Jeremías 52:3 - Q'eqchi Bible

³ Jo'kan naq li Qaawa' kijosq'o'k rik'ineb' laj Jerusalén ut eb' laj Judá, ut ink'a' chik kiraj rilb'aleb' ru. Laj Sedesías kixq'etq'eti rib' chiru li awab'ej re Babilonia.

Li Santil hu

³ Xban nak quijoskꞌoꞌ li Ka̱cuaꞌ saꞌ xbe̱neb laj Judá ut eb laj Jerusalén, joꞌcan nak queꞌxcꞌul chixjunil li raylal aꞌin toj retal nak li Ka̱cuaꞌ quirisiheb saꞌ lix naꞌajeb. Ut li rey Sedequías incꞌaꞌ chic quixqꞌue rib chixtakla laj Nabucodonosor lix reyeb laj Babilonia.

Jeremías 52:3 ပူးပေါင်းရင်းမြစ်များ

Isaías 3:1

K'ehomaq reetal naq li Qaawa', li Nimajwal Yos, tixkanab' Judá ut Jerusalén chi maak'a' chik wanq re, ut taarisi chixjunil li xwaheb' ut ruk'a'eb'.

2 Crónicas 36:13

Laj Sedesías ajwi' kixq'etq'eti rib' chiru laj Nabukodonosor, awab'ej re Babilonia, ut ink'a' chik ki'okenk chirix, us ta ak xyehom li raatin sa' jurament; kixkawub'resi b'an li xch'ool, kixjipu rib' ut ink'a' kisutq'iik rik'in li Qaawa', xYos laj Israel.

Isaías 19:4

Tinq'axtesi Ejiipt sa' ruq' jun josq' aj winq; jun reemaaru aj awab'ej taanumtaaq sa' xb'eeneb'”, chan li Nimajwal Yos.

Eclesiastés 10:16

Toq'ob' ru li tenamit wank x'awab'ej toj saaj, jo'wi' junes ninq'ehik neke'xk'oxla li wankeb' xwankil aran.

Proverbios 28:2

Naq nanumtaak li q'etok chaq'rab' sa' li tenamit, neke'numtaak ajwi' laj jolominel; ab'an, wi li awab'ej wank xna'leb', li tenamit nak'ojlaak xch'ool ut kaw rib'.

1 Reyes 10:9

Loq'oninb'il taxaq li Qaawa' laaYos, li k'ojk'o xch'ool chawix ut xatxk'ojob' sa' xk'ojarib'aal laj Israel! Sa' xk'ab'a' xraab'aleb' laj Israel chi junelik, li Qaawa' xatxxaqab' cho'q awab'ej re naq tattaqlanq sa' xb'eeneb' sa' xyaalal ut sa' tiikilal”, chan.

2 Samuel 24:1

Li Qaawa' kichalk wi' chik xjosq'il sa' xb'eeneb' laj Israel ut kixchiq' xjosq'il laj David sa' xb'eeneb' re naq trajla chixjunileb' laj Israel ut laj Judá.

Génesis 4:14

Anaqwan laa'at tinaawisi sa' li ch'och' a'in ut laa'in tento naq tinmuq wib' chawu. Tinb'eeni wib' jo' aj eelel sa' ruuchich'och', ut yalaq ani taatawoq we, tinxkamsi”.

Génesis 4:16

Ki'elk laj Kaín chiru li Qaawa' ut kikanaak sa' li na'ajej Nod xk'ab'a', sa' releb'l saq'e, junpak'al Edén.

2 Reyes 24:20

A'in kik'ulmank xb'aan naq li Qaawa' kijosq'o'k rik'ineb' laj Jerusalén ut eb' laj Judá, toj reetal kirisiheb' sa' xnaq' ru chi junajwa. Chirix chik a'an laj Sedesías kixq'etq'eti rib' chiru li awab'ej re Babilonia.

Jeremías 7:15

Texwisi chi xnaq' wu jo' kinb'aanu junxil reheb' li ralal xk'ajoleb' laj Efraín, leerech'alal».

Jeremías 15:1

Li Qaawa' kixye we: “Us ta tole'xxaqab' rib' chiwu laj Moisés ut laj Samuel chi tz'aamank chirix li tenamit a'in, laa'in ink'a' twuxtaana ruheb'. Ye reheb' naq elqeb' chiwu ut xikaqeb' chi najt.

2 Reyes 17:18

K'ajo' naq kijosq'o'k li Qaawa' rik'ineb' laj Israel ut kirisiheb' chi xnaq' ru. Ka'aj chik laj Judá kikanaak rik'in.

2 Reyes 17:20

Toja' naq li Qaawa' kixtz'eq chirix xch'ool eb' li ralal xk'ajoleb' laj Israel, kixk'ut xxutaaneb' ut kixq'axtesiheb' sa' ruq'eb' laj elq', toj reetal kirisiheb' sa' li xna'ajeb'.

2 Reyes 17:23

Toja' naq li Qaawa' kixtz'eqtaanaheb' laj Israel, jo' yeeb'il chaq chi xtz'uumal reheb' li propeet aj k'anjeleb' chiru: eb' laj Israel ke'isiik sa' li xna'ajeb' ut ke'k'ame'k sa' li tenamit Asiria chalen toj anaqwan.

Esdras 4:15

re naq taatz'il rix sa' xhuheb' laaxe'toon ut aran taak'e reetal ut taataw ru naq li tenamit Jerusalén a'an jun tenamit aj q'etol aatin, li nayoob'ank xch'a'ajkilal eb' li awab'ej ut chixjunileb' li na'ajej, ut junelik yo chi po'ok ch'oolej chalen chaq junxil. Xb'aan a'an kisache'k li tenamit a'an.

Isaías 36:5

Ma nakak'oxla naq li aatinak chi chaab'il a'an jwal us chiru li na'leb'ak ut li kawilal sa' xhonalil li yalok? Ani nakak'ojob' wi' aach'ool naq nakaq'etq'eti aawib' chiwu?