Jeremías 52:4 - Q'eqchi Bible

⁴ Ak b'eleeb' chihab' chik rokik chi awab'ejink laj Sedesías, sa' li lajeeb' xb'e li xlaje po re li chihab' a'an, naq kichalk laj Nabukodonosor, li awab'ej re Babilonia, rochb'een chaq chixjunileb' laj puub', chi yalok rik'in Jerusalén. Ke'xk'ojob' li xmuheb'aaleb' ut ke'xsut rix li tenamit rik'in k'iila taqleb'aal re te'ok chisa'.

Li Santil hu

⁴ Yo̱ xbele chihab roquic chokꞌ xreyeb laj Israel laj Sedequías, saꞌ li laje̱b xbe li po re lix laje po re li chihab aꞌan, nak quichal laj Nabucodonosor rochbeneb chixjunileb lix soldado chi pletic riqꞌuineb li cuanqueb Jerusalén. Ut chi xjun sutam li tenamit queꞌxyi̱b li naꞌajej najt xteram re xcꞌacꞌalenquil li tenamit.

Jeremías 52:4 ပူးပေါင်းရင်းမြစ်များ

Jeremías 39:1

Ak b'eleeb' po re li xlaje chihab' rokik laj Sedesías cho'q awab'ej re Judá, laj Nabukodonosor, li awab'ej re Babilonia, kichalk rochb'een chixjunileb' laj puub' re xsachb'al ru Jerusalén, ut ke'xsut rix li tenamit.

Zacarías 8:19

“Jo'ka'in naxye li Nimajwal Yos: Li ayuunik chiru li xka po, li ro', li xwuq ut li xlaje po, a'anaq li xnimal sahil ch'oolej cho'q reheb' laj Judá; taasutq'iiq cho'q nimla ninq'e re paab'ank ut loq'onink. Cherahaq b'i' li tiikilal ut li tuqtuukilal.

Jeremías 52:7

Toja' naq ke'xhop li suttz'ak ut, us ta sutsu chi us li tenamit xb'aaneb' laj Kaldeha, ki'elelik li awab'ej chiru li q'oqyink rochb'een chixjunileb' laj puub'. Ke'elk sa' xyanqeb' li xsuttz'akil li tenamit, koheb' sa' li xna'aj rawimq li awab'ej ut ke'xchap xb'e re xik Arabá.

Jeremías 32:24

«K'e reetal naq eb' li taqleb'aal yiib'anb'ileb' xb'aaneb' laj Kaldeha yo chi wulak sa' li tenamit; ut xb'aan li raaxiik', li we'ej ut li raxkamk taa'eechaniiq Jerusalén xb'aaneb' li xik' neke'ilok qe. At Qaawa', yo chi k'ulmank anaqwan li kaye chaq junxil, ut yookat chi rilb'al rik'in laawu.

San Lucas 21:20

“Naq teeril li tenamit Jerusalén sutsuuq xb'aaneb' laj puub', chenawaq naq nach' chik wank li xnimal xsachik.

San Lucas 19:43

Xb'aan naq chalkeb' re li kutan sa' aab'een naq tate'xtz'ap eb' li xik' neke'ilok aawe, tate'xsut ut tate'xpitz'i yalaq b'ar aacha'al;

Ezequiel 21:22

Sa' xnim uq' x'elk li simaj li naxjayali Jerusalén, a'an reetalil naq taaxik chi xsachb'al: tixsut rix li tenamit, tixtuub' li xtaqleb'aal chi xsutam, tixk'eheb' xk'anjelob'aal chireheb' li okeb'aal ut tixjap re chi xyeeb'al resil li kamsink tiklaak re.

Isaías 29:3

Tatink'e chi sute'k xb'aaneb' li xik' neke'ilok aawe, tinwaklesi eb' li kawub'resinb'il ochoch chasutam ut tintuub' li ch'och' re aaweechaninkil.

Levítico 26:25

Texinrahob'tesi rik'in q'esnal ch'iich' li taa'eeqajunq chirix li Sumwank; laa'ex texxik sa'atqeb' leetenamit re xkolb'al eerib', ab'an laa'in tintaqla chaq li raxkamk sa' eeyanq ut laa'ex texq'axtesiiq sa' ruq'eb' li xik' neke'ilok eere.

Jeremías 34:1

Naq laj Nabukodonosor, li awab'ej re Babilonia, rochb'eeneb' laj puub' ut chixjunileb' li tenamit li wankeb' rub'el xwankil sa' ruuchich'och', yookeb' chi yalok rik'ineb' laj Jerusalén ut rik'ineb' chixjunil li tenamit wankeb' chi xsutam, li Qaawa' ki'aatinak rik'in laj Jeremías ut kixye re:

Ezequiel 26:8

Eb' laak'aleb'aal li wankeb' chaq chi ch'och'el te'oso'q rik'in q'esnal ch'iich'. Laj Nabukodonosor tixsut rix laatenamit ut tixtuub' li ch'och' re taqe'k sa' xb'een ut tixtaqlaheb' k'iila aj puub' sa' aab'een.

Ezequiel 33:21

Oob' kutan chik xb'e li xlaje po re li kab'laju chihab' qak'amb'al aran Babilonia, kol'elq wik'in jun li winq ki'elelik chaq Jerusalén, ut kixye we: “Li tenamit x'eechaniik xb'aaneb' li xik' neke'ilok qe”, chan we.

Ezequiel 40:1

Ak oob' xka'k'aal chihab' qak'amb'al aran Babilonia, sa' li lajeeb' xb'e li xb'ele po, ak kaalaju chihab' chik reechaninkil li qatenamit Jerusalén, chiru ajwi' li kutan a'an li Qaawa' kixk'e li ruq' sa' inb'een ut kinxk'am sa' xteepal Israel.

Jeremías 4:17

Jo'keb' laj k'aak'alenel ch'och' naq te'xsut Jerusalén xb'aan naq xq'etq'eti rib' chiwu -chan li Qaawa'-.

Jeremías 21:2

“B'aanu usilal, patz'on chiqix rik'in li Qaawa' k'a'ut naq laj Nabukodonosor, li awab'ej re Babilonia, x'ok chi yalok qik'in. Mare anchal tixb'aanu junaq sachb'ach'oolej li Qaawa' re naq tookanab'aaq sa' xyaalal xb'aan laj Nabukodonosor”. Toja' naq li Qaawa' kiraatina laj Jeremías,

Ezequiel 21:27

Chixjunil taajuk'manq ut taapuk'imanq; rahilal, nimla rahilal, a'an li tinb'aanu. Chixjunil a'in taak'ulmanq naq taachalq li x'awab'ej Babilonia: sa' xb'een a'an teneb'anb'il li raqok aatin sa' ink'ab'a'.