Jeremías 6:11 - Q'eqchi Bible

¹¹ K'ajo' linjosq'il xb'aaneb', at Qaawa', jo' laajosq'il laa'at. Ink'a' chik ninkuy”. Li Qaawa' kixye we: “Isi laajosq'il sa' xb'eeneb' li kok'al wankeb' sa' b'e ut sa' xb'eeneb' li junq ch'uut chi saaj al. Te'chape'q li b'eelomej, eb' li ixaqilb'ej jo'wi' eb' li poyanam xikenaqeb' xchihab'.

Li Santil hu

¹¹ Cꞌajoꞌ lin joskꞌil saꞌ xbe̱neb joꞌ la̱ joskꞌil la̱at, at Ka̱cuaꞌ. Incꞌaꞌ chic nincuy, chanquin re. Ut li Ka̱cuaꞌ quixye cue: —Isi la̱ joskꞌil saꞌ xbe̱neb li cocꞌal li cuanqueb saꞌ be ut saꞌ xbe̱neb li sa̱j al li nequeꞌxchꞌutub ribeb. Eb li be̱lomej teꞌcꞌamekꞌ chi pre̱xil rochbeneb li rixakil joꞌ eb ajcuiꞌ li ti̱xeb.

Jeremías 6:11 ပူးပေါင်းရင်းမြစ်များ

Jeremías 20:9

Rajlal naq ninye: “Ink'a' chik tink'oxla li Qaawa' chi moko tin'aatinaq chik sa' xk'ab'a' A'an”, ab'anan laawaatin chanchan jun li xam lochlo sa' linch'ool, li naxk'at chaq xsa'eb' linb'aqel. Us ta nawaj raj xchupb'al, ab'anan ink'a' ninruuk xb'aanunkil.

Jeremías 9:21

“Li kamk x'ok sa'eb' li qab'entaan, xwulak toj sa' li qachaq'alil ru ochoch. Xkamsiheb' li kok'al sa'atqeb' li b'e, ut sa'eb' li k'ayiil xe'kamsiik eb' li saaj al.

Miqueas 3:8

A'ut laa'in li xmusiq' li Qaawa' nak'ehok inkawilal; nujenaqin chi tiikil ut kawil ch'oolej re xch'olob'ankil chiru laj Jakob li xq'etq'etil ut chiru laj Israel li maak xb'aanu.

Apocalipsis 16:1

Chirix chik a'an kiwab'i jun xyaab' kuxej q'axal kaw sa' rochoch li Yos, yo chi xyeeb'al reheb' li wuqub' chi ánjel: “Ayuqex ut hoyomaq sa' xb'een li ruuchich'och' li wuqub' chi sek', li wank xjosq'il li Yos chisa'”.

Hechos 18:5

Naq ke'chalk chaq Macedonia laj Silas ut laj Timoteo, laj Pablo junes chirix li Aatin kixk'e xch'ool, ut naxch'olob' chiruheb' laj Judiiy naq li Jesus a'an li Kriist.

Hechos 17:16

Naq laj Pablo yo chi royb'eninkileb' laj Timoteo ut laj Silas aran Atenas, nak'atnak sa' xch'ool chi rilb'al li tenamit nujenaq chi jalanil yos.

Hechos 4:20

Laa'o ink'a' naru tqakanab' aatinak chirix li qilom ut qab'ihom.

San Lucas 17:34

“Ninye eere naq sa' li q'oqyink a'an wiib' wanqeb' sa' jun chi ch'aat: jun taaxoke'q ut jun taakanab'aaq.

Ezequiel 9:6

Kamsihomaqeb' li cheekel winq, eb' li saaj al, eb' li tuq'ixq, eb' li kok'al ut eb' li ixq, toj reetal naq maajun chik taakanaaq. Ab'anan meekamsiheb' li wankeb' reetalil chi xpeekemeb', ut tikib'omaq wan wi' linsantil ochoch”. Toja' naq eb' li winq ke'xtikib' xkamsinkileb' li cheekel winq li wankeb' chiru li rochoch li Yos.

