Jeremías 52:20 - Q'eqchi Bible

²⁰ Ink'a' kiruuk xb'isb'al li raalal li wiib' chi oqech, li nimla xna'aj li ha', eb' li kab'laju chi xjalam u eb' li b'ooyx yiib'anb'il rik'in q'anch'iich' li ke'wank rub'el li xna'aj li ha', jo' ajwi' eb' li k'ochleb'aal li kixk'e chi yiib'aak laj Salomón, li awab'ej, cho'q re li rochoch li Qaawa'; ink'a' kinawmank jo'k'ihal li raalal.

Li Santil hu

²⁰ Incꞌaꞌ quiru xbisbal li bronce li quicꞌanjelac re xyi̱banquil li cuib chi okech, li nimla pila ut li cablaju chi cuacax li quihilan cuiꞌ li pila, joꞌ eb ajcuiꞌ li cꞌochleba̱l, xban nak kꞌaxal nabal. Chixjunil aꞌin quixtakla xyi̱banquil li rey Salomón re ta̱cꞌanjelak saꞌ lix templo li Ka̱cuaꞌ.

Jeremías 52:20 ပူးပေါင်းရင်းမြစ်များ

1 Reyes 7:47

K'ajo' xk'ihaleb' li k'anjelob'aal a'in, ink'a' naru xb'irb'al rix chixjunil li q'anch'iich' li ki'ok chisaheb'.

2 Reyes 25:16

Ink'a' kiruuk xb'isb'al li raalal li wiib' chi oqech, li nimla xna'aj ha' ut eb' li k'ochleb'aal li kixk'e chi yib'aak laj Salomón cho'q re li rochoch li Yos.

2 Crónicas 4:18

K'ajo' xk'ihaleb' li k'anjelob'aal a'in kixk'e chi yiib'aak laj Salomón, ink'a' naru xb'irb'al rix chixjunil li q'anch'iich' li ki'oksimank.

1 Crónicas 22:14

K'e reetal, rik'in chixjunil linmetz'ew laa'in xinruhank chi xkawresinkil cho'q re li rochoch li Qaawa' o'k'aal mil kintal chi oor, oxlajuk'aal xkab' o'q'ob' mil kintal chi plaat ut xikenaq xk'ihal chi q'unch'iich' ut kawil ch'iich', ink'a' naru xb'isb'al a'an. Wank ajwi' che' ut pek li xinkanab' laa'in, ut laa'at tatruhanq xtz'aqob'resinkil a'an.

1 Reyes 7:25

A'an k'ojk'o sa' xb'een kab'laju chi b'ooyx yiib'anb'ileb' rik'in q'anch'iich': oxib' neke'ilok sa' xjayal releb'l iq', oxib' neke'ilok sa' rokeb'l saq'e, oxib' sa' xsak'leb' iq' ut li oxib' chik neke'ilok sa' releb'l saq'e. Ke'xchunub' li nimla xna'aj ha' sa' xb'eeneb' li b'ooyx, ut li roqeb' li wankeb' chirix ke'kanaak rub'el li xna'aj ha'.

Jeremías 52:17

Eb' laj Kaldeha ke'xjuk'eb' li roqechal li rochoch li Qaawa' yiib'anb'ileb' rik'in q'anch'iich', eb' li k'ochleb'aal ut li nimla xna'aj li ha' li wank sa' rochoch li Yos, ut ke'xk'am chixjunil li q'anch'iich' toj Babilonia.