Jeremías 52:19 - Q'eqchi Bible

¹⁹ Li xjolomileb' laj puub' kixxok ajwi' eb' li sek', li xanxaar, li k'anjelob'aal re kirkisink, li xna'aj li cha, eb' li xna'aj kanteel, eb' li lekleb', eb' li pulaat ut chixjunil li k'a'aq re ru yiib'anb'il rik'in oor ut plaat na'uxk wi' mayejak.

Li Santil hu

¹⁹ Laj Nabuzaradán li nataklan saꞌ xbe̱neb li soldados li nequeꞌcꞌacꞌalen re li rey quixcꞌam chixjunileb li ucꞌal, li chꞌi̱chꞌ li nequeꞌxchap cuiꞌ li ru xam, ut li ni̱nki secꞌ. Quixcꞌam li ucꞌal, li xnaꞌajeb li candil, li cuchara ut eb li secꞌ li nequeꞌxqꞌue cuiꞌ li vino li nequeꞌxmayeja. Chixjunil li yi̱banbil riqꞌuin oro ut plata quilajeꞌxcꞌam.

Jeremías 52:19 ပူးပေါင်းရင်းမြစ်များ

2 Reyes 25:15

Li xjolomileb' laj puub' kixxok ajwi' eb' li xanxaar ut eb' li sek' yiib'anb'ileb' rik'in plaat ut oor.

Números 16:46

laj Moisés kixye re laj Aharón: “Xok laaxanxaar, k'e xam chisa' xkomon li wank sa' li artal, ut k'e ajwi' li pom. Chirix a'an ayu chi junpaat wankeb' wi' li komonil ut taatoj rix li xmaakeb'. Xb'aan naq xnumtaak li xjosq'il li Qaawa' ut ak xtiklaak li raxkamk”, chan.

Levítico 26:12

tinwanq sa' eeyanq, ut laa'inaq leeYos ut laa'exaq intenamit.

Éxodo 27:3

Taayiib' xna'aj li cha; taayiib' ajwi' eb' li xokleb', li k'uuleb'aal kik', li chapleb' ut xna'aj ru xam: chixjunileb' li k'anjelob'aal a'in taayiib' rik'in q'anch'iich'.

Zacarías 4:2

“K'aru nakawil?”, chan we. Laa'in kinye re: “Yookin chi rilb'al jun xna'aj saqenk yiib'anb'il rik'in oor chixjunil. Sa' xb'een a'an wank li xna'aj li xya'al li xam, wuqub' chi saqenk rochb'een li xnumleb'aal li xya'al.