Ezequiel 3:14

Li xmusiq' li Yos kinxtaqsi ut kinrisi aran; ut laa'in kohin chi ra sa' linch'ool ut yo injosq'il, chi chapchookin chi kaw xb'aan li ruq' li Qaawa'.

Jeremías 18:21

Ab'an anaqwan, at Qaawa', kanab'eb' chi kamk eb' li ralal xk'ajoleb' xb'aan li we'ej malaj chi q'esnal ch'iich'; kanaaqeb' li rixaqil chi xmalka'anil ixq ut maajunaq chik ralal xk'ajoleb'. Eb' li b'eelomej kamqeb' xb'aan li raxkamk ut eb' li saaj winq che'kamsiiq chi q'esnal ch'iich' sa' li yalok.

Jeremías 7:20

Jo'kan naq li Qaawa' xye chi jo'ka'in: Twisi linjosq'il sa' xb'een li na'ajej a'in, sa' xb'eeneb' li xpoyanamil ut eb' li xul, sa' xb'eeneb' li che' ut eb' li awimq. Ut linjosq'il chanchanaq li choqlenk li ink'a' naru xchupb'al”, chan li Qaawa'.

Isaías 40:30

Neke'tawaak ut neke'lub'k eb' li saaj winq, neke'lub'k ut neke't'ane'k eb' li kaweb' rib';

Jeremías 15:6

Laa'at xattz'eqtaanank we ut xkohat -chan li Qaawa'-. Jo'kan naq laa'in xintitz'k chi xkuyb'al laamaak: xintaqsi li wuq' sa' aab'een charahob'tesinkil ut xinsach aawu.

Jeremías 15:17

Maajun wa xinwank sa' xyanqeb' li neke'ch'uch'ib'k chi moko sa' xyanqeb' li neke'sub'uk kutan; junelik xinb'eek injunes xb'aan naq laa'at wankat wik'in, ut laajosq'il na'eek'asink re linch'ool.

Lamentaciones 1:15

Li Qaawa' xtz'eqtaana chixjunileb' li jwal kaweb' rib' chinkolb'al. Xch'utub'eb' li k'iila aj puub' chi yalok wik'in re xsachb'al ruheb' li saaj al neke'okenk chiwix. Xinxyeq'i sa' roq laa'in li tuq'ixq re Judá, jo' na'uxk reheb' li uub' re xyatz'b'al li xya'al.

Lamentaciones 2:21

Eb' li kok'al ut eb' li cheekel winq neke't'anaxinje'k chi ch'och'el; eb' linsaaj al ut eb' li tuq'ixq xe'kamsije'k chi q'esnal ch'iich'. K'ajo' xakamsiheb' sa' xkutankil laajosq'il, ut ink'a' xawil xtoq'ob'aal ruheb'!

Ezequiel 3:3

ut kixye we: “At kaamel winq, nuq' li hu a'in li xink'e aawe, ut chinujaq laasa' rik'in”. Laa'in kinwa' ut k'ajo' xki'al naq kiweek'a, jo' li xya'al kab'.

Ezequiel 24:21

«Ye reheb' laj Israel: Li Qaawa' xye chi jo'ka'in: Ok we chi xsachb'al xwankil li wochoch, li q'axal nawulak cheru ut jwal nekera, a'an li xsahilal ut li xkawilal leech'ool. Te'kamq ajwi' leeralal eek'ajol li kekanab' chaq Jerusalén: te'kamsiiq chi ch'iich'.

Jeremías 5:9

Ma ink'a' tab'i' tink'eheb' chi xtojb'al rix li maak a'an? Ma ink'a' tink'ajtesi ru li tenamit li jo'kan naxb'aanu? -chan li Qaawa'-.

Jeremías 9:20

Ex ixq, ab'ihomaq li raatin li Qaawa'; k'uulahomaq sa' leech'ool li aatin na'elk chi xtz'uumal re. Tzolomaqeb' leeko' rik'in li b'ich a'in re rahil ch'oolejil ut tzolomaqeb' ajwi' leeramiiw ixq chi jo'ka'in: