Jeremías 52:6 - Q'eqchi Bible

⁶ Sa' li b'eleeb' xb'e li xka po re li chihab' a'an kinumtaak li we'ej sa' li tenamit ut tik maak'a' chik wa cho'q reheb' li poyanam.

Li Santil hu

⁶ Saꞌ li bele̱b xbe li xca̱ po re li chihab aꞌan, quinumta li cueꞌej saꞌ li tenamit Jerusalén ut ma̱cꞌaꞌ chic xtzacae̱mkeb.

Jeremías 52:6 ပူးပေါင်းရင်းမြစ်များ

Jeremías 39:2

Ak b'eleeb' kutan xb'e li xka po re li xjunlaju chihab' rokik laj Sedesías cho'q awab'ej, eb' laj Kaldeha ke'xte jun li okeb'aal sa' li xsuttz'akil li tenamit,

Isaías 3:1

K'ehomaq reetal naq li Qaawa', li Nimajwal Yos, tixkanab' Judá ut Jerusalén chi maak'a' chik wanq re, ut taarisi chixjunil li xwaheb' ut ruk'a'eb'.

Jeremías 38:9

“At awab'ej, yib'ru xe'xb'aanu eb' li winq a'an naq xe'xk'e sa' xjulel li ha' laj Jeremías, li propeet. Toq'ob' ru; aran taakamq xb'aan xtz'okajik, xb'aan naq maak'a' chik wa sa' li tenamit”.

2 Reyes 25:3

Sa' xb'ele li kutan re li xka po re li chihab' a'an kinumtaak li we'ej sa' li tenamit ut tik maak'a' chik wa cho'q reheb' li poyanam.

Zacarías 8:19

“Jo'ka'in naxye li Nimajwal Yos: Li ayuunik chiru li xka po, li ro', li xwuq ut li xlaje po, a'anaq li xnimal sahil ch'oolej cho'q reheb' laj Judá; taasutq'iiq cho'q nimla ninq'e re paab'ank ut loq'onink. Cherahaq b'i' li tiikilal ut li tuqtuukilal.

Ezequiel 14:21

“Laa'in, li Qaawa', ninye chi jo'ka'in: Q'axal ra wi' chik cho'q reheb' laj Jerusalén naq tintaqla sa' xb'eeneb' li kaahib' chi rahilal jwal xiwajel: li raaxiik', li we'ej, eb' li josq' aj xul ut li raxkamk, ut tink'eheb' chi kamk li winq jo'wi' eb' li xul.

Ezequiel 7:15

Chirix li tenamit yo li raaxiik', ut chisa' wank li yajel ut li we'ej. Li ani wanq chaq sa' k'aleb'aal, taakamsiiq chi ch'iich', ut li ani wanq sa' li tenamit taakamq xb'aan li we'ej ut li yajel.

Lamentaciones 5:10

Naxamnak li qatib'el jo' xtiqwal li xam, xb'aan xmay li tz'okaak.

Jeremías 25:10

Ink'a' chik taa'ab'imanq li ninq'ehik sa' xyanqeb', chi moko li sahil ch'oolejil ut li b'ichank re li sumlaak; ink'a' chik taa'ab'iiq xyaab' li ke'leb' ut maak'a'aq chik li xsaqenkil li xam.

Jeremías 21:9

Ani taakanaaq sa' li tenamit a'in, taakamq sa' li yalok, xb'aan li we'ej malaj xb'aan li raxkamk. Ab'an li taa'elq ut tixq'axtesi rib' sa' ruq'eb' laj Kaldeha li yookeb' chi sutuk tenamit, taakole'q, ink'a' taakamq.

Jeremías 19:9

Tink'eheb' li poyanam chi xtzekaheb' li ralal xk'ajoleb'; li junjunq tixtzeka xtib'el li ras riitz'in, xb'aan naq k'ajo'aq li rahilal ut li we'ej, naq sutsuuq li tenamit xb'aaneb' li xik' neke'ilok reheb' jo'wi' xb'aaneb' li te'ajoq xkamsinkileb'».

Jeremías 15:2

Ut wi te'xpatz' aawe: «B'ar tooxik?», taaye reheb': «Li Qaawa' xye chi jo'ka'in: Li teneb'anb'ileb' kamk sa' xb'eeneb' xb'aan li yajel, li yajel taakamsinq reheb'; li teneb'anb'ileb' kamk sa' xb'eeneb' xb'aan li yalok, sa' li yalok te'kamq; eb' li tento te'kamq xb'aan li we'ej, a' li we'ej taakamsinq reheb'; eb' li tento te'isiiq sa' li xna'ajeb', te'k'ame'q sa' jalanil tenamit».

Deuteronomio 32:24

Telaje'kamq xb'aan tz'okaak ut li tiq; te'sache'q ruheb' xb'aan li yib' aj raxkamk. Tintaqlaheb' sa' xb'eeneb' li josq' aj xul ut eb' li k'anti' neke'kamsink.

Levítico 26:26

“Naq tinmaq' cheru chixjunil leetzekemq, lajeeb' chi ixq te'chiqoq leewa sa' jun chi chiqleb'aal, ut b'isb'il chik li wa li teewa': texwa'aq, ab'anan ink'a' taak'ojlaaq leech'ool.

Jeremías 37:21

Toja' naq laj Sedesías, li awab'ej, kixye naq laj Jeremías taakanaaq sa' tz'alam, chiru xneb'aalil li rochocheb' laj k'aak'alenel, ut chik'eemanq junaq xwa rajlal kutan, xkomon eb' li neke'yiib'aak sa' li B'e reheb' laj yiib'ahom wa. Ut a'an tz'aqal ki'uxmank toj reetal kilajk li wa sa' li tenamit. Jo'ka'in naq kikanaak laj Jeremías chi tz'apam, chiru li xneb'aalil li rochocheb' laj k'aak'alenel.

Lamentaciones 1:11

Chixjunileb' laj Jerusalén yookeb' chi yaab'ak naq neke'xik chi xsik'b'al xwaheb'. Xe'xk'ayi li k'aru jwal loq' wank reheb' re te'wanq xtzekemq ut te'xkol li xyu'ameb': “At Qaawa', chawil ut chak'e reetal li xtoq'ob'aal qu”, chankeb'.

Ezequiel 5:16

“Tintaqla chaq li we'ej sa' eeb'een jo' li simaj jwal jutz' ru'uj, li taasachoq chi junwaakaj. Yaal naq tintaqla chaq li we'ej sa' eeb'een ut taalajq chixjunil leewa leeruk'a'.

Ezequiel 14:13

“At kaamel winq, wi junaq tenamit namaakob'k chiwu ut naxq'et li xpaab'aal, laa'in tinrahob'tesi ut tinkanab' chi maak'a' chik xtzekemq; tintaqla chaq li we'ej sa' xb'een ut tink'eheb' chi kamk eb' li poyanam jo' ajwi' eb' li xul.

Ezequiel 31:1

Sa' xtiklajik li rox po re li xjunlaju chihab' qak'amb'al aran Babilonia, kinraatina li Qaawa' ut kixye we chi jo'ka'in: