij tinsacheb' ru.

Lamentaciones 5:2

Anaqwan chixjunil li qeechanihom xq'axonk sa' ruq'eb' laj ab'l tenamit; ut eb' li qochoch, jalan chik x'eechanink re.

Ezequiel 7:24

Laa'in tink'ameb' chaq maa'us aj tenamit sa' xb'een, re naq tole'reechani eb' li ochoch. Tinsach li k'aru neke'xq'etq'eti wi' rib' li ninqeb' xwankil ut taamuxmanq ru li xtijob'aaleb'.