Jeremías 52:8 - Q'eqchi Bible

⁸ Tikto eb' laj puub' aj Kaldeha ke'xchap raanil chirix laj Sedesías, li awab'ej, ut koxe'xtaw sa' xtaq'ahil Jerikó. Toja' naq chixjunileb' li xsoldaad ke'elelik chiru.

Li Santil hu

⁸ Abanan eb li soldado aj Babilonia queꞌxta̱ke li rey Sedequías ut coxeꞌxchap saꞌ li ru takꞌa re Jericó. Ut chixjunileb lix soldado laj Sedequías queꞌe̱lelic yalak bar.

Jeremías 52:8 ပူးပေါင်းရင်းမြစ်များ

Jeremías 38:23

“Eb' laawixaqil ut eb' laawalal aak'ajol te'q'axtesiiq sa' ruq'eb' laj Kaldeha, ut laa'at ink'a' tatkole'q sa' ruq'eb' a'an, tate'xk'e b'an rub'el xwankil li awab'ej re Babilonia ut te'xk'at li tenamit a'in”.

Jeremías 34:21

Tinq'axtesi ajwi' laj Sedesías, li awab'ej re Judá, ut eb' li xjolomileb' li tenamit sa' ruq'eb' li te'ajoq xkamsinkileb', sa' ruq'eb' li xsoldaad li awab'ej re Babilonia, li ak xe'xkanab' eech'i'ch'i'inkil anaqwan.

Jeremías 32:4

ut laj Sedesías, li awab'ej, ink'a' taakole'q sa' ruq'eb' laj Kaldeha, taaq'axtesiiq b'an sa' ruq' li awab'ej re Babilonia ut te'aatinaq chirib'ileb' rib'.

Jeremías 21:7

Chirix chik a'an tinq'axtesi laj Sedesías, li awab'ej re Judá, sa' ruq' laj Nabukodonosor ut sa' ruq'eb' li neke'ajok xkamsinkil. A'aneb' te'choyoq xkamsinkileb' li te'kole'q sa' li tenamit chirix li raaxiik', li raxkamk ut li we'ej. Tink'eheb' chi kamsiik chi ch'iich', chi maak'a'aq toq'ob'ank u ut usilal cho'q reheb' -chan li Qaawa'-.

Jeremías 39:5

Ab'an eb' laj puub' aj Kaldeha ke'raanilasiheb' ut koxe'xtaw laj Sedesías sa' xtaq'ahil Jerikó. Ke'xchap ut ke'xk'am rik'in laj Nabukodonosor toj Riblá, sa' xteepal Jamat. Aran laj Nabukodonosor kixraq aatin sa' xb'een.

Jeremías 37:18

Tikto laj Jeremías kixpatz' re laj Sedesías, li awab'ej: “K'aru xinmaakon chawu laa'at, chiruheb' laj k'anjel chawu malaj ut chiru li tenamit a'in naq xinaatz'ap sa' tz'alam?

Jeremías 37:17

Moqon laj Sedesías, li awab'ej, kixtaqla xk'amb'al laj Jeremías sa' li rochoch, ut aran kixpatz' re sa' muqmu: “Ma wank junaq raatin li Qaawa' cho'q we?”, chan re. Kichaq'ok laj Jeremías ut kixye: “Wank, at awab'ej. A'an a'in: Laa'at tatq'axtesiiq sa' ruq' li awab'ej re Babilonia”